重溫|曾志偉狂言:「TVB係弱台!」當年試過「黑衣行動」背後原來有段古?!
重溫|曾志偉狂言:「TVB係弱台!」當年試過「黑衣行動」背後原來有段古?!

重溫|曾志偉狂言:「TVB係弱台!」當年試過「黑衣行動」背後原來有段古?!

曾志偉回巢無綫後,是非特別多,曾經效力無綫嘅王貽興近日亦加入翻舊帳,轉載一篇《東方新地》14年刊登的報導,原來曾志偉試過聚會後狂言TVB係弱台,「才子」更諷刺獎門人當年就有「預言能力」,到底當時曾志偉出席咩活動玩到咁亢奮?狂言背後有咩內情?立即重溫以下報導:

圖文:881期《東方新地》(2014-11-14) 編輯:東方新地

王貽興借舊文翻舊帳抽水 轟老狗「阻住地球轉」

曾為無綫做主持的王貽興就湊熱鬧,轉載了一篇關於曾志偉飲醉酒話TVB是弱台的舊報道,並撰寫了一篇長文,內容大意是插獎門人過晒氣唔識與時並進,王貽興更大膽指曾志偉有預言能力,暗寸TVB是弱智台,用詞極度不留情面⋯⋯(點擊看全文

王貽興表示: 「有人搵返幾年前嘅報導畀我睇😂 我諗獎門人一係就有預言能力,一係呢,就飲大咗講漏咗隻字⋯⋯」
王貽興表示: 「有人搵返幾年前嘅報導畀我睇😂 我諗獎門人一係就有預言能力,一係呢,就飲大咗講漏咗隻字⋯⋯」

逢飲必醉 曾志偉生擒周秀娜

翻查紀錄,這場聚會發生於2014年,荷李活紅星Morgan Freeman(摩根費曼)、Nicole Kidman(妮歌潔曼)、美國隊長Chris Evans(基斯伊雲斯)以及Jessica Alba(謝茜嘉艾芭)、韓國組合少女時代前成員Jessica、甄子丹、楊千嬅、曾志偉等人,到海南島出席觀瀾湖世界明星邀請賽。大會晚上設宴招待一眾貴賓,甄子丹夫婦、曾志偉被安排與摩根費曼同枱。曾志偉開席不久密密飲,幾杯到肚的他,試圖單挑「宇宙最強」隊酒,仲即場捉住娜姐周秀娜⋯⋯

曾志偉
曾志偉見到路過的周秀娜即捉住對方唔放,娜姐無奈焗飲。
曾志偉
娜姐無奈陪飲。

當年曾志偉勁唔妥余詠珊

之後曾志偉到場外做訪問,此時Now TV主播上前邀請醉醉地的曾志偉做訪問,他竟突然發酒癲:

「你邊間?我唔做TVB,TVB呢啲係弱台!」

翻查紀錄,當年呢句說話,發生於余詠珊入主無綫之後,曾志偉非常不滿對方排異己、只捧自己友,更自稱「炒人有理」。當年曾志偉曾經出席活動,以一身黑衣隔空聲援TVB職員協會發起之黑衣行動,指摘高層連有病及即將退休的職員都炒,處理手法相當有問題,曾志偉借醉鬧無綫弱台,唔妥到出口!

曾志偉
已飲到半醉的曾志偉訪問前狂斟啤酒想與香港攝影師們暢飲。
曾志偉
曾志偉向甄子丹隊酒,宇宙最強見唔對路即捉住老婆及Jocelyn夫婦上前與曾志偉吹水。
曾志偉
曾志偉笑指TVB係弱台,在場記者紛紛起哄,他卻繼續笑晒口接受訪問,酒醉都有三分醒。
曾志偉
當年的晚宴上,曾志偉被安排與荷李活影星摩根費曼同枱。

關鍵詞
曾志偉TVB

最新吃喝玩樂資訊