林泳淘 地鐵
林泳淘 地鐵

林泳淘搭地鐵遭非禮反被質疑呃Like IG發文還擊網民:二次傷害

影視娛樂

廣告

前「東張女神」林泳淘日前(20日)於IG自爆搭地鐵時慘遭非禮,並將疑似非禮自己的男士影低並分享至限時動態,但此舉卻反遭部分網民公審。雖然林泳淘事後將「非禮」限動刪除,但依然惹來網民激烈討論,甚至有人質疑她「為賺流量不擇手段」。事件發酵數日,她今日(23日)於社交平台寫下長文逐一回應網民指控!

林泳淘 地鐵 余詠珊 新節目 東呃西騙 林泳淘 就算唔着小背心,身材一樣咁出眾。
林泳淘當年做主播時憑住甜美的樣子,加上小背心+斜孭袋而成為「東張女神」。(圖片來源:《東張西望》截圖)
林泳淘 地鐵 林泳淘 結婚後多了女人味!
林泳淘於2019年9月被無綫解約,及後一度轉戰YouTube界,近日亦有登上ViuTV。2021年升呢做人妻。(圖片來源:IG@wingt)
林泳淘 地鐵 雖然林泳淘已經離開TVB多年,但她與另一位現任「東張女神」利穎怡仍然很好姊妹。
雖然林泳淘已經離開TVB多年,但她與另一位現任「東張女神」利穎怡仍然很好姊妹。(圖片來源:IG@wingt)

網民質疑「夠膽影相,唔夠膽報警」

林泳淘於帖文中表示有人質疑「你夠膽影相,唔夠膽報警?」,她指:

「我只能夠話唔係發生喺你身上,你梗係講咩都可以好大聲,事情發生嘅當下你根本反應唔切,而就算回魂之後只有一個人你都會考慮好多嘢,我應唔應該大叫?如果佢唔認咁點?我係咪應該捉住佢?佢會唔會發爛渣?而到最後,影相係我能夠為自己做嘅事,嬲自己冇即時反應到,唔希望呢啲事會喺其他人身上再次發生,帶住又嬲又後悔嘅心情出咗 story,呢個係我嘅初衷。」

林泳淘 地鐵 林泳淘於IG寫下長文逐一回應網民指控!
林泳淘於IG寫下長文逐一回應網民指控,朱智賢都話曾被非禮。(圖片來源:IG@wingt)
林泳淘 地鐵 網民對於開樣公審一事,意見兩極掀起熱烈討論。
網民對於開樣公審一事,意見兩極掀起熱烈討論。(圖片來源:IG截圖)

承認有做得不妥當的地方

就開樣公審該男子一事,她承認有做得不妥當的地方,於是決定刪除有關Story:

「戴住口罩就疏忽咗打格嘅重要性,真係無confirm到對方意圖就出 story係自己考慮不周,我明白自己嘅錯,當然嗰時已經太遲,亦冇諗過事件會咁樣發酵。對於衝動而作出錯誤嘅行為影響到人,呢一點係我最内疚嘅地方。但同樣嘅事,無論發生喺任何性別人士身上,我都會一樣為佢氣憤,只係女性比男性遇到非禮事件嘅比例多好多,我先會話女仔要好好保護自己,男士請好好保護女伴,理解呢番說話真係咁難? 」

林泳淘 地鐵 就開樣公審該男子一事,她承認有做得不妥當的地方,於是決定刪除有關Story。
就開樣公審該男子一事,她承認有做得不妥當的地方,於是決定刪除有關Story。(圖片來源:IG@wingt)

反擊網民指控

對於被指「淨係識利用網絡公審」、「為賺流量不擇手段」、「唔報警就係講大話」,「做雞都怕触底?」等等的言論,她反擊指:「我真係腦洞大開,仲有人話做男人好危險,應該要有男士車卡等等。我唔係歧視,不過想問,乜搭車小心自己隻手唔好摸到人pat pat真係咁難?對於認為自己言行絕對正確嘅人,我除咗深表遺憾都無咩好講,只係抱歉因為自己處理得不恰當,而令事件變得難堪。」最後,她希望不會影響被同類事件傷害過的人的心情,或者令人遇到非禮事件後變得更加難以啟齒:「慶幸自己唔係太過脆弱嘅人,仲未被深深二次傷害到。」

林泳淘 地鐵 林泳淘長文回應網民指控。
林泳淘長文回應網民指控。(圖片來源:IG@wingt)

