曾志偉踩場《後生仔》 波波黃凱儀獲點名最得寵 陸浩明擦鞋求生遭冷待
曾志偉踩場《後生仔》 波波黃凱儀獲點名最得寵 陸浩明擦鞋求生遭冷待

曾志偉踩場《後生仔》 波波黃凱儀獲點名最得寵 陸浩明擦鞋求生遭冷待

余詠珊失勢《後生仔》主持頓失靠山,有傳曾志偉清算余黨行動陸續有來,《後生仔》主持生死未卜,個個騰騰震﹗早前曾志偉突擊踩入《後生仔》實地考察,親身感受班主持人的忠實度,呢集周一(29日)播出,陸浩明和馮盈盈唔放過任何擦鞋機會,喺一班後輩前作最佳求生教學﹗不過志偉對有線出身的余黨陸浩明明顯較冷淡,對一班後生仔主持,只記得波波黃凱儀個名,得寵指數爆分﹗

文:東方新地 |圖:《後生仔傾吓偈》截圖、東星圖片

曾志偉突然踩場《後生仔》。
曾志偉突然踩場《後生仔》。
陸浩明同馮盈盈見到志偉駕到,立即揚手邀請對方加入,九秒九讓開座位。
陸浩明同馮盈盈見到志偉駕到,立即揚手邀請對方加入,馮盈盈更誇張到話見到鏡頭後的志偉如:「我見到光芒﹗」隨後九秒九讓開座位,馮盈盈狂擦鞋:「呢個係你專屬,坐低慢慢傾,因為我哋有排傾呀。」

馮盈盈猛問志偉:「你記唔記得我?」

曾志偉突然現身《後生仔》錄影棚,陸浩明和馮盈盈見到,立即邀請志偉加入,陸浩明提出要自我介紹,志偉揚手話:「唔使啦﹗」馮盈盈唔理繼續自我介紹,仲猛問志偉記唔記得自己,馮盈盈話:「雖然我係過咗氣嘅港姐,都無落選,17年選華姐時你做司儀㗎﹗」志偉一臉茫然,馮盈盈再溫馨提示:「喺雲頂呢﹗你揀咗我做季軍,我嗰時表演魔術,你仲讚我可以擔大旗,其實嗰時我勁失手﹗」志偉即話:「唔係你失手,係我失手讚錯你﹗」陸浩明不時插咀,不過志偉未有太理會他。

曾志偉直言:「我冇睇過呢個節目,幾時播㗎?」陸浩明火速回答播放時間,馮盈盈搭咀:「我哋都做咗好幾年,做到七百幾集喇﹗」又問志偉最想人點稱呼自己最開心,志偉指一定係叫佢「獎門人」最親切﹗
曾志偉直言:「我冇睇過呢個節目,幾時播㗎?」陸浩明火速回答播放時間,馮盈盈搭咀:「我哋都做咗好幾年,做到七百幾集喇﹗」又問志偉最想人點稱呼佢最好,志偉指一定係叫佢「獎門人」最親切﹗馮盈盈拉高八度:「Wow﹗獎門人您好﹗」

林穎彤緊張講錯嘢

陸浩明、馮盈盈及林穎彤分別自我介紹,林穎彤勁緊張更在鏡頭前爆:「我以前喺亞視做童星﹗」陸浩明即話:「呢個都講埋出嚟﹗」志偉反問林穎彤:「點解你話自己都係星夢歌手呢?之前都冇人介紹自己係﹗」林穎彤口窒窒答到亂晒籠:「因為我係最唔出名嗰個﹗」

林穎彤見到曾志偉緊張到講錯嘢。
林穎彤見到曾志偉緊張到講錯嘢。
志偉一話戴住口罩好焗,馮盈盈立即遞上透明口罩,並指自己雙手已消毒,然後又吩咐波波協助志偉戴上口罩。
志偉話戴住布口罩好焗,馮盈盈立即遞上透明口罩,並指自己雙手已消毒,然後又吩咐波波協助志偉戴上口罩:「波波﹗你仲唔快啲幫獎門人?」搞到波波不知所措﹗

