江嘉敏新齊蔭髮型 大戰Madam Koo馮盈盈 被笑「煲蓋頭」?
江嘉敏近日為新劇《黯夜守護者》剪了一個齊蔭髮型,但唔知係巧合定有意,這個髮型竟然和她的昔日好姊妹馮盈盈在去年大熱劇集《反黑路人甲》中「Madam Koo」的齊蔭頭造型撞晒樣,網友又鍾意兩人邊一款齊蔭頭多啲呢?
文:東方新地|圖:江嘉敏、馮盈盈IG圖片
江嘉敏:每星期要剪一次
江嘉敏其實唔係第一次剪齊蔭頭,她笑指對上一次是2018年拍攝劇集《福爾摩師奶》時,又笑言剪齊蔭頭的優點是「前蔭長到可以唔畫眉」,而缺點就係「要每星期見髮型師一次」。

江嘉敏同馮盈盈這對昔日好姊妹有傳已反面,早前江嘉敏曾以著旗袍舊相狙擊馮盈盈著旗袍的新相,今次江嘉敏的新髮型亦同馮盈盈早前在大熱劇集《反黑路人甲》中飾演的「Madam Koo」髮型撞到應。


馮盈盈早前曾在社交網上載了兩張自己身著旗袍的靚相,相隔幾小時後,她昔日的「好閨密」江嘉敏亦po出了兩張自己18歲時著旗袍的舊照,似乎要和馮盈盈隔空大鬥法,但卻被網友直斥她「明抄」說:「做咩抄人po旗袍,caption都要抄」,更有網友嘲諷:「你18歲嘅旗袍look都冇而家26歲嘅馮盈盈咁好睇!」

第二張相馮盈盈又引用鄧麗君名曲〈何日君再來〉的歌詞:「好花不常開,好景不常在,愁堆解笑眉,淚灑相思帶,今宵離別後,何日君再來?」作為相片的caption。
