思家大戰
思家大戰

思家大戰|李思捷30年老同學好寸嘴 大膽落選港姐Juliana指某高層「衰鹹濕」

影視娛樂

李思捷於《思家大戰》第19集終於請來與他相識30年的老同學,組成家庭觀眾代表「同李學壞」隊,對戰來自J2的「陀地冇人性」隊,估唔到李思捷今次老貓燒鬚,畀老同學狂窒;當晚J2節目創意總監C君亦有份監場,卻被唔識死的落選港姐Juliana指佢「衰鹹濕」,娛樂性非常豐富。

撰文:東方新地 圖片:《思家大戰》發相

李思捷 物以類聚

李思捷於《思家大戰》第19集被相識逾30年同學組隊「挑機」,五人組成的「同李學壞」隊原來「大有來頭」,他們竟瞞著老同學李思捷拍攝向製作組自薦的影片,最終又真的被選中上節目。「同李學壞」隊五人個個轉數都有番咁上下,真係物以類聚。

思家大戰 「同李學壞」隊同李思捷係超過30年的同學。
「同李學壞」隊同李思捷係超過30年的同學。(圖片來源:《思家大戰》發相)
思家大戰 今集有「陀地冇人性」隊,Ben Sir左起)、陳嘉慧、黃紫恩、伍韻婷與布樂文。
今集有「陀地冇人性」隊,Ben Sir(左起)、陳嘉慧、黃紫恩、伍韻婷與布樂文。(圖片來源:《思家大戰》發相)

李思捷被寸到唔識招架

「同李學壞」隊一出場即先聲奪人,隊長小Bill甫開始即狂窒李思捷:「打極畀你都唔接。」李思捷妙回:「電話冇顯示你名。」Bill再強攻反擊:「梗係啦!因為我電話唔係曾志偉個冧巴嘛,你梗係唔聽啦!」最終李思捷招架不住無言以對,十分爆笑!

思家大戰 李思捷畀老同學小Bill寸到一棟都冇。
李思捷畀老同學小Bill寸到一棟都冇。(圖片來源:《思家大戰》發相)
思家大戰 李思捷寸得人多,終於有今日。
李思捷寸得人多,終於有今日。(圖片來源:《思家大戰》發相)

Ben Sir都有金句

來自J2的「陀地冇人性」隊,由Ben Sir歐陽偉豪率領,成員有陳嘉慧(Erica)、黃紫恩(Jojo)、伍韻婷(Juliana)及布樂文(JB),而當晚J2節目創意總監C君亦有捧場;向來風趣幽默的Ben Sir,介紹隊員時大晒急才:「我哋組咁多個J,今晚實好好J啦!好好J即係可以令人仰慕咁解!」

思家大戰 Ben Sir繼續風趣爆金句。
Ben Sir繼續風趣爆金句。(圖片來源:《思家大戰》發相)
思家大戰 C君都有嚟監場,仲畀李思捷捉上台。
C君都有嚟監場,仲畀李思捷捉上台。(圖片來源:《思家大戰》發相)

C君「衰鹹濕」被擺上枱

今集問題難度指數頗高,令一眾參賽者陷入苦戰,其中一條「問咗100位女士,瞓醒見到李思捷喺隔籬會點做」,慘令李思捷經歷情緒過山車,一時被眾嘉賓瘋狂「負評」,一時又被捧到上天。至於C君亦慘被擺上枱,事緣有一條問題是「衰老闆特徵」,J2隊回答時李思捷竟叫他們以C君平日行為作為貼士,其中Juliana更因言語上有誤會,指C君「衰鹹濕」。今集除了問題刁鑽,整個遊戲進程發展亦相當峰迴路轉,「同李學壞」隊的搞氣氛指數更絕不輸給李思捷!

思家大戰 新晉花旦陳嘉慧原來講嘢都好大膽架,想知有幾大膽,自己睇節目啦。
新晉花旦陳嘉慧原來講嘢都好大膽架,直接睇節目會傳神好多!(圖片來源:《思家大戰》發相)
思家大戰 Juliana伍韻婷一句C君「衰鹹濕」,引嚟好大誤會!
Juliana伍韻婷一句C君「衰鹹濕」,引嚟好大誤會!(圖片來源:《思家大戰》發相)

圖片來源:《思家大戰》發相

最新吃喝玩樂資訊