53歲李婉華回港變「神徒」 自爆當年被無綫雪藏原因 直言收入少到流眼淚
53歲李婉華回港變「神徒」 自爆當年被無綫雪藏原因 直言收入少到流眼淚

53歲李婉華回港變「神徒」 自爆當年被無綫雪藏原因 直言收入少到流眼淚

已移居加拿大的前無綫花旦李婉華近日返港處理私人事務,日前她接受商台節目《1圈圈 星光背後》主持梁泰來訪問,講到當年因一個原因被無綫雪藏,令她長達半年零工作、零收入,她直言當時捱得好辛苦,但只能得到好少回報,需要阿媽幫補生計,大呻覺得這行真係好殘忍!

文:東方新地|圖:李婉華IG、李婉華微博、新傳媒圖片庫、TVB劇照及影片截圖

李婉華 當年憑《卡拉屋企》走紅

現年53歲的李婉華1988年加入無綫,憑主演《卡拉屋企》、《公私三文治》等處境劇走紅,到1994年她拒絕續約無綫離巢,並在翌年轉投亞視,至2003年與李守正結婚後淡出娛圈,並移居加拿大溫哥華,先後誕下一女兩子,近年又再復出幕前,客串無綫劇《再創世紀》,及開設YouTube頻道「移加李婉華」。

當年與男友吳鎮宇及老友鄭敬基合作演出的無綫處境劇《卡拉屋企》,可說是李婉華的代表作。(圖片來源:TVB)
當年與男友吳鎮宇及老友鄭敬基合作演出的無綫處境劇《卡拉屋企》,可說是李婉華的代表作。(圖片來源:TVB)
當年的男友吳鎮宇及老友鄭敬基合作的《卡拉屋企》可說是她的代表作。
《卡拉屋企》前年曾在無綫翡翠台深宵時段重播,有唔少網民大讚翻看依然好笑對白冇過時。(圖片來源:TVB)

大呻無綫出手低

近日李婉華因要處理私人事務而返港,日前她接受商台節目《1圈圈 星光背後》主持梁泰來訪問,講到當年在無綫工作時的辛酸史,她即大呻無綫出手好低,令她入不敷支,直至她離開TVB後經濟情況才得以改善。

李婉華日前她接受梁泰來訪問時,大講當年在無綫工作的辛酸史。(圖片來源:李婉華IG)
李婉華日前接受梁泰來訪問時,大講當年在無綫工作的辛酸史。(圖片來源:李婉華IG)

李婉華大呻:「(喺TVB)人工好低,其實我之前點解會離開?係因為佢加我好少、好少錢,我記得嗰時嗰位經理話加我人工時,我直情流眼淚,你加我咁少錢,就想簽多我10年定5年,我話我點生活啊?我仲要阿媽幫補吓我喎。」

李婉華解釋自己其實好捱得︰「但(當年收入)真係太少,好辛苦!」(圖片來源:李婉華IG)
李婉華解釋自己其實好捱得︰「但(當年收入)真係太少,好辛苦!」(圖片來源:李婉華IG)

唔肯續約即入雪櫃

李婉華指自己當年拍完《卡拉屋企》之後,就因為不肯續約而被無綫雪藏長達半年,她說︰「(當時)完全冇工作,跟住就等,除咗公司basic salary,你知啦係好少,又冇爆show啦,捱咗一段時間。」

雖然曾拍過《蜜桃成熟時2同居關係》、《制服誘惑2地下法庭》等三級片,但李婉華指自己在片中從無暴露的戲份。(圖片來源:李婉華IG)
雖然曾拍過《蜜桃成熟時2同居關係》、《制服誘惑2地下法庭》等三級片,但李婉華指自己在片中從無暴露的戲份,最多只係用替身。(圖片來源:李婉華IG)

李婉華:當年個個離巢都唔開心

被梁泰來問到嬲唔嬲?李婉華回答:「當年我哋走得嘅人都冇一個開心,其實個個都唔係咁開心咁離開,個個都想繼續做,但係真係生活唔到,即係嗰時啊,我唔知依家。」李婉華又說:「我只係ask for多少少,點解會咁對我呢?你可以人道啲對我,但係佢哋真係,你唔簽啊?咁我就雪你啦!我覺得係好殘忍㗎呢行都。」