林泳淘搭地鐵被非禮

現時33歲的林泳淘在20日突然發IG限時動態,自揭在搭地鐵時慘遭陌生男非禮拍PatPat :「啱啱搭地鐵,準備開車之際feel到 pat pat俾人好快咁拍佐一下,我即刻望過去,就見到呢個人好近咁企咗喺我後面。我一直望住佢,佢就一直都係咁樣望前面,真係唔知佢係有心定無意,但我好後悔當刻無即刻指證佢,起碼等佢驚一驚,之後唔敢咁樣對其他女仔。嬲啊!」

林泳淘 地鐵 林泳淘更將疑似非禮她的男士影低並分享至限時動態。
林泳淘更將疑似非禮她的男士影低並分享至限時動態。(圖片來源:IG@wingt)

林泳淘指控陌生男反被鬧

不過限時動態分享至社交平台數小時後,林泳淘卻將原有的「非禮」限動刪除,並再次在限時動態中表達感受,表示自己收到不少網民的訊息,當中有人很有共鳴,但同時亦有人留言可憐「陌生男」並指罵林泳淘。她也預計到會被網民攻擊,林泳淘續說:「出story之前,我已經預咗會被人話,因為我真係無當場對質,呢樣亦係我最嬲自己嘅一點。不過係一架唔太full嘅車卡入面,企埋一位女士格離,係運行中有意無意碰一下,雖然時閰好快好短,但令我覺得非常唔舒服亦係真的。收到好多女仔 msg佢哋都遇過呢種情況,當下真係又嬲又唔知可以點,我好明白。我自認自己係一個比較大膽唔怕事嘅人,但個刻我都 hand機,所以我先更加後悔,同決定出呢個 story。希望女生任何時候都要好好保護自己,希望男士們見到要好好保護自己嘅女伴同身邊嘅人,呢啲咁嘔心嘅事真係一單都厭(嫌)多。」

林泳淘 地鐵 林泳淘刪Post後呼籲女性囡學懂保護自己。
林泳淘刪Post後呼籲女性囡學懂保護自己。(圖片來源:IG@wingt)

林泳淘行走的小背心

林泳淘亦都是一代「東張女神」,平時周圍走採訪,經常着小背心幫助散熱,造就唔少令人窒息畫面,每次有小背心出現,都會被網民cap圖廣傳!不過林泳淘都有尷尬時候,曾經一度「投降」聲稱唔再着小背心上鏡,但熱天除了為大地帶來美腿,亦會令人大出汗水,所以小背心一直都未有在《東張西望》絕跡。

林泳淘 地鐵 林泳淘小背心令她升格成為第一代「東張女神」。
林泳淘小背心令她升格成為第一代「東張女神」。(圖片來源:《東張西望》)
林泳淘 地鐵 林泳淘小背心非常出名。
林泳淘小背心非常出名。(圖片來源:《東張西望》)
林泳淘 地鐵 林泳淘 着小背心是想散熱,夏天要着薄外套,睇見都辛苦!
着小背心是想散熱,夏天要着薄外套,睇見都辛苦!(圖片來源:《東張西望》)

林泳淘主持《東呃西騙》重現小背心造型

林泳淘在早前在ViuTV劇集《和解在後》中,再次重現《東張西望》中的小背心造型,並用上靈魂「斜孭袋」去突顯身形。除了造型還原之外,劇中林泳淘更是拎住《搵嘢嚟講》的咪牌追住金魚街死魚事件的嫌疑人文駿軒,完美自抽過去在《東張》中的主持身份。第一集有驚喜客串之外,就連最後一集都再次出現,成為關鍵人物。

林泳淘 地鐵 林泳淘 j 林泳淘
(圖片來源:《和解在後》截圖)
林泳淘 地鐵 林泳淘 j 林泳淘
(圖片來源:《和解在後》截圖)
林泳淘 地鐵 林泳淘 j 林泳淘
(圖片來源:《和解在後》截圖)

林泳淘特意參考《東張西望》

在劇中林泳淘更係大玩濕身,她表示劇組特別為她準備了幾套一模一樣的服飾,並有提供打底。是次拍攝都令到林泳淘再次想起以往主持《東張西望》的經歷,她透露劇中的對白都是由導演趙善恆及編劇同事特意參考《東張西望》寫出來,並加埋《東張》入面的「咬住唔放追問式」採訪方法,令林泳淘都回憶滿滿!

林泳淘 地鐵 林泳淘 j 林泳淘
(圖片來源:《和解在後》截圖)
林泳淘 地鐵 林泳淘 j 林泳淘
(圖片來源:《和解在後》截圖)
林泳淘 地鐵 林泳淘 j 林泳淘
(圖片來源:《和解在後》截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:《東張西望》截圖、IG@wingt、《和解在後》截圖