波波獲志偉點名全場起哄

曾志偉聽到大家介紹主持波波,笑住話:「呢個係一個好多波波嘅節目﹗」仲搞笑話以後就改名叫「波波節目」。
曾志偉聽到大家介紹黃凱儀叫波波,跟住笑笑口話:「大家好,我今日第一次上嚟呢個咁受歡迎嘅波波節目﹗」令波波心花怒放

陸浩明、馮盈盈、林穎彤自我介紹後,馮盈盈指住黃凱儀話:「佢係波波呀﹗」志偉隨即笑晒口,陸浩明又叫後生仔主持快啲向獎門人自我介紹,芷茵介紹完自己後,志偉不耐煩話:「唔使啦﹗我點都唔會記得你哋個名﹗」然後搞笑地自我介紹:「大家好﹗ 我係志偉,我第一次嚟咁受歡迎嘅波波節目。」之後被後生仔主持點解會入TVB做高層時,志偉就話:「有機會坐港姐冠軍同波波旁邊。」波波紅都面晒,能得到獎門人點名,明顯最得對方歡心,得寵指數勁高,有前途!

波波上位有望﹗
波波紅都面晒,上位有望﹗

志偉:「係腰斬都係腰斬個節目,唔係主持﹗」

陸浩明叫一班後生仔主持把握機會向志偉發問問題,芷茵立即問有關節目被腰斬的傳聞,因為大家都好關心,志偉話:「係你哋主持關心啫,唔係觀眾﹗」大家驚叫,志偉即話:「就算係腰斬,都只係腰斬個節目,唔係主持,你哋係公司財產,都係安排去做其他更重要嘅工作啫﹗放心,點都播埋呢集㗎﹗哈哈哈,可能呢隻十年後先播呢﹗」其後一班後生仔主持主力問志偉有關主持技巧,志偉立即話:「陸號冇教你哋咩?佢點教你哋?佢咪就係呢個節目嘅獎門人囉﹗」每個後生仔都大讚陸浩明指導的主持技巧,不過志偉卻表現冷淡:「咁都講晒啦﹗」雖然陸浩明不時插咀,不過志偉都冇同佢作太多交流﹗

陸浩明自我介紹後,叫後生仔主持各介紹自己,志偉話唔使,因為「我點都唔會記得你哋﹗觀眾識你哋得啦﹗」
陸浩明自我介紹後,叫後生仔主持各介紹自己,志偉話唔使,因為「我點都唔會記得你哋﹗觀眾識你哋得啦﹗」

曾志偉重提蔡康年照稿讀係大忌

對大家最關心的主持及司儀技巧問題後,志偉還是向大家分享自己嘅經驗,他強調要背稿,並重提回歸後首個大型記者會上,當日的司儀(蔡康年)貓紙不離手、照稿讀,志偉話:「我最唔鍾意見到咁,你應該要記入腦,唔好依賴份稿,每次都要重新用自己嘅語氣再寫一次,最緊要有個性,如果照稿讀,就只係講緊撰稿員嘅語氣﹗」

馮盈盈直接問《後生仔》是否會腰斬?
馮盈盈問志偉記唔記得自己?提示自己17年港姐冠軍,又話參加華姐當年,評審之一是志偉,當年得了季軍,志偉毫無頭緒,馮盈盈不斷作出提示:「嗰年去雲頂﹗」為了志偉認得自己,出盡招數﹗

曾志偉爆做直播節目緊張尿頻

曾志偉又自爆任直播節目司儀多年,到現在還是會緊張、尿頻,又指他的司儀其中一個執生技巧是肥姐沈殿霞教落:「肥姐教我由得佢(指幕後),當睇唔到﹗因為佢死無人睇到,我哋錯觀眾睇到﹗」並爆曾在一年華姐選美出錯,當他宣布入圍的佳麗名單,錯卻讀出落選名單,志偉話當時已讀出三名落選佳麗,知道搞錯之後,照讀本來的入圍的佳麗,最後由十位入圍佳麗變成十三位,咁嗰三個本來唔得嘅,到頭來都係唔得㗎啦﹗」志偉話:「呢個就係肥姐教嘅嘢,有乜熄咗機,大家再傾搞番掂,鏡頭前一定唔可以話自己搞錯咁突兀﹗」