李婉華憶述離巢TVB後曾到台灣發展,推出過一張唱片,但之後唱片公司極速倒閉,她直認在這行冇乜運氣,付出跟努力不成正比。(圖片來源:李婉華IG)
李婉華憶述離巢TVB後曾到台灣發展,推出過一張唱片,但之後唱片公司極速倒閉,她直認在這行冇乜運氣,付出跟努力不成正比。(圖片來源:李婉華IG)

前度男友都係性格巨星

此外李婉華又提及當年曾跟吳鎮宇和何家勁相戀,她直指其前度都是「性格巨星」,分手主要因為聚少離多,溝通出現問題,她說:「(當年)大家都仲係年輕,各自有各自嘅性格。其實當時拍拖真係好認真,我係一個好長情嘅人嚟!」

李婉華
李婉華指同吳鎮宇識於微時,不過兩人都性格剛烈,經常頂撞、鬧交,所以才會分手收場。(圖片來源:新傳媒圖片庫)

回港變「神徒」

李婉華因這次回港隔離21日期間,狂煲ViuTV劇集《大叔的愛》而迷上「教主」Anson Lo成為「神徒」,因此央求好友歐錦棠幫忙到ViuTV活動上追星。之後上商台接受訪問時,李婉華亦有再遇上「教主」,她笑言:「我和教主的緣份,不是人人都擁有!」

李婉華早前曾央求好友歐錦棠幫忙,讓她到ViuTV活動上追星。(圖片來源:李婉華IG)
李婉華早前曾央求好友歐錦棠幫忙,讓她到ViuTV活動追星。(圖片來源:李婉華IG)
之後李婉華又曾在商台偶遇Anson Lo,令她笑指同「教主」有緣份。(圖片來源:李婉華IG)
之後李婉華又曾在商台偶遇Anson Lo,令她笑指同「教主」有緣份。(圖片來源:李婉華IG)

已成三子之母 年過半百依然火辣

李婉華已是三子女之母,但外形keep得好,年過半百都唔多覺,18年曾出山客串無綫重頭劇《再創世紀》,與細十六年的鍾嘉欣拍埋,完全冇違和感。

李婉華年過半百依然火辣 女神同鍾嘉欣同場無違和感
李婉華2003年與李守正結婚後淡出娛圈,並移居加拿大溫哥華。(圖片來源:李婉華微博)
03年與加拿大籍金融才俊李守正秘密結婚,李婉華從此引退,十七年來家庭放第一位,一家五口生活幸福美滿。
03年與加拿大籍金融才俊李守正秘密結婚,李婉華從此引退,十七年來家庭放第一位,一家五口生活幸福美滿。(圖片來源:李婉華微博)
李婉華的大女Natalie已18歲大,早前剛高中畢業入讀大學。(圖片來源:李婉華IG)
李婉華的大女Natalie已18歲大,早前剛高中畢業入讀大學。(圖片來源:李婉華IG)
李婉華是有料之人,生完大女及一對孖仔後依然得天獨厚,早前與囡囡外遊一齊著三點式,可見美好身材盡遺傳。
李婉華是有料之人,生完大女及一對孖仔後依然得天獨厚,早前與囡囡外遊一齊著三點式,可見美好身材盡遺傳給囡囡。(圖片來源:李婉華微博)
18年李婉華曾出山客串無綫重頭劇《再創世紀》,與鍾嘉欣有不少對手戲。
18年李婉華曾出山客串無綫重頭劇《再創世紀》,與鍾嘉欣有不少對手戲。(圖片來源:TVB)

