沈殷怡狂數陳欣妍有公主病  爆拍《美女郊遊遊》要當女友般呵護
沈殷怡狂數陳欣妍有公主病  爆拍《美女郊遊遊》要當女友般呵護

沈殷怡狂數陳欣妍有公主病 爆拍《美女郊遊遊》要當女友般呵護

沈殷怡孖陳欣妍兩位Shirley去年拍《美女郊遊遊》真人騷以性感bra top行山,立即引起網上熱話,令人氣急升,齊齊升呢ViuTV女神﹗日前陳欣妍接受強尼和沈殷怡主持的《晚吹 – 有酒今晚吹》訪問,沈殷怡不止大爆真人騷《美女郊遊遊》秘聞,更力數拍檔的不是,每日開工要如男朋友湊女朋友仔一樣、時時刻刻呵護陳欣妍的身心,諗番都覺吃力,鏡頭前數落陳欣妍如患公主癌,清談節目變爆陰毒﹗
文:東方新地 |《晚吹》截圖、《美女郊遊遊》截圖

近日沈殷怡頂替娟姐與強尼主持《晚吹》節目,今集請來拍檔陳欣妍,話題自然提到真人騷《美女郊遊遊》。
近日沈殷怡頂替娟姐與強尼主持《晚吹- 有酒今晚吹》節目,今集請來拍檔陳欣妍,話題自然提到去年真人騷《美女郊遊遊》。

沈殷怡和陳欣妍因為拍《美女郊遊遊》而人氣急升,工作不斷,成功締造成組合「Double S」,其後再雙雙在烹飪比賽《辣火頭》中參賽,呢對CP令觀眾相當受落。不過沈殷怡卻在《晚吹- 有酒今晚吹》連環爆料指二人非外界所見的合拍投契,更大數陳欣妍的難頂公主病,令沈殷怡拍攝時感到份外吃力。

陳欣妍拍攝《美女郊遊遊》時幾乎集集都驚到喊,更喊到成條鼻涕吊住,陳欣妍話當時驚到唔知自己流晒鼻涕。
陳欣妍拍攝《美女郊遊遊》時幾乎集集都驚到喊,更喊到成條鼻涕吊住,陳欣妍話當時驚到唔知自己流晒鼻涕。

沈殷怡覺得陳欣妍好麻煩

主持強尼首先問陳欣妍與女拍檔合作有冇困難?陳欣妍表示沒有,因為讀了十三年女校,習慣與女生相處,但沈殷怡卻唱反調:「坦白講,我其實唔係好習慣﹗」然後不吐不快爆seed:「喺《美女郊遊遊》裡面,我擺明係一個男朋友嘅角色,可能係咁造成。我有時會諗點解身邊嘅女人,可以真係咁女人,覺得佢哋好麻煩,搞到我要好似男朋友咁去處理佢(陳欣妍)。」然後手指住陳欣妍話:「佢都知㗎﹗我好似男朋友咁帶佢去行山﹗」

沈殷怡手指住陳欣妍話:「佢自己知㗎,知我好似男朋友對女朋友般去照顧﹗」
沈殷怡手指住陳欣妍話:「佢自己知㗎,我好似男朋友帶住佢去行山咁﹗」

沈殷怡模仿陳欣妍娃娃聲

陳欣妍反擊:「嗱嗱嗱﹗上山嘅時候係我拉住你㗎OK?」沈殷怡冇理對方搶住話:「(嬌嗲聲模仿陳欣妍講話)你唔好放開我隻手,我要拖住你,都要繑住你,唔得﹗我要十指緊扣﹗」陳欣妍即自辯:「因為我好敏感,要有觸感掂到,我先有安全感﹗」

沈殷怡爆陳欣妍行山時要求與她十指緊扣,沈殷怡重提時立即火起:「我問佢點解行山要十指緊扣呀?」
沈殷怡爆陳欣妍行山時要求與她十指緊扣,沈殷怡重提時立即火起:「我問佢點解行山要十指緊扣呀?」
陳欣妍解釋要有掂到對方才感到有安全感。
陳欣妍解釋要有掂到對方才感到有安全感。

沈殷怡自爆怪癖愛捉曱甴

沈殷怡繼續冇停口:「可能我份人好逞強,又鍾意去捉曱甴,人哋覺得我唔得我都要做到,總之唔想畀人覺得我係軟弱嘅﹗但係呢位小姐(指住陳欣妍)呢everyday都喺度喊﹗」陳欣妍狀甚委屈話:「我已經用盡我畢生嘅勇氣去完成所有任務﹗」

沈殷怡語帶怪責拍攝《美女郊遊遊》時陳欣妍集集都喊。
沈殷怡語帶怪責拍攝《美女郊遊遊》時陳欣妍集集都喊。
被沈殷怡一話,陳欣妍一臉委屈指自己已鼓起人生最大勇氣去完成所有任務。
被沈殷怡一話,陳欣妍一臉委屈指自己已鼓起人生最大勇氣去完成所有任務。