馮盈盈話坐喺曾志偉旁是榮幸。
馮盈盈話坐喺曾志偉旁是榮幸。

曾志偉上場,余詠珊被削權,老公何哲圖敗走,余黨以及星夢歌手都人心惶惶,余詠珊兩公婆在無綫插旗多時,黨羽何止咁少,一班憑《後生仔傾吓偈》彈起的年輕主持,當年由余詠珊在KOL中揀蟀,安排在其管理的big big channel任主持,其後余詠珊在J2台開新節目《後生仔傾吓偈》由愛將陸浩明帶住呢班年輕主持,開拓年輕路線。

曾志偉
陸浩明在IG上載曾志偉現身《後生仔》錄影的合照,相中還有馮盈盈及Bella林穎彤。圖片來源:陸浩明IG
 陸浩明
陸浩明在IG放合照又留言,畀晒心心眼話獎門人大駕光臨,全是奉承說話。
曾志偉
成班後生仔主持與曾志偉一齊影大合照,好興奮。圖片來源:陸浩明IG

曾志偉踩場《後生仔》錄影廠

曾志偉回歸無綫後計劃多多,搞完四大唱片破冰記者會,開始著手整頓其他綜藝節目,無綫其中一個受歡迎節目《後生仔傾吓偈》有傳是下一個清算目標,因為主持人都是余詠珊揀蟀,成班後生仔都有危機,當中最大鑊應該是有線出身又跟隨余詠珊多年的6號陸浩明。早前陸浩明突然在IG上載與曾志偉的合照,留言表示曾志偉上《後生仔》做嘉賓,令他們獲益良多。

曾志偉
身為余詠珊愛將的陸浩明,見到新老闆曾志偉,表現非常殷勤。圖片來源:陸浩明IG
陸浩明
陸浩明被指擦盡曾志偉鞋。
陸浩明
網民都在揣測《後生仔》的命運。

陸浩明搶先表明心跡

據知曾志偉親臨《後生仔》現場,藉此認識一班主持人,感受他們對工作的熱誠,了解這個節目的運作,才能作出改革。曾志偉實地考察一事,就連官方新聞都未出,陸浩明已搶先在自己的IG發放合照及消息,即被指擦鞋擦出面,為了有得留低而表明心跡。其實在眾多《後生仔》主持中,陸浩明資歷最深又最親余詠珊,表現最驚都好合理嘅!

曾志偉
曾志偉亂入《後生仔》,仲坐低一齊傾偈。圖片來源:「Big Big College」IG
曾志偉
對住曾志偉,陸浩明幾咁聽教聽話唔敢嬉皮笑臉。圖片來源:「Big Big College」IG

馮盈盈有新任務

《後生仔》生死未卜,不過無綫的「Big Big College」官方社交網帳戶上載了一張馮盈盈、丁子朗、戴祖儀及賴慰玲拍攝節目時的花絮照,留言指他們「今日走埋一齊拍新節目3月底有得睇 #解構心機女」,有網民揣測《後生仔》可能會由這個新節目代替,但亦有不少網民認為《後生仔》命不該絕,因為節目真的受歡迎有粉絲,而今次「獎門人」曾志偉也現身打氣,所以結束機會很微。

曾志偉
無綫推出的新節目《解構心機女》,由戴祖儀、馮盈盈、丁子朗及賴慰玲等主持。圖片來源:「Big Big College」IG
曾志偉 余黨 後生仔
17年開播的《後生仔傾吓偈》是探討年輕人的清淡式節目,除了第一代主持陸浩明、馮盈盈一直延續至今,期間加入不少年輕主持,不同年代的《後生仔》打成一片,去年8月慶祝播出六百集。 圖片來源:陸浩明IG

