《明日戰記》登Netflix竟掀網絡大爭辯！「究竟彈嘅人咩心態？！」

《明日戰記》登Netflix反遭網民狠批

票房突破8100萬的《明日戰記》在上映超過三個多月後，近日終於正式登陸Netflix上映。在登陸Netflix後，該片再次引起網民熱烈討論。上映後一直好評不斷的《明日戰記》竟然遭網民狠批，被評為「不折不扣嘅爛片」，與在戲院上映當時的反應大相徑庭：「橫睇掂睇都係套不折不扣嘅爛片」、「唔知點解佢地既廣東話我聽唔明同唔入戲， 所有人講野仲衰過遊戲配音，完全唔傳神」、「真係睇都浪費時間」等。

網友造圖獻計：「只要改動少少，就會變成一級大作!!!!」

正所謂一味批評並無建議，在Netflix 討論區有好多網友紛紛向古天樂獻計，其中一位更出動改圖提議重新選角令電影變「神作」，全文如下：

【語言方面】全程主力用英文對白，係間唔中先會有一兩句廣東話就夠。（因為只係得一兩句，個感覺即時就變到好特別）

【選角方面】男角古生親身上陣，拍住另外兩個外國演員——外國演員可以用The Rock , Mark Wahlberg（曾演《變形金剛》）甚至新晉嘅外國演員都可以， (有名氣更好， 冇名氣都唔緊要， 外國演員就ok，如果用新演員仲可以話拍住外國新晉動作演員）

張家輝個角色用morgan freeman：「i m sky screen , sky screen is me 」

劉嘉玲個角色，要用黑人女演員，呢個又係必須嘅元素！ (飾演小魚仙個女主角唔錯, 早排都幾高討論度)

飾演光仔嗰個演員可以繼續保留，因為用得好好，完全反映到某個地方嘅人戰鬥能力.

另外嗰個內地女角，唔使諗，一定用景甜、因為一級科幻大片，必須要有景甜！！！

【選角口號】只要將演員同語言轉一轉，成件事個觀感就完全唔同曬！電影宣傳片口號要用返以前介紹電影個男聲：

***香港電影史上重大突破，古天樂夥拍外國一級荷里活動作巨星，本地團隊誠意製作，一級特效，緊張刺激，明日戰記隆重上映**

嗱，咁樣轉一轉，成件事個feeling 就fit曬！啲手指公，多到喺個mon度爆出嚟啊！只要改動咗上面嘅嘢，個劇本唔使變都夠晒做！

網民：喺Netflix上時咁多人彈，咩心理？

對於《明日戰記》登Netflix後突然遭狠批一事，不少網民都為《明日戰記》抱不平：「真係唔明：同一套戲戲院上影時都算正面好評刷刷刷，但係Netflix 上時咁多人彈彈彈嘅！！！咩心理！？？」

網民分析：因為唔洗俾錢

有網民認為給予負面評論的大多都是免費在Netflix睇戲的人，所以才會突然有一大班人批評該戲：「因為唔洗俾錢，明明唔鐘意睇開人都會開嚟睇下，自然多負評啦！」、「因為Fans係入戲院睇，等Netflix出咗先睇嘅係hater」等。

古天樂為Netflix拍片宣傳 網民竟然失望

此外，古天樂早前亦有為《明日戰記》拍片向台灣觀眾推介，但竟然有網民大感失望，原來是以為古天樂冇以佢最出名嘅「港式普通話」介紹《明日戰記》，難怪網民覺得失望嘅！

台灣網友：以為可以聽到古先生講普通話而興奮了一下

台灣網友打開影片的聲音後，發現古天樂竟然只是用廣東話宣傳，留言表示有少少失望：「想聽國語版」、「以為可以聽到古先生講普通話而興奮了一下」、「想節能，撚太撚」