林盛斌
林盛斌

Bob林盛斌便利店又請性感員工「翻版麥家琪」 靚女彤彤何去何從?

影視娛樂

廣告

疫情嚴峻,經濟下滑,疫情期間曾經零收入的林盛斌Bob,轉靠副業幫補家計。一向有生意頭腦的Bob早前轉戰投資便利店更愈撈愈掂,為了吸引更多顧客,Bob更在社交平台大曬美女員工作宣傳。早前深受顧客歡迎的員工彤彤雖然已經辭職,但Bob在IG宣佈另一分店來了「翻版麥家琪」補數!

林盛斌Bob專請美女員工 今次為「翻版麥家琪」

疫情期間曾經一度零收入的Bob林盛斌,全靠瞓身專注發展副業而愈撈愈發。Bob有份投資的便利店已經有四家分店,一向有生意頭腦的Bob更專請美女員工。早前Bob曾經在社交平台上上傳了土瓜灣分店彤彤的照片作宣傳,可是原來彤彤已經辭職,離開了土瓜灣分店。Bob近日便在社交平台上分享另一位員工的照片,留言表示:「土瓜灣走咗個彤彤,最近嚟咗一個家家。各位觀眾,852麥家琪!」新員工「翻版麥家琪」家家跟彤彤一樣身形超Fit,而且衣著打扮亦十分性感!雖然網民對「家家」意見不一,不過有女網民就留言投訴:「女人都會去買嘢, 係時候請D型男」,令阿Bob腦洞大開,回覆表示:「你又啱喎」,睇嚟阿Bob已經構思到下一步點做喇!

林盛斌 林盛斌Bob專請美女員工 今次為「翻版麥家琪」
林盛斌Bob專請美女員工 今次為「翻版麥家琪」(圖片來源:[email protected]_lamshingbun)
林盛斌 新員工「翻版麥家琪」家家跟彤彤一樣身形超Fit,而且衣著打扮亦十分性感!
新員工「翻版麥家琪」家家跟彤彤一樣身形超Fit,而且衣著打扮亦十分性感!(圖片來源:[email protected]_lamshingbun)

靚女前員工彤彤 一度引起網民熱烈討論

在便利店分店剛開張的時候,Bob曾經上傳過靚女前員工彤彤的照片,一度引起網民熱烈討論!Bob當時公開了前員工彤彤整理庫存的照片和與彤彤的合照,從照片中可見,穿上貼身上衣的彤彤身形極Fit,而且眼神亦十分溫柔!Bob在上傳照片的同時,亦留言大讚:「嘩嘩嘩,我哋呢位852美少女店員彤彤,人靚聲甜,性格開朗,絕對係精神嗰班,講明先,大家唔好顧住搵佢吹水唔買嘢喎!」照片出街之後,大批網民表示要去朝聖幫襯,而且亦求Bob公開彤彤的IG號,可是Bob表示自己也沒有彤彤的IG!

林盛斌 穿上貼身上衣的彤彤身形極Fit
穿上貼身上衣的彤彤身形極Fit(圖片來源:[email protected]_lamshingbun)

超有生意頭腦 逆市換大屋

現年42歲林盛斌向來顧家又勤力,吸金能力極強,被封「隱形富豪」,同太太及4子女家住九龍塘的三層獨立屋,一家六口幸福滿滿。日前Bob在IG上載一張相片,影低一家六口住開的三層獨立屋,並寫道:「拜拜,多謝你呢三年為我哋遮風擋雨。」此帖一出,不少網民勁羨慕他再換屋,紛紛留言:「Bob爺好勁,呢個時勢再搬大屋。」、「住得起好叻!一個能承擔所有屋企人使費嘅人,仲叻!」、「Good Luck!愈搬愈大,羨慕!」等。

林盛斌 現年42歲的林盛斌向出名吸金能力強,同太太及4子女住九龍塘的三層獨立屋,一家六口幸福滿滿。
現年42歲的林盛斌向出名吸金能力強,同太太及4子女住九龍塘的三層獨立屋,一家六口幸福滿滿。(圖片來源:[email protected]_lamshingbun)
林盛斌 日前Bob在IG透露再換大屋。
日前Bob在IG透露再換大屋。(圖片來源:[email protected]_lamshingbun)

升級同區大型豪宅

據知林盛斌一家六口將升級到同區私隱度更高的特色豪宅,面積比舊屋更大更舒適。而Bob接受傳媒訪問則表示因舊屋租約期滿,剛剛搵到同區附近適合的新屋,所以轉換新環境。他又大讚新居,風水又好,環境又唔錯,又光猛等等,有更多空間給子女活動,所以決定搬屋。Bob又指轉換新環境,可以令自己有新的感覺,新的動力,會繼續努力做好工作同事業。

林盛斌 Bob大讚新屋風水好,環境又唔錯,還有更多空間給子女活動。
Bob大讚新屋風水好,環境又唔錯,還有更多空間給子女活動。(圖片來源:[email protected]_lamshingbun)

