黃宗澤舊愛「玻璃朱」朱庭萱批MIRROR「行落旺角大把」再挑機鏡粉：「姜安法」真係好惡！

撰文： 東方新地 ｜ 圖片：朱庭萱IG、FB

內地歌手先叫靚仔有才華

玻璃朱朱庭萱在媒體設立「六場MIRROR演唱會完結，大家感受最深係乜？」投票中，在當中四個選項包括香港終於有偶像、姜濤真係係好靚仔、十二人缺一不可、一代不如一代真係冇興趣，玻璃朱選了最後一項，並留言：「呢啲樣行落旺角大把啦，真係好大驚小怪囉，究竟咩叫靚仔有才華？內地歌手王一博、張藝興呢啲就係哪﹗成班井底之蛙」。

「玻璃朱」發文：好心啲傳媒就唔好攞我同Mirror放埋一齊抽水啦唔該

日前「玻璃朱」又發文提到：「好心啲傳媒就唔好攞我同Mirror放埋一齊抽水啦唔該，我喺臘腸新聞民調留個言都要大造文章。我唔想幫佢哋宣傳呀！亦都唔駛幫我宣傳啦唔該。」之後又繼續講到：「都係講出事實嘅陳述喳！我話呢啲樣旺角大把，都冇話過佢哋醜樣啦！但我真係覺得王一博靚仔好多呀嘛～又識唱又識跳仲識排舞編曲。叫佢哋走出去個井睇吓呢個世界有幾多靚仔有才華都係錯 #言論自由已死#唔鍾意塊鏡就要被公審批鬥。」

「玻璃朱」：政治凌駕娛樂圈

另外， 「玻璃朱」又發長文提到現時政治凌駕娛樂圈，指：

「最近的「姜安法」卻更惡！只要說一句「姜糖」們不喜歡的評論，便可以言入罪被扣帽子，把你攻擊成廢老、有偏見、不尊重、不給機會年輕人、不支持本土等罪名被網軍欺凌批鬥。」

她續指傳媒最近把舉辦演唱會的Mirror捧至天上高，日日見報形容成國際天團一般，連BTS也要靠邊站：

「但事實上很多人對他們認識不多甚至歌也未聽過，唱功造型仍有待雕琢尚有很多進步空間。他們十幾人需沒有正面政治表態過，但似乎大家已把他們與黃色經濟圈掛鉤上。姜濤曾在暴動現場全身黑色「路過」被警察查證、及在演唱會尾場一句「香港加油」亦令人覺得露出點政治取態從而吸引黃色市場。」

有人就同意：「表示升得快，也會跌得急。即管看看吧。」又有人提到自己沒有睇過ViuTV。

「玻璃朱」Facebook原文：

「六場MIRROR演唱會完結」投票 「玻璃朱」選「一代不如一代」

MIRROR演唱會完結，有媒體發起「六場MIRROR演唱會完結」投票，當中有「香港終於有偶像啦！」、「姜濤真係好靚仔！」、「十二人缺一不可！」及「一代不如一代，真係冇興趣！」，結果是「一代不如一代，真係冇興趣！」的人佔最多數。而「玻璃朱」就選了「一代不如一代。」更留言話「呢啲樣行落旺角大把啦，真係好大驚小怪囉。究竟咩叫靚仔有才華？內地歌手王一博、張藝興呢啲就係哪﹗成班井底之蛙。」

不少人認同「玻璃朱」

雖然有不少人認同「玻璃朱」，但MIRROR和姜濤紅極一時也是事實，不然也不會連古天樂也去看個唱，鄭秀文也請MIRROR做自己個唱嘉賓。「玻璃朱」發文前，很少人知道她是誰，如今靠提MIRROR而出名，又叫媒體不要抽她水，認真搞笑。

黃宗澤舊愛KOL朱庭萱

煮食界KOL「玻璃朱」朱庭萱（Bonnie）曾為黃宗澤舊愛，主持過TVB節目《媽媽唔易「造」》。之前她在其個人facebook發表撐元朗白衫人的言論，留言支持警察不接報案電話。新西蘭廚電品牌Fisher & Paykel Hong Kong在官方Facebook發表聲明，與玻璃朱Bonnie終止所有合作，宣布與朱庭萱割席。

新西蘭廚電與KOL「玻璃朱」終止合作

在元朗暴力事件發生後，曾為黃宗澤舊愛、在圈中有不少好友的飲食作家「玻璃朱」朱庭萱，也在Facebook上發表支持白衣人的言論。之後歐洲電器專門店Fisher & Paykel Hong Kong在FB網頁出聲明拒絕與玻璃朱繼續合作：「有鑒於近日玻璃朱朱庭萱 (Bonnie Chu）的言論及立場與本品牌的宗旨背道而馳，故由即日起，本品牌即時終止與玻璃朱Bonnie (朱庭萱小姐）的所有合作！反對暴力、反對鼓吹暴力、祝願傷者早日康復。」

朱庭萱質疑「有事又要警察幫？」被反擊

之前玻璃朱曾在社交平台寫道：「你哋咁憎警察，點解有事又要警察幫？上連登call馬仲快啦。」同時表示「某部分市民對黃絲已經忍無可忍，才會用咁激進嘅方法」。言論一出，大批網民立即追擊，不過玻璃朱就繼續反駁：「出糧就要畀人打、畀人X老母？唔好以為納稅大晒。」

不過後來玻璃朱就一改態度，向大眾道歉，更刪走所有facebook留言。玻璃朱指網民可以杯葛她，但希望不要打壓與其合作的品牌、出版社及煮食網頁。同時網民猜測她撐警原因是現任男友Peter為警察，因此出面力撐。Fisher&Paykel Hong Kong今次的割蓆獲網民留言大讚 ，更「祝業務蒸蒸日上！」

當時朱庭萱的fb專頁一度暫停並無法顯示，惟Instagram則沒有關掉，仍可以看到她近日的新書宣傳。