王祖藍
王祖藍

有個閨密叫祖藍︱李亞男壓軸出場肉麻場面不絕!王祖藍出盡奶力公主抱老婆

影視娛樂

廣告

由王祖藍主持的綜藝節目《有個閨密叫祖藍》,本周六(10 月 1 日)播出最後一集,嘉賓是終極 Big Boss李亞男。平時大方得體的李亞男,近得王祖藍多都被感染,表情動作多多兼不介意在鏡頭前展現粗魯及樣衰一面,又多番扮惡「凶」王祖藍;兩公婆公然耍花槍,又錫錫又公主抱,搞到王祖藍大叫條腰頂唔住。

王祖藍 《有個閨密叫祖藍》最後一集嘉賓係王祖藍太太李亞男。
《有個閨密叫祖藍》最後一集嘉賓係王祖藍太太李亞男。(圖片來源:無綫提供)
王祖藍 李亞男今次身負重任要送驚喜畀祖藍,搞到唔習慣講大話的她事前個心籮籮孿。王祖藍最初難以置信最後一集嘉賓會係自己老婆,所以當佢見到李亞男,笑到失控。
李亞男今次身負重任要送驚喜畀祖藍,搞到唔習慣講大話的她事前個心籮籮孿。王祖藍最初難以置信最後一集嘉賓會係自己老婆,所以當佢見到李亞男,笑到失控。(圖片來源:無綫提供)

王祖藍與李亞男默契滿分

《有個閨密叫祖藍》最後一集由李亞男做壓軸,華姐出身的李亞男平時予人感覺高貴大方,但當面對住老公王祖藍卻變成另一個人,鏡頭前的她不停扮惡,王祖藍不但唔驚,還經常乘機捉弄嬌妻,尤其當李亞男說話走音時,王祖藍笑到趴地,令李亞男多番忍笑扮嬲兼反白眼,場面爆趣。在進行玩命版閨密快問快答時,「藍男 CP」展現驚人默契,當被問到「第一次見面地方」、「第一次見面年份」、「第一次約會地點」、「第一次入戲院睇嘅戲」及「第一次接吻地點」時,二人均九秒九答出正確答案及細節,甜蜜滿瀉。

王祖藍 點解今次「快問快答」會叫做「玩命」版?大家心照啦。
點解今次「快問快答」會叫做「玩命」版?大家心照啦。(圖片來源:無綫提供)
王祖藍 呢啲表情應該好難喺其他華姐或港姐身上睇到啩!
呢啲表情應該好難喺其他華姐或港姐身上睇到啩!(圖片來源:無綫提供)

王祖藍傳授驚人絕技

李亞男還首度展現了不為人知的「驚人絕技」,就是聲演恐龍,閉起雙眼細聽會真的以為「恐龍降臨」。王祖藍事後解釋指相關絕技是由他親自教授,主要是平時用來氹兩個囡囡開心,足見母愛偉大,難怪王祖藍亦一再大讚李亞男是願意無條件付出的好媽媽。

王祖藍 呢個「恐龍叫」相當逼真,仲係李亞男嘅新技能解鎖,所以絕對係「不為人知」嘅秘密絕技嚟。
呢個「恐龍叫」相當逼真,仲係李亞男嘅新技能解鎖,所以絕對係「不為人知」嘅秘密絕技嚟。(圖片來源:無綫提供)
王祖藍 不過李亞男對於呢個新技能,就有少少嘢想呻…… 「夫唱婦隨」版「恐龍叫」,今個星期六晚等緊你。
不過李亞男對於呢個新技能,就有少少嘢想呻…… 「夫唱婦隨」版「恐龍叫」,今個星期六晚等緊你。(圖片來源:無綫提供)

李亞男自揭係「閨密任務」幕後黑手

王祖藍與李亞男應製作組「安排」,玩盡以往八集所有「閨密任務」,李亞男自揭是所有閨密任務幕後黑手,並大爆做 Big Boss 背後真正目的!玩任務期間「藍男」互爆對方黑材料,王祖藍指李亞男缺點是「太過華姐」:「佢喺屋企入面都好華姐㗎,佢唔會發嬲啦,你其實基本上見唔到佢唔笑㗎,佢唔明你講咩又好,佢嬲你又好,佢都係保持住華姐笑容。同埋佢永遠唔會太興奮,佢甚至乎喺屋企啱啱沖完涼,包住咗個頭,同我講嘢都會有華姐feel。」

王祖藍 大家又點會估到,會見到李亞男咁嘅一面。見佢哋一面影,王祖藍不斷鼓勵老婆要「再樣衰啲」,嗰種甜蜜真係好特別。
大家又點會估到,會見到李亞男咁嘅一面。見佢哋一面影,王祖藍不斷鼓勵老婆要「再樣衰啲」,嗰種甜蜜真係好特別。(圖片來源:無綫提供)
王祖藍 李亞男其實係傻大姐嚟,在所有閨密任務都係百分之二百咁投入。
李亞男其實係傻大姐嚟,在所有閨密任務都係百分之二百咁投入。(圖片來源:無綫提供)
王祖藍 今次「藍男」仲要玩晒以往喺節目出現過嘅所有閨密任務,當中仲有一個好驚人嘅原因?!呢個驚人原因背後仲暗藏洋蔥添!
今次「藍男」仲要玩晒以往喺節目出現過嘅所有閨密任務,當中仲有一個好驚人嘅原因?!呢個驚人原因背後仲暗藏洋蔥添!(圖片來源:無綫提供)