拍片解釋為何租樓唔買樓

其實每次阿Bob搬屋,都會有人他為何只租不買,今次亦不例外,於是他就將他之前曾經拍過的廣告短片重新分享至IG,去解釋只租不買的原因:「其實好簡單,四個字-『機會成本』!假設你想住好啲,九龍塘,人一世物一世,五千尺大屋,我計過,最平個間都要1-2億左右。我就當1億5千萬,咁可能你有其他物業係身,咁要畀15%釐印費。」他屈指一算,買豪宅要手持近一億現金,繼而他續說:「如果我有9千幾萬現金,我唔會咁用囉,更何況我冇。如果我真係有9千幾萬我會選擇投資唔同地方,分散風險,每年有5%回報,9千幾萬一年5%回報,就400幾萬,一個月都40萬。我租層樓誇張咁講都係10-20萬,仲剩20萬畀你用,所以所謂呢啲豪宅係抵租唔抵買,不過戴定頭盔,以上方法未必適任何人。」

林盛斌 不過阿Bob話佢冇九千幾萬現金喎!
不過阿Bob話佢冇九千幾萬現金喎!(圖片來源:[email protected]_lamshingbun)

睇返林盛斌「大過地球」三層舊屋

07年結婚,婚後生完又生如今家有三女一子,係搵到所以唔怕生多啲養多幾個,定係生得多所以搵食動力都高過人,咩原因都好,總之個結果就係搵到亦都享受得起! 15年由太子道900呎舊居搬去加多利山三千呎豪宅,之後再被逼遷後更上一層樓,曾入住九龍塘三層獨立屋,地方更闊落設備更齊全,用經常上門作客嘅老友農夫成員 C 君嘅說話去形容,Bob 屋企「 大過地球 」咁話喎!

林盛斌 07年同老婆黃乙頤結婚,Bob 捱得、老婆都生得亦好學肯做幫到手搵食,如今林家三女一子出親街都浩浩蕩蕩。拜年張全家大合照,留意番玄關雙門高樓底設計,甚具豪宅大戶風範。
07年同老婆黃乙頤結婚,Bob 捱得、老婆都生得亦好學肯做幫到手搵食,如今林家三女一子出親街都浩浩蕩蕩。拜年張全家大合照,留意番玄關雙門高樓底設計,甚具豪宅大戶風範。(圖片來源:新傳媒資料庫)
林盛斌 好生養又相夫教子之外,Bob 嫂亦考埋各種牌照,近期仲幫人睇埋風水,好學又識幫輕Bob負擔嘅佢喺屋企都有專屬辦公室,仲大到可以招呼同事開會。
好生養又相夫教子之外,Bob 嫂亦考埋各種牌照,近期仲幫人睇埋風水,好學又識幫輕Bob負擔嘅佢喺屋企都有專屬辦公室,仲大到可以招呼同事開會。 (圖片來源:新傳媒資料庫)
林盛斌 人緣好屋企又大,林宅經常被圈中朋友及兒女同學仔用作開 P 飯敍基地,老友翠如生日都係喺度慶祝。
人緣好屋企又大,林宅經常被圈中朋友及兒女同學仔用作開 P 飯敍基地,老友翠如生日都係喺度慶祝。 (圖片來源:新傳媒資料庫)
林盛斌 一家大細一齊做運動都冇問題。
一家大細一齊做運動都冇問題。 (圖片來源:新傳媒資料庫)
林盛斌 客廳大到放到巨型大梳化之餘仲有座按摩椅,依然大把位剩
客廳大到放到巨型大梳化之餘仲有座按摩椅,依然大把位剩(圖片來源:新傳媒資料庫)

平時早出晚歸四出奔波搵錢養家,疫情打擊下被迫放緩工作步伐,Bob 難得多咗時間留喺屋企湊吓仔女享受吓家庭樂,分享多咗同仔女玩樂學習日常相片,「 大過地球 」豪宅間隔亦都因此逐格曝光,飯枱大到加埋轉盤開到一圍十二人酒席、偏廳可以改裝成遊戲廳闊落過 playgroup、花園有假山有噴水池大到可以開到poolside燒烤派對、房多到四個仔女可以有個專屬學習房兼圖書館,一家六口加埋三個工人姐姐都夠住仲綽綽有餘,睇怕 Bob再追多幾個都仲得!

林盛斌 大家族兄弟姊妹多嘅好處,就係居家防疫都有玩伴,加埋屋企夠大,想點玩都得。
大家族兄弟姊妹多嘅好處,就係居家防疫都有玩伴,加埋屋企夠大,想點玩都得。 (圖片來源:新傳媒資料庫)
林盛斌 電視廳背後,可見巨型偏廳早被林太改裝成四兄弟姊妹嘅遊樂廳。呢期最受媽媽歡迎嘅加厚絨面防撞墊,最大 size 林家可以放夠兩塊,沿牆邊井然有序擺滿仔女玩具。
電視廳背後,可見巨型偏廳早被林太改裝成四兄弟姊妹嘅遊樂廳。呢期最受媽媽歡迎嘅加厚絨面防撞墊,最大 size 林家可以放夠兩塊,沿牆邊井然有序擺滿仔女玩具。 (圖片來源:新傳媒資料庫)
林盛斌 Bob 嫂持家有道更緊張四個仔女學習成績,新屋有大大間學習房,一人一張書枱以外,仲有落地大書櫃分類整齊放好參考書。
Bob 嫂持家有道更緊張四個仔女學習成績,新屋有大大間學習房,一人一張書枱以外,仲有落地大書櫃分類整齊放好參考書。 (圖片來源:新傳媒資料庫)

圖片來源:[email protected]_lamshingbun、新傳媒資料庫

最新吃喝玩樂資訊