黎明演唱會|林日曦第三場現身做嘉賓 大叔挽手合唱冧歌激嬲老婆
黎明演唱會|林日曦第三場現身做嘉賓 大叔挽手合唱冧歌激嬲老婆

黎明演唱會|林日曦第三場現身做嘉賓 大叔挽手合唱冧歌激嬲老婆

繼林海峰、鄭秀文之後,《Leon黎明Talk & Sing 2021紅館演唱會》第三場的嘉賓是林日曦,雖然林日曦同期有舞台劇《大MK日》正在公演中,但他表示由於獲得黎明的邀請,所以決定舞台劇休息日的星期一晚上,轉戰紅館給大家一個驚喜。

文:東方新地 圖:林日曦IG

林日曦現身黎明紅館演唱會,擔當第三場嘉賓,與LEON手拖手演唱《但願不只是朋友》,不過事後「腦細」就在IG撰文向觀眾「道歉」:

To 今晚紅館所有觀眾
好對唔住,今晚Leon演唱會嘅嘉賓,竟然係我 🥲。
你哋一定心諗:前晚係林海峰,尋晚係Sammi.. 今晚,仲唔係Mirror?定係子華呀?
Sorry,冇Mirror,冇子華;得我,林日曦 🥲

係我衰,Leon好好人叫埋我去玩,我冇拒絕到
而我呢排要做舞台劇,得今晚去到,所以… 🥲

我要再次鄭重同今晚嘅觀眾道歉,同時,要恭喜之後場數嘅觀眾…你哋一定唔使見到我 🤓 恭喜恭喜

林日曦分享了與黎明同場手拖手的照片。(圖片來源:林日曦IG)
當Leon與林日曦齊齊升上舞台,全場掌聲歡迎。林日曦對Leon說:「你啲歌迷真係有禮貌,佢哋見到我升上台都盡力掩飾住嗰份失望,繼續歡呼拍掌。」(圖片來源:林日曦IG)

林日曦還上載了與LEON台上拖手的連環圖,網民留言笑稱「每一張相個樣都好虧」:

2016年9月鄭秀文演唱會上,黎明與林日㬢曾經擔任嘉賓,突襲Selfie。(圖片來源:林日㬢Facebook)
2016年9月鄭秀文演唱會上,黎明與林日㬢曾經擔任嘉賓,突襲Selfie。(圖片來源:林日㬢Facebook)
(圖片來源:)時間回到今年4月,當時林日曦正在宣傳《大MK日》預售,點知發現黎明同期開紅館,「我7月嗰排晚晚都要開工,場場都睇唔L到」曾經表示心碎⋯⋯(圖片來源:林日曦Facebook)
(圖片來源:)時間回到今年4月,當時林日曦正在宣傳《大MK日》預售,點知發現黎明同期開紅館,「我7月嗰排晚晚都要開工,場場都睇唔L到」曾經表示心碎⋯⋯(圖片來源:林日曦Facebook)

初代大叔的愛

Leon邀請林日曦的重演電話邀請做嘉賓的對談,黎明說:「曦,我紅館開台想搵你做嘉賓。你知嘉賓好似香檳咁,唔飲無問題,飲咗更加High。」林日曦答:「做嘉賓無問題,有無酬勞?因為酬勞好似香檳咁,有都得,無就更佳!」黎明又說:「酬勞無問題,你肯唱歌嘅話,酬勞更加高!」林日曦表示唱歌無問題,但有「走音」壞習慣,Leon說:「走音無問題,睇吓你揀邊首歌?揀啱歌,點走音都只係留喺紅館入面啫!」全場爆笑。林日曦說:「揀歌同揀朋友,最緊要真心。我睇返我哋之前拍廣告,踩單車嗰次,都算係『初代大叔的愛』,所以揀咗一首你嘅舊歌,你俾隻手我。(他們手拖手,觀眾尖叫) 呢首歌代表我嘅心聲:《但願不只是朋友》。」他們手拖手對唱,更不時情深對望,全場大合唱,掀起高潮!

(圖片來源:廣告截圖)
林日曦說:「揀歌同揀朋友,最緊要真心。我睇返我哋之前拍廣告,踩單車嗰次,都算係『初代大叔的愛』。」(圖片來源:廣告截圖)

拖手合唱《但願不只是朋友》老婆表示不滿

林日曦與黎明台上挽手「Lai Lai Lai 瀨奶」的場面,得到不少觀眾叫好,頻呼「大叔的愛」,不過其林日曦 the pancakes就唔係咁諗:

林日曦現身黎明演唱會做第三場嘉賓 拖手合唱《但願不只是朋友》 事後向觀眾「道歉」
(圖片來源:林日曦facebook)
2016年林日曦與黎明幕前合作拍廣告,亦有安排太太 the Pancakes與黎明埋身合照,The Pancakes出Post憶述「平時我好少可用『特事特辦』道令牌跟埋去拍攝搏合照,但係Leon的魅力沒法擋,我唯有厚顏無恥咁跟埋去⋯⋯」(圖片來源:the pancakes Facebook)
2016年林日曦與黎明幕前合作拍廣告,亦有安排太太 the Pancakes與黎明埋身合照,The Pancakes出Post憶述「平時我好少可用『特事特辦』道令牌跟埋去拍攝搏合照,但係Leon的魅力沒法擋,我唯有厚顏無恥咁跟埋去⋯⋯」(圖片來源:the pancakes Facebook)

林日曦與黎明2016 & 2017合作賣咖啡

林日曦與黎明在2016-2017年間先後拍攝了兩條網絡廣告片,為白咖啡品牌拍攝廣告,當時還惡搞了《對不起我愛你》、《情深說話未曾講》的歌詞,合計超過200萬點擊!

(圖片來源:甜蜜蜜劇照)
(圖片來源:甜蜜蜜劇照)

黎明與林日曦當年的咖啡廣告,不但連拍兩輯,更惡搞了自己的經典電影《甜蜜蜜》,故事中也不介意自嘲重演走音事件!
當年林日曦曾撰文大力感激Leon,多謝他不介意自嘲重演「走音事件」——

我好耐之前睇過「走音片」,亦都從相關報導之中知道,走音源於當時琴師起高咗個音,至於實際情況,我都係透過今次後製時先從懂音樂嘅同事口中了解到,原來當年琴師係起高咗足足四度(我唔識,唔知實際情況係咪真係四度)。雖然走音唔係好關Leon事,但話晒大家以此為話題講足咁多年,所以我當初提議唱呢首歌時,都非常口震。
食飯時,我話:「我…我…想今次係唱《對不起,我愛你》。」
Leon:「好呀。」
我:「我…我…想加埋…即係…er…後面嗰Part落去,即係…er」
Leon:「走音係咪?」
我:「係..」
Leon:「得,冇問題。」

(圖片來源:廣告截圖)https://www.youtube.com/watch?v=W-md7DPTxUA

2016年合作時的幕後合照。(圖片來源:林日㬢Facebook)
2016年合作時的幕後合照。(圖片來源:林日㬢Facebook)

最新吃喝玩樂資訊