強尼幫忙解圍:「你見到佢喺《美女郊遊遊》條鼻涕,唔係唔知呀?」沈殷怡再踩多腳話:「你唔係唔知佢每日都喊得好厲害呀﹗你知唔知我每日都要好似去呵護女朋友嘅心靈去對佢,『乖啦﹗冇事嘅﹗』去安撫佢﹗」

強尼又問兩個女仔拍節目可會有比較?陳欣妍話初時都會有這個想法,佢問沈殷怡:「不過拍到中段,你記唔記得,我哋係比較去到叢林有冇去廁所﹗」

陳欣妍直認拍攝初期大家未熟絡,但至中期大家會比較誰先要在叢林上廁所。
陳欣妍直認拍攝初期大家未熟絡,但至中期大家會比較誰先要在叢林上廁所。

沈殷怡爆陳欣妍尿頻

沈殷怡大聲以「呀」回應後,繼續爆料:「因為呢,唔知點解呢位小姐有尿頻習慣﹗呀﹗唔好意思,我爆咗出嚟,我講咗出嚟唔好意思﹗」講完繼續爆:「真係呢﹗就係唔知點解佢一去到深山度就想去廁所,每次roll機未話要去,次次爬到一半就話好想去﹗」

陳欣妍一講完去叢林上廁所,沈殷怡把握機會再爆料,指陳欣妍有尿頻,拍節目頻頻要上廁所,阻止拍攝進度。
陳欣妍一講完去叢林上廁所,沈殷怡把握機會再爆料,指陳欣妍有尿頻,拍節目頻頻要上廁所,阻止拍攝進度。
陳欣妍反問沈殷怡為何全日不用上廁所。
陳欣妍反問沈殷怡為何全日不用上廁所。

沈殷怡爆全隊crew跟拍陳欣妍叢林如廁

陳欣妍試圖為自己解圍:「咪住先﹗行山係消耗體力,要飲好多水,唔知點解呢位小姐可以全程唔使去廁所,為咗唔去廁所唔飲水﹗」沈殷怡話:「我唔知點解,可能人高大膀胱大啲啩﹗」笑到強尼趴喺度﹗陳欣妍無辜話:「唔知點解每日都想去一次﹗」沈殷怡反駁:「邊止一次﹗」強尼即話:「咁係正常㗎吓話﹗」

沈殷怡再話:「佢一緊張就會飲好多水﹗」強尼問陳欣妍上廁所,會對沈殷怡有何影響?沈殷怡話:「成隊crew開機一齊跟佢去廁所囉﹗」強尼反應極大問:「點解我冇睇到呢part嘅?」陳欣妍話:「拍就拍晒,但唔出得街﹗」

沈殷怡爆每次陳欣妍要上廁所,整隊crew會跟住去拍,不過最後片段出唔到街。
沈殷怡爆每次陳欣妍要上廁所,整隊crew會跟住去拍,不過最後片段出唔到街。
陳欣妍直指自己反應唔夠快、欠缺主持經驗,故要拍檔提水去發言,直認自己慢人半拍,激親沈殷怡,又指沈好包容佢。
陳欣妍直指自己反應唔夠快、欠缺主持經驗,故要拍檔提水去發言,直認自己慢人半拍,激親沈殷怡,又指沈其實好包容自己。
陳欣妍話知道自己反應唔夠快會令阿沈好激氣,沈殷怡話想對方多發言可以有多啲出鏡機會。
陳欣妍話知道自己反應唔夠快會令阿沈好激氣,沈殷怡解釋對方多發言可以有多啲出鏡機會。

沈殷怡狂數拍檔陳欣妍後,突然話要講句唔好意思,因為當日拍攝《美女郊遊遊》時每一日都筋疲力盡,放工回家休息第二日再開工,根本沒有精神時間跟拍檔溝通,沈殷怡話:「有時會諗係咪拍完我哋就停頓落嚟呢,係咪其實有機會發展可以坐低飲番杯食廚師發辦嘅友誼呢?一路都諗再有冇機會呢?」強尼話:「所以今日就係一個好好嘅契機囉﹗」然後大家舉杯,鏡頭前好似無事發生一樣,開心歎靚酒﹗

沈殷怡數完一大輪,突然話要講句唔好意思,因為拍攝時太攰未有時間與拍檔陳欣妍多溝通。
沈殷怡數完一大輪,突然話要講句唔好意思,因為拍攝時太攰未有時間與拍檔陳欣妍多溝通。
講到最後,大家碰杯暢飲。
講到最後,大家碰杯暢飲。
沈殷怡當眾數落陳欣妍,呢一杯究竟可唔可以一飲解千仇呢?
沈殷怡當眾數落陳欣妍,呢一杯究竟可唔可以一飲解千仇呢?

最新吃喝玩樂資訊