歐陽震華被喻「千億女婿」始祖 結婚24年恩愛秘訣:各有各玩

影視娛樂

廣告

歐陽震華(Bobby)與澳門前賭王傅老榕孫女傅潔嫻結婚24年,膝下無兒女可盡情享受人生,夫婦同愛熱鬧與朋共聚,飲飲食食快樂無憂,不過13年Bobby開P暢飲狂歡後,落錯隔嗆喉導致急性肺炎,昏迷入院搶救,在ICU死過翻生的經歷,讓Bobby夫婦更珍惜彼此。出事後老婆傅潔嫻雖緊張卻未有對Bobby下禁玩令,Bobby早前亦自爆夫妻的感情保鮮方法是要有自由,有時各有各玩,老婆亦唔會有微言。

原文刊於《東方新地》

歐陽震華得老婆御准去夜街

早前Bobby受好友佘詩曼(阿佘)邀請,上內地節目《看我的生活》作客,分享了自己對婚姻的睇法,他表示以前曾向太太說自己一定會「走」先,但現在他就有另一個睇法:「依家我會想遲死過太太,因為我好擔心,如果我死先,驚冇人照顧佢。」Bobby一臉認真,令在場所有人聽到相當感動。Bobby與傅潔嫻結婚24年依然有影皆雙,他坦言保鮮方法原來是婚前協議好不生育,所以現在的生活可以好自由,毋須擔心小朋友的教育和生活,生命中只需要擔心太太一人,他更忍不住讚太太:「以前唔使開工,我日日出街,大部分老婆都會去,有時佢攰唔想去,但唔會阻我出街,佢都算係一個奇女子。我出街狗都吠我,我解讀隻狗係鬧我:『你出街呀?又出街呀?尋晚先出完,今日又出?』但老婆會話『小心揸車』,我話兩點返,佢會畀夠我四點,邊有咁嘅老婆㗎!」

Bobby與太太傅潔嫻96年在加拿大結婚,98年才公開婚訊,因為傅潔嫻是豪門後人,所以務必低調。
Bobby與太太傅潔嫻96年在加拿大結婚,98年才公開婚訊,因為傅潔嫻是豪門後人,所以務必低調。
上月慶祝結婚24周年,因疫情關係未能大搞,傅潔嫻在社交網上載恩愛合照。
上月慶祝結婚24周年,因疫情關係未能大搞,傅潔嫻在社交網上載恩愛合照。

結婚24年恩愛秘訣:各有各玩

事實上,Bobby與傅潔嫻絕對是天作之合,二人都是交際能手,喜歡與好友食飯摸酒杯底,不過出事後Bobby心知命仔要緊,即使夜蒲飲酒都點到即止,據知情者透露:「當年Bobby出事後曾經有段時間好深閨,不過兩公婆都流住酒精嘅血,好快又出嚟同朋友飯敍開P,佢哋習慣咗以酒會友,當然唔會戒酒啦!不過已經冇以前玩得咁盡,以前閒閒哋飲通宵,依家唔會喇,佢哋會畀足夠時間自己休息同回氣,同埋keep住 睇 中 醫 調 理 身體,有Rosanna(傅潔嫻)監督住,Bobby已經節制咗好多,就算幾鍾意食嘅嘢,如果食多無益,Rosanna亦唔會畀佢食過量。不過近年Bobby同Rosanna多咗分開見朋友,不過一有party聚會就一定合體,大家有自己空間,都係夫妻相處之道。」

Bobby與太太傅潔嫻是好客夫婦,以往喜歡在家搞飯局或者夜蒲開P,Bobby飲酒出事後曾三度承諾︰「以後食嘢會檢點啲,酒飲少啲。」不過很快已經飯照食酒照飲。
Bobby與太太傅潔嫻是好客夫婦,以往喜歡在家搞飯局或者夜蒲開P,Bobby飲酒出事後曾三度承諾︰「以後食嘢會檢點啲,酒飲少啲。」不過很快已經飯照食酒照飲。
Bobby赴上海前爭取時間與好友飯敍,出席者包括亞視副總裁林文龍、方中信及曹永廉等,之前有傳Bobby約滿無綫後,將有機會拍亞視劇。
Bobby赴上海前爭取時間與好友飯敍,出席者包括亞視副總裁林文龍、方中信及曹永廉等,之前有傳Bobby約滿無綫後,將有機會拍亞視劇。
Bobby入行38年交友無數,除了經常見面的陶大宇外,早前他相約了結識30年的好友張兆輝及導演黃國輝,期間無所不談,勾起他們不少回憶。
Bobby入行38年交友無數,除了經常見面的陶大宇外,早前他相約了結識30年的好友張兆輝及導演黃國輝,期間無所不談,勾起他們不少回憶。

千億女婿始祖靠自己向上爬

Bobby太太傅潔嫻爺爺是澳門一代賭王傅老榕,家族除創辦香港富麗華酒店,又涉足房地產業務,家族資產據知逾百億,Bobby可說是無綫中的千億女婿始祖,雖然太太大把錢,不過Bobby多年來靠自己向上爬,在無綫拍過逾百套劇,00年已攞視帝,07年更憑《賭場風雲》入圍角逐第三十五屆國際艾美獎的最佳男主角獎項,成為首位香港男藝人獲提名該國際性獎項。Bobby當年曾因為太太家世顯赫被指「食軟飯」,不過這位千億女婿事業運愈來愈好,最後更成為一線當紅小生,Bobby以行動來證明靠自己一樣可以過高質生活。

Bobby在訪問中回憶當年藝訓班的往事,他表示非常羨慕梁朝偉與關禮傑等可以做靚仔角色,而他就只有演賊仔、嫖客等路人甲角色。
Bobby在訪問中回憶當年藝訓班的往事,他表示非常羨慕梁朝偉與關禮傑等可以做靚仔角色,而他就只有演賊仔、嫖客等路人甲角色。
Bobby與關禮傑同是第十一屆無綫藝員訓練班的畢業生,當年官仔骨骨的關禮傑完全唔識老,當年頭髮濃密的Bobby變化卻甚大。
Bobby與關禮傑同是第十一屆無綫藝員訓練班的畢業生,當年官仔骨骨的關禮傑完全唔識老,當年頭髮濃密的Bobby變化卻甚大。
過Bobby多年來靠自己向上爬,在無綫拍過逾百套劇,00年已攞視帝。圖:98年《陀槍師姐》
過Bobby多年來靠自己向上爬,在無綫拍過逾百套劇,00年已攞視帝。圖:98年《陀槍師姐》
07年更憑《賭場風雲》入圍角逐第三十五屆國際艾美獎的 最佳男主角獎項
07年更憑《賭場風雲》入圍角逐第三十五屆國際艾美獎的 最佳男主角獎項
嚟緊又有新劇《伙記辦大事》,會同老友萬綺雯合作。
嚟緊又有新劇《伙記辦大事》,會同老友萬綺雯合作。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地