李婉華初出道舊相大晒冷!女神味濃魅力十足

李婉華一出道已驚為天人,是圈中天使魔鬼混合體的美魔女。她是無綫當年力捧的「銀河十星」之一,拍劇古今角色佳宜。

無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬,年尾官方刊物作介紹,瞓喺婉華隔籬嘅係87年《 銀河十星接力賽 》冠軍邵仲衡。
無綫87年力捧「銀河十星」郭富城、崔嘉寶、林穎嫻、邱淑貞、邵仲衡、吳詠虹、李婉華、李中寧、胡越山、李耀敬,年尾官方刊物作介紹,瞓喺婉華隔籬嘅係87年《 銀河十星接力賽 》冠軍邵仲衡。(圖片來源:新傳媒圖片庫)
88年20歲嘅李婉華樣貌清純標青帶點混血味道,出道半年就有偶像雜誌刊登佢嘅大彩頁,相中衣著老成完全唔切合佢雙十年華,但就展現出成熟美。
88年20歲嘅李婉華樣貌清純標青帶點混血味道,出道半年就有偶像雜誌刊登佢嘅大彩頁,相中衣著老成完全唔切合佢雙十年華,但就展現出成熟美。(圖片來源:新傳媒圖片庫)
21歲的李婉華89年拍劇《公私三文治》 時同吳鎮宇擦出愛火花,從此展開長達八年嘅愛情長跑,但識於微時嘅二人因性格剛烈而經常嗌交,摩擦頻生下分手收場。
21歲的李婉華89年拍劇《公私三文治》 時同吳鎮宇擦出愛火花,從此展開長達八年嘅愛情長跑,但識於微時嘅二人因性格剛烈而經常嗌交,摩擦頻生下分手收場。(圖片來源:新傳媒圖片庫)
演藝學院畢業嘅李婉華90年首次演古裝同武打劇,喺《 蜀山奇俠 》演「紫青雙劍」中嘅青劍周青雲,同演紫劍嘅楊寶玲 共侍一夫關禮傑。
演藝學院畢業嘅李婉華90年首次演古裝同武打劇,喺《 蜀山奇俠 》演「紫青雙劍」中嘅青劍周青雲,同演紫劍嘅楊寶玲 共侍一夫關禮傑。(圖片來源:新傳媒圖片庫)
呢張92年頭影嘅相李婉華金耳環金錶 行頭勁,最吸睛都係展現喺胸膛嘅粗金鏈 連吊墜,名副其實係金玉滿堂。
呢張92年頭影嘅相李婉華金耳環金錶 行頭勁,最吸睛都係展現喺胸膛嘅粗金鏈 連吊墜,名副其實係金玉滿堂。(圖片來源:新傳媒圖片庫)
擁有驕人身材嘅李婉華,93年成為某娛樂 周刊嘅封面人物,相中誘惑眼神低胸裝大晒兩 吋半乳溝,係男人嘅魂魄都畀佢勾。
擁有驕人身材嘅李婉華,93年成為某娛樂 周刊嘅封面人物,相中誘惑眼神低胸裝大晒兩吋半乳溝,係男人嘅魂魄都畀佢勾。(圖片來源: 新傳媒圖片庫)
李婉華喺夏韶聲穿針引線下推出處女大碟《藍》同埋喺英法拍攝嘅同名寫真集,可惜一推出,唱片公司居然執笠,搞到女神驚愕又失望,而佢喺英國拍寫真時代公司碌卡支付很多費用冇得 claim 番,惨豬豬。
李婉華喺夏韶聲穿針引線下推出處女大碟《藍》同埋喺英法拍攝嘅同名寫真集,可惜一推出,唱片公司居然執笠,搞到女神驚愕又失望。(圖片來源:新傳媒圖片庫)
李婉華年過半百依然火辣 女神同鍾嘉欣同場無違和感
李婉華話當年佢喺英國拍寫真時,曾經代公司碌卡支付過很多費用,但都冇得claim番,惨豬豬(圖片來源:新傳媒圖片庫)
李婉華年過半百依然火辣 女神同鍾嘉欣同場無違和感
當年李婉華嘗試過唔少形象。(圖片來源:新傳媒圖片庫)
李婉華替某電視周刊影靚相,34C豐滿上圍喺純白色露臍裝映照下寧舍激凸澎湃,睇 到宅男流晒鼻血咁滯。
李婉華94年替某電視周刊影靚相,34C豐滿上圍喺純白色露臍裝映照下寧舍激凸澎湃,睇 到宅男流晒鼻血咁滯。(圖片來源:新傳媒圖片庫)
96年李婉華的留海新髮型配佢一身銀藍色閃令令上衫同珠片褲,再加型格靴,簡直係 艷光放閃,狂野魅力盡現!
96年李婉華的留海新髮型配佢一身銀藍色閃令令上衫同珠片褲,再加型格靴,簡直係 艷光放閃,狂野魅力盡現!(圖片來源:新傳媒圖片庫)
李婉華96年跳槽亞視,98年同何家勁合作《馬永貞之爭霸上海》同《 馬永貞之英雄血 》時撻著,但婉華恨有家庭,男方又經常返內地工作,長期分隔兩地令感情變淡,戀情維持三年最終分手。
李婉華96年跳槽亞視,98年同何家勁合作《馬永貞之爭霸上海》同《馬永貞之英雄血》時撻著,但婉華恨有家庭,男方又經常返內地工作,長期分隔兩地令感情變淡,戀情維持三年最終分手。(圖片來源:新傳媒圖片庫)

最新吃喝玩樂資訊