去片:曾志偉突現身後生仔傾吓偈錄影

坊間一直有傳聞《後生仔傾吓偈》呢個節目會被腰斬!不過,今日曾志偉突現身節目錄影廠,更同一班後生仔主持打成一片,原來係澄清節目唔會腰斬之餘,仲大派定心丸!眾主持即刻放晒心,仲同曾志偉一齊自拍添。而曾志偉仲透露有新節目出街之餘,仲會開辦藝員及幕後訓練班,令有興趣加入演藝工作嘅朋友增加出路。(影片來自《無綫娛樂新聞台》)

曾志偉上場星夢歌手效忠保位

曾志偉上場在電視城掀起巨浪,當年余詠珊一手將一班有線幫帶入無綫,黃翠如、洪永城、陸浩明、陳貝兒等個個水鬼升城隍,人人眼紅非議,今日卻憂余詠珊失勢而人人自保出招,掌管星夢娛樂的余詠珊老公何哲圖更敗走。曾志偉日前高調晒與三大唱片破冰功績,星夢歌手菊梓喬、周柏豪、吳若希、谷婭溦、JW等有份出席,為求自保個個轉舵誓師效忠志偉以保一命,不過昔日一姐的菊梓喬都只能靠邊站。 而一度傳腰斬的《聲夢傳奇》亦獲放生,延至四月舉行。

曾志偉 余黨 後生仔
09年因版稅風波及網絡使用權續約問題,無綫與四大唱片公司破裂。日前剛上任無綫副總經理的曾志偉,召何麗全回巢接管星夢,並舉行三大唱片公司破冰記者會《音樂永續樂壇同享》,揚言要團結樂壇重振聲威。
曾志偉 余黨 後生仔
余詠珊老公何哲圖敗走,星夢歌手自當為前景憂心,記者會上昔日一姐菊梓喬要企歪,正中位置由未出歌的曾志偉新抱王敏奕接替。

傳曾志偉下一步向《後生仔》開刀

有傳曾志偉清算余黨行動未完,由余詠珊主理的綜藝節目《後生仔傾吓偈》,是一個探討年輕人話題的清淡節目,由余詠珊愛將陸浩明拍住馮盈盈,帶領一班KOL出身的年輕主持,女的包括波波黃凱儀、Sandy杜穎珊、Sharlene王虹茵、陳欣茵、黄芷欣、游嘉欣,Bonnie呂靜文。而男的有Danny孔德賢、Enson劉頌鵬、林正峰、Fred徐文浩、GM曾展望。

曾志偉 余黨 後生仔
《後生仔傾吓偈》吸引不少年輕觀眾,一班年輕主持居功不少。圖片來源:陸浩明IG

《後生仔》主持近年因著余黨之優勢,陸續加插在不同綜藝節目,大騷,甚至入劇組拍劇。

24歲陳欣茵(欣茵)

陳欣茵去年空降到有小花上位踏腳石之稱的《學是學非》,雖然陳欣茵外貌在《後生仔》中未算最標青一個,被指因為獲余詠珊多次公開在facebook留言大讚,更在其直播片留言谷人氣,當日有余詠珊加恃,火速上位。今日余詠珊失勢,對陳欣茵相信未必是一件好事。

曾志偉 余黨 後生仔
陳欣茵IG

22歲黃凱儀(波波)

黃凱儀因為身材出眾加上不時有驚人的言論發表,在《後生仔》女主持中最為突出,IG有8.3萬追隨者,無綫大騷、綜藝節目都有佢份,最近正在拍攝由劉穎鏇、丁子朗主演的青春劇《青春不要臉》。

曾志偉 余黨 後生仔
黃凱儀IG

23歲黃芷欣(JoJo)

黃芷欣除了主持《後生仔傾吓偈》外,亦主持兒童節目《Think Big天地》。

曾志偉 余黨 後生仔
黃芷欣IG

24歲杜穎珊(Sandy)

本身是瑜伽導師的杜穎珊,除了主持《後生仔傾吓偈》,亦有主持《安樂蝸》。

曾志偉 余黨 後生仔
杜穎珊IG

21歲游嘉欣(游游)

