法言人
法言人

法言人|18歲黃可盈童星出身5歲入行 自小多才多藝甜美歌聲受讚賞

影視娛樂

廣告

TVB劇集《法言人》日前一集講到健美中心老闆娘Macy(康華飾)與其患癌女兒淇淇(黃可盈飾)的故事,兩人的演出相當催淚,其中年僅18歲的童星黃可盈,歌聲更備受網民讚賞,原來她由5歲已開始拍劇,演出經驗豐富,至今已演出超過35部劇集!

法言人 黃可盈近日在《法言人》的演出大受網民讚賞。
黃可盈近日在《法言人》的演出大受網民讚賞。(圖片來源:IG@hywmel)

《法言人》黃可盈孖胡鴻鈞獻唱《世上只有》

《法言人》中金師爺(馬國明飾)與田佑家律師(林夏薇飾)在幫老闆娘Macy打官司之餘,又幫淇淇圓夢,「撮合」淇淇與偶像胡鴻鈞(胡鴻鈞 Hubert 飾)見面兼合唱,網民都大讚飾演淇淇的黃可盈(Melanie):「囡囡唱歌真係好好聽」、「小妹妹一唱歌已很感動」、「唱得好好,亦演得好好」等等。

法言人 黃可盈上台拖住「彩蛋」胡鴻鈞合唱,令網民大嗌驚喜。
黃可盈上台拖住「彩蛋」胡鴻鈞合唱,令網民大嗌驚喜。(圖片來源:《法言人》截圖)
法言人 唔少網民都大讚黃可盈唱歌好好聽!
唔少網民都大讚黃可盈唱歌好好聽!(圖片來源:《法言人》截圖)

講最後心願狂派洋蔥

劇中Macy為愛女化妝喊不停,淇淇堅強笑問:「係咪我太靚,媽咪唔抵得我呀?」又向Macy說出最後心願:「就算以後剩番你自己一個,你都要開開心心,記得要成日笑,笑多啲,人都健康啲!」劇情狂派洋蔥,非常催淚!

法言人 康華同可盈嘅故事,感動唔少網民。
康華同可盈嘅故事,感動唔少網民。(圖片來源:《法言人》截圖)
法言人 月亮下感人一幕,唔只網民嗌感動,連黃可盈自己都話睇到喊。
月亮下感人一幕,唔只網民嗌感動,連黃可盈自己都話睇到喊。(圖片來源:《法言人》截圖)

大讚「媽咪」康華「話喊就喊」

黃可盈過去曾演出過不少慘情角色,今次在《法言人》中飾演淇淇亦是眼淚不斷,她謙稱自己演喊戲還有進步空間,並大讚媽咪康華「話喊就喊」兼好人:「有一晚我哋拍得比較夜,康華姐擔心我自己返屋企危險,主動話車埋我。」

法言人 康華與可盈感情要好,唔使埋位時更是玩得相當開心。
康華與可盈感情要好,唔使埋位時更是玩得相當開心。(圖片來源:TVB提供)

感激胡鴻鈞畀唱歌意見

黃可盈又表示很開心能在劇集中獻唱並獲Hubert教路:「我好鍾意唱歌,但冇公開演唱經驗嘅我要同專業歌手一齊唱,真係有少少緊張。好彩拍攝當日我哋試錄咗3次就good take,Hubert哥哥好nice,有畀唱歌意見同鼓勵我。等埋位時我都有同佢傾偈,佢好傾得同埋會講笑,我哋仲唱《到此一遊》打發時間。」

法言人 對於能夠與胡鴻鈞同台合唱,黃可盈表示很開心,並大讚胡鴻鈞好玩得。
對於能夠與胡鴻鈞同台合唱,黃可盈表示很開心,並大讚胡鴻鈞好玩得。(圖片來源:TVB提供)

