林子博英國返新工 爆半年前已落實 網民質疑造假:根本係一個劇本
廣告
林子博低調移居英國一個月,高調在YouTube開設頻道拍片呻「唔係想像中咁易」,透露未搵到屋,子女未報到學校, 遭網民狠批﹗被鬧足幾日,林子博再拍片回應網民抨擊,同時不忘叫大家訂閱其網上頻道﹗數日後,林子博上載第三條片公布有工返,並指新工早在半年前已傾好,反駁被批無準備而衝動移民﹗不過負評仍未能平息,質疑有人「自編自導自演」呢場大龍鳳﹗
文:東方新地|圖:林子博facebook、「子博在英國」YouTube頻道截圖
林子博稱冇諗過拍片做YouTuber
林子博帶住一對分別12及16歲子女移居英國,拍片大呻抵英一個月還住在酒店,獲網民叫他加油,同時有大量網民狠批他準備不足﹗由於群情洶湧,林子博再拍片回應抨擊「要鬧入嚟我YouTube Channel鬧」,甚有挑機成份﹗
![林子博 英國 地產](https://imgs.orientalsunday.hk/wp-content/uploads/2021/10/c34b5637-9b2f-46ef-8faf-193410e5238c_1899531466615d59ecdc30c-1024x550.jpeg)
林子博回應網民質疑他其實與移民公司有合作,林子博否認並趁機𢱑撈指可拍節目、任移民公司KOL,笑指自己價格相宜,更指自己是反面教材,以自身經歷為大家做「明燈」﹗事隔兩日,林子博上載第三條片,公布在英國已經有新工作,並將首日返工片段大公開﹗
![林子博 英國 地產](https://imgs.orientalsunday.hk/wp-content/uploads/2021/10/9f1a2735-deed-45b4-a6e6-76eef2694cc2_1249546835615d58a8693c6-1024x576.jpeg)
林子博在地產公司任職marketing
林子博指新工其實早在半年前已傾好,新工作是在一家地產公司任職Marketing,片中他為該地產公司主持直播,代觀眾向專家問問題,而片中兩位專家正是地產公司老闆,林子博話:「我唔係過到嚟先搵工,喺香港一路同呢間公司視像傾緊,半年前大家傾緊係咪有機會可以合作﹗本來冇諗過咁快開工,但喺度又悶悶哋有咩做,又未搵到屋,不如開咗工先啦,仲早過啲仔女返學﹗」
![林子博公布英國返新工:見悶悶哋咪開工 稱搵某藝人搭路半年前已落實](https://imgs.orientalsunday.hk/wp-content/uploads/2021/10/90974191-459f-4dcf-977d-0495a1f43d9f_976685057615d58b561129-1024x576.jpeg)
林子博經喬寶寶搭路識新工老闆
林子博新工範疇包括為地產公司做宣傳及教拍片,而開工首日負責主持直播,代觀眾問有關升學、置業、租屋等移居英國所面對的問題﹗期間林子博訪問兩位老闆,其中一位老闆指大家是合作關係,又指好喜歡林子博懂創作的頭腦,林子博則指其實是透過喬寶寶而認識現時的老闆,林表示:「之前喺香港睇到佢哋啲片,就搵喬寶寶幫手搭路,喺視像傾吓就叫我過嚟合作,嗰時Visa都未出已經有份工,個心都定好多﹗」
![林子博公布英國返新工:見悶悶哋咪開工 稱搵某藝人搭路半年前已落實](https://imgs.orientalsunday.hk/wp-content/uploads/2021/10/14829406-a57e-4ecf-92b8-601c7fe90e5a_1808941520615d58db95d58-1024x682.jpeg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!
資料或影片來源:原文刊於東方新地