日日媽媽聲
日日媽媽聲

日日媽媽聲|林盛斌評常惹負評連累家人受壓 大女高EQ回應網民獲激讚

影視娛樂

廣告

《日日媽媽聲》第二輯近日播出,再次請來林盛斌Bob分享育兒心得,一家六口好溫馨的Bob不時獲網民負評,連今年14歲的大女霏霏(林霏兒)都會受牽連,阿Bob大讚女兒面對網民抨擊時,往往都能展現高EQ﹗節目中準備了各式「刑具」讓身為爸爸的Bob體驗女人之苦﹗

林盛斌 日日媽媽聲 有見去年上一輯《日日媽媽聲》節目贏盡話題,無綫16日起推出一共十二集的《補益坊產後進補廿八方特約:日日媽媽聲》第二輯,逢星期一至三晚 10 點半翡翠台播映,由余安安、羅敏莊、陳凱琳冧莊擔任主持。
有見去年上一輯《日日媽媽聲》節目贏盡話題,無綫16日起推出一共十二集的《補益坊產後進補廿八方特約:日日媽媽聲》第二輯,逢星期一至三晚 10 點半翡翠台播映,由余安安、羅敏莊、陳凱琳冧莊擔任主持。 (圖片來源:TVB)

《日日媽媽聲》林盛斌後知後覺大女有社交平台 分享大女如何處理網民抨擊

《日日媽媽聲》第二輯第一集嘉賓為劉小慧、林盛斌(Bob)及陳柏宇(Jason)。Bob被主持封為「時間管理大師」,被問到對四名子女如何分配時間,他坦言必定不平均,「好似大家姐(霏霏)依家13、 14歲,要管佢嘅時間真係唔需要太多嘅﹗大家姐想有自己時間多啲嘅,佢唔想你跟住佢太耐﹗」羅敏莊指兒女正值反叛期,會有自己生活圈子,甚至父母都未必知子女自己開了社交平台及網上頻道,Bob就話:「我真係比較差勁嘅﹗係好後期先知,咁我入去睇吓,原來佢都寫幾多﹗」陳凱琳就話:「囡囡寫關於你㗎喎,為你護航﹗」
Bob就話:「有時關於我嘅報道,有啲網民又或者人哋轉發畀大女睇到會話『你爸爸點樣點樣唔好,你爸爸點解生得咁醜樣?』會有一啲唔太好聽嘅說話,有攻擊性嘅,以及負面嘅留言,估唔到佢嘅EQ幾好,佢會回覆:『我覺得我爸爸喺我心中係好英俊﹗唔知你又係點嘅樣嘅呢?』。」

Bob大女遺傳父母發放正能量

各主持都大讚Bob大女貼心為父母護航,羅敏莊大讚Bob懂事的大女似足Bob嫂,Bob就話:「多少係因為我或太太喺屋企發放正能量﹗」Bob又話最近睇到大女霏霏IG即時動態,同大家玩你問我答,有一個網民留言指自己因身材肥胖而經常被人笑﹗Bob大讚女兒回答得好好:「個女答佢『其實一個靚嘅女仔係唔會因為身材而影響本來嘅自信,我哋最靚係內心嘅美』,佢諗嘢好正面﹗又有一日佢同我講每一日起身落床前都會同自己講”Today is a beautuful day”,佢學到呢樣我好感恩﹗」

林盛斌 日日媽媽聲 育有三女一子嘅 Bob 亦有現身分享育兒心得,更體驗「經痛」之苦。
育有三女一子嘅 Bob 亦有現身分享育兒心得,更體驗「經痛」之苦。(圖片來源:TVB)

《日日媽媽聲》Bob感受「經痛」有悟:阿囡有咩唔開心都會包容

上一輯體驗過陣痛機的林盛斌Bob,今輯「冧莊」繼續受刑體驗「經痛之苦」,阿 Bob「受刑」時痛到面容扭曲兼企唔穩,更要出手推開主持,場面爆笑,阿Bob事後講述「刑後感」謂:「女性真係辛苦嘅,知道囡囡遲啲都要經歷呢件事,我會話總之每個月嗰幾日,有咩唔開心就攞出嚟講,爸爸都會包容。」

去片﹗Bob感受「經痛」之苦

《日日媽媽聲》另類媽媽劉小慧 秘訣令兩女無反叛期

育有兩女的劉小慧分享自己同2個女兒嘅相處心得,劉小慧話同2個女兒關係極好,所以佢哋從小到大竟然冇經歷過反叛期﹗小慧仲話同子女建立良好關係嘅秘訣,一切要從嬰兒時期開始, 與一般家長觀念有點不同,認為追夢比學業更重要,並全力支持熱愛整甜品的大女中六畢業後到日本學藝。

林盛斌 日日媽媽聲 劉小慧