游嘉欣在去年播出的人氣劇《香港愛情故事》中飾演羅天宇細妹,令她成功入屋,雖然是處女拍劇,但演技獲讚,甜美可人的樣子更被指似湯洛雯,在《後生仔》稱戀情status是AO,未拍過拖迷死不少宅男。演出劇集包括未播出的《刑偵日記》,正在拍攝青春劇《青春不要臉》。

曾志偉 余黨 後生仔
游嘉欣IG
曾志偉清算余黨第二波 《後生仔》主持變遺孤無得留低?
《香港愛情故事》除了游嘉欣,《後生仔》主持還有林正峰(左)及徐文浩都有參演。 圖片來源:徐文浩IG

26歲王虹茵(Sharlene)

王虹茵是前香港藝術體操代表,中六退役 ,加入無綫近三年除了主持《後生仔》,還有主持兒童節目《Think Big天地》及《勁歌金曲》,同時兼任國際體操總會韻律體操教練。

擔任《勁歌金曲優秀選》司儀。 圖片來源:王虹茵IG
擔任《勁歌金曲優秀選》司儀。 圖片來源:王虹茵IG
王虹茵(右)在台慶與蔡嘉欣(左)及陳曉華(中)一起表演空中瑜伽。
王虹茵(右)在台慶與蔡嘉欣(左)及陳曉華(中)一起表演空中瑜伽。圖片來源:王虹茵IG

20歲呂靜文(Bonnie)

20歲的呂靜文去年加入主持無綫娛樂新聞的外景記者,今年2月升任為主播,以主持工作為主。

曾志偉清算余黨第二波 《後生仔》主持變遺孤無得留低?
呂靜文IG

23歲孔德賢(Danny)

23歲的孔德賢外表陽光討好,最快被力捧的一位《後生仔》主持,早前卻因與「狂野空姐」廖慧儀傳緋聞,工作一度暫停,不久已再次投入劇組,剛拍畢《兒科醫生》和《把關者們》。

曾志偉清算余黨第二波 《後生仔》主持變遺孤無得留低?
孔德賢一直備受力捧,曾主持多個節目,不過去年與落選港姐廖慧儀傳緋聞後,形象受損,工作一度被暫停,當風波稍為平息,一而再被揭與廖慧儀未斬纜,昔日有余詠珊何哲圖力撐保得住,今日會否因緋聞令前途不保呢?

26歲林正峰

林正峰主持過《安樂蝸》、《香港原味道》,在劇集《香港愛情故事》飾演的廢青而為人認識,在《兒科醫生》飾演一名醫生。

曾志偉清算余黨第二波 《後生仔》主持變遺孤無得留低?
林正峰在《兒科醫生》與前輩鄭嘉穎合作。 圖片來源:林正峰IG

23歲曾展望(GM)

GM在《後生仔》環節「乜戀都傾」與馮盈盈「拍拖」而為人認識,現為兒童節目《 Think Big天地》主持之一。

曾志偉清算余黨第二波 《後生仔》主持變遺孤無得留低?
曾展望IG

25歲劉頌鵬(Enson)

選過校草、做過模特兒、參加過《全民造星2 》的Enson是後期才加入《後生仔傾吓偈》,去年2月加入《後生仔》,已獲安排加入劇組拍過《香港愛情故事》、《欺詐劇團》。

曾志偉清算余黨第二波 《後生仔》主持變遺孤無得留低?
劉頌鵬IG
Enson(右)是《香港原味道》第五輯的主持。圖片來源:劉頌鵬IG
Enson(右)是《香港原味道》第五輯的主持。圖片來源:劉頌鵬IG

25歲徐文浩(Fred)

Fred拍過劇集《香港愛情故事》,現為《Think Big天地》主持之一。

曾志偉清算余黨第二波 《後生仔》主持變遺孤無得留低?
徐文浩IG
《後生仔》主持黃芷欣(左三)、王虹茵(中)、GM(右二)、Fred(右一)同時主持兒童節目《Think Big天地》。圖片來源:劉頌鵬IG
《後生仔》主持黃芷欣(左三)、王虹茵(中)、GM(右二)、Fred(右一)同時主持兒童節目《Think Big天地》。圖片來源:劉頌鵬IG

最新吃喝玩樂資訊