王祖藍被爆惡行無數

李亞男則投訴王祖藍「惡意」放屁:「佢成日喺個被竇入面屙屁,佢明明可以講句唔好意思、然後出一出去㗎嘛……重點係我仲喺(被)入面,你要焗死自己,OK!It’s alright, but you know……」之後李亞男繼續狂數王祖藍「烏搲」事件簿,內容爆笑。

王祖藍 唔知係咪同王祖藍一齊耐咗嘅關係,李亞男變得搞笑咗好多。
唔知係咪同王祖藍一齊耐咗嘅關係,李亞男變得搞笑咗好多。(圖片來源:無綫提供)
王祖藍 作為結咗婚七年嘅夫妻,可以咁容易乜都笑一餐,都真係幾甜蜜。
作為結咗婚七年嘅夫妻,可以咁容易乜都笑一餐,都真係幾甜蜜。(圖片來源:無綫提供)

李亞男主動要求公主抱

已婚七年的「藍男」,雖然經常以孖公仔姿態接 Job 及出席大小活動,但在節目中還是按捺不住大耍花槍,今次竟然是李亞男較為進擊,二人玩 Truth or Dare 時,李亞男乘機向老公索吻,並撒嬌謂:「畀個機會我!(王:好耐冇咀過咩?)係哟,24 小時前(錫錫)喇!」不過當王祖藍真的準備獻吻,李亞男又忽然少女上身大叫「好尷尬」,幾經扭擰二人最終甜蜜咀嘴。之後李亞男又「秋後算帳」要求老公公主抱:「我搞咁多嘢就係為咗你要抱我咯!」由於李亞男太高大,即使王祖藍出盡吃奶之力,還是抱得相當不穩;此時李亞男再下一城要求老公抱著她跳舞,王祖藍聞言嚇至眼凸:「你真係決定咁做?我條腰要睇醫生架喇喎!」

王祖藍 佢哋真係好鍾意耍花槍㗎啫。
佢哋真係好鍾意耍花槍㗎啫。(圖片來源:無綫提供)
王祖藍 對於王祖藍不斷喺《閨密》入面同唔同嘅閨密有不同程度嘅身體接觸,之前同王祖藍約法三章不能與其他異性有身體接觸嘅李亞男,向老公大興問罪之師。
對於王祖藍不斷喺《閨密》入面同唔同嘅閨密有不同程度嘅身體接觸,之前同王祖藍約法三章不能與其他異性有身體接觸嘅李亞男,向老公大興問罪之師。(圖片來源:無綫提供)
王祖藍 為咗「贖罪」,祖藍要「公主抱」李亞男,過程都有啲牙煙。
為咗「贖罪」,祖藍要「公主抱」李亞男,過程都有啲牙煙。(圖片來源:無綫提供)

常見問題

世界盃熱播中,電視台劇集方面有咩特別安排?

IFA卡塔爾世界盃足球賽於11月舉行,每天都有隊伍晉級,分組賽中勝出者分別為…即看世界盃2022賽果一覽;想知道每天世界盃賽事賽果及各個小組積分表、出線走勢,按此看世界盃分組賽積分表;如想知道世界盃外圍賽五大洲各出線國家隊伍的戰績及積分榜,按此看世界盃2022外圍賽詳情;各個國家除了競逐冠軍錦標外,每國球員也同時爭取個人榮譽及獎項,按此看世界盃神射手及助攻王排行榜。而電視台劇集方面,TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV熱播中嘅原創劇《繩角》即將進入結局周⋯⋯按此看大結局劇情劇透

聖誕快將來臨,而2022到2023演唱會更是多鑼鑼,有咩搶飛攻略?

一年一度的聖誕節又到啦!今年聖誕各個商場都有各式各樣的聖誕擺設,小編為你整合多個聖誕好去處2022聖誕餐廳推介,與親朋戚友一同品嘗聖誕大餐。而交換禮物更是每年聖誕必備環節,不同價位的實用聖誕禮物推薦,定有一款啱你心意!而隨著疫情過去,有不少歌手宣布舉辦演唱會,例如:MC張天賦演唱會(12月20日公開發售)Westlife演唱會(12月1日公開發售)、許廷鏗演唱會(12月2日公開發售),更有Twins演唱會鄭秀文演唱會Clockenflap;喜歡K-pop的你亦有福了,因不少韓國天團更宣布有巡迴演唱會香港站,即睇:AOMG香港演唱會,5大人氣歌手大唱Hip Hop騷(12月5日公開發售)、MAMAMOO演唱會!小編為你整合了優先購票日期、公開售票日期、門票價錢、座位表等,想搶飛粉絲必定要留意!

撰文:東方新地圖片來源:無綫提供

最新吃喝玩樂資訊