69鹹片, 必屬佳品 @ 梁栢堅
69鹹片, 必屬佳品 @ 梁栢堅

69鹹片, 必屬佳品 @ 梁栢堅

首先係考古題,東樂戲院喺邊度? 答得出至少五十歲或以上。東樂戲院位置即係宜家太子聯合廣場,七十年代已拆,當年呢間戲院唔止播電影,仲會做大戲。 -梁栢堅

梁栢堅講解:咩係「臠」

梁栢堅 報紙廣告 鹹片

1969年嘅鹹片,第一樣入眼球反而係個英文名Forbidden Beauties,個名食緊紫禁城Forbidden City,再Google下,真係搵到,意大利導演Mino Loy1964年拍嘅。

梁栢堅 舊報紙 鹹片

好喇,明明係鹹片,身為文字人,都會先用上半身去研究下,究竟個「臠」字係乜? 照上文下理,有邊讀邊,應該係個「慾」字啩 ?《禁慾俱樂部》好合理呀。錯! 個「臠」字原來係讀「戀」,乜戀要禁臠?

每日一字上身:臠,係古字,解一小塊肉,二千年前漢朝已經用緊,「禁臠」者,即係「獨自佔有而唔同其他人分享」,鹹片,改名條友都可以咁古雅,六七十年代獨有文化,禁臠有型!

梁栢堅 報紙廣告 興合合

之但係,同時間又有好多市井抵死字眼「水火蕩女海上挑情」之類,又講明「電檢處交帶,唔啱細路睇,認真對唔住」,廣告用字咁活潑,用返傳神廣東話,一聽就有畫面。

當年報紙,有件鬼妹著住泳衣,已經令血氣方剛嘅年輕人興合合,喂唔爭在教多個,正寫應該係㷫熻熻,係囉呢個欄鹹得嚟又幾學術下。

最新吃喝玩樂資訊