11年後再遇「爸爸」馬明好驚喜

黃可盈又笑指今次演出最大驚喜,是繼《點解阿Sir係阿Sir》後,相隔11年再與馬明合作,可盈說:「基本上佢冇乜點變,依然都係咁型仔,同埋成熟穩重咗。」

法言人 黃可盈2010年演出《點解阿Sir係阿Sir》時只得約6歲,當時馬明客串飾演女主角鍾嘉欣的新鄰居,是個獨力照顧女兒琪琪的單親爸爸,在大結局一集出場。
黃可盈2010年演出《點解阿Sir係阿Sir》時只得約6歲,當時馬明客串飾演女主角鍾嘉欣的新鄰居,是個獨力照顧女兒琪琪的單親爸爸,在大結局一集出場。(圖片來源:TVB提供)
法言人 《法言人》在2021年拍攝,黃可盈相隔11年與馬明再度合作拍劇,大讚馬明依然有型!
《法言人》在2021年拍攝,黃可盈相隔11年與馬明再度合作拍劇,大讚馬明依然有型!(圖片來源:TVB提供)
法言人 原來黃可盈2017年亦同林夏薇合作過,佢亦大讚林夏薇完全冇變過!
原來黃可盈2017年亦同林夏薇合作過,佢亦大讚林夏薇完全冇變過!(圖片來源:IG@hywmel)

自小周身刀 多才多藝

現年18歲、正修讀大學Year 1的黃可盈,5歲已開始做童星,演出經驗豐富,至今拍攝超過35部劇集,另外還有電影及廣告演出原來她不但愛演戲,更熱愛唱歌跳舞和畫畫,曾是香港兒童合唱團成員,贏過很多大大小小的比賽,而且擁有8級鋼琴資格,仲不時在社交網分享一邊彈吉他一邊唱歌的影片,非常多才多藝。

法言人 黃可盈5歲時已獲廣告監製睇中,同毛姐毛舜筠合作拍廣告入行,2010年開始加入TVB拍劇。
黃可盈5歲時已獲廣告監製睇中,同毛姐毛舜筠合作拍廣告入行,2010年開始加入TVB拍劇。(圖片來源:IG@hywmel)
法言人 之後黃可盈又拍了不少廣告和劇集,演出經驗豐富。
之後黃可盈又拍了不少廣告和劇集,演出經驗豐富。(圖片來源:微博@陳泓達Hugo)
法言人 《點解阿Sir係阿Sir》係黃可盈第一部演出的劇集。
《點解阿Sir係阿Sir》係黃可盈第一部演出的劇集。(圖片來源:IG@hywmel)

親民友善 得圈中前輩喜歡

黃可盈自小已喜歡表演,曾憑《星空下的仁醫》中的未成年懷孕少女角色引起關注,此外又演出過《法證先鋒V》、《金宵大廈2》、《飛虎2》、《巾幗梟雄之諜血長天》、《十八年後的終極告白》等劇集,期間合作過的演員也多不勝數,包括鍾嘉欣、周家怡、黃浩然、岑麗香、湯洛雯等,她亦不時在社交網分享和前輩們的合照。

法言人 黃可盈曾在2021年播出的劇集《星空下的仁醫》中,飾演未成年懷孕少女徐佳雪,後來更發現子宮生瘤,面對兩難局面,又要顧及爸爸感受,其忐忑的表現被黃可盈演繹得相當傳神,甚至惹哭觀眾,因而大受讚賞。
黃可盈曾在2021年播出的劇集《星空下的仁醫》中,飾演未成年懷孕少女徐佳雪,後來更發現子宮生瘤,面對兩難局面,又要顧及爸爸感受,其忐忑的表現被黃可盈演繹得相當傳神,甚至惹哭觀眾,因而大受讚賞。(圖片來源:《星空下的仁醫》截圖)
法言人 多才多藝的黃可盈,之後曾為節目《Sing空下的仁醫》上台獻唱!
多才多藝的黃可盈,之後曾為節目《Sing空下的仁醫》上台獻唱!(圖片來源:IG@hywmel)

黃可盈曾與不少藝人前輩合照:

睇埋黃可盈大個女靚相:

法言人 現實中的黃可盈已升讀大學一年級大個女,化妝後好有K-pop美少女Feel。
現實中的黃可盈已升讀大學一年級大個女,化妝後好有K-pop美少女Feel。(圖片來源:IG@hywmel)

仲有《法言人》黃可盈與胡鴻鈞合作的拍攝花絮:

《法言人》淇淇給媽媽最後的禮物精華片段:

黃可盈話好開心見到大家有被感動到,多謝大家支持!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@hywmel、《法言人》截圖、TVB提供、微博@陳泓達Hugo、《星空下的仁醫》截圖、微博@黃可盈Melanie資料或影片來源:原文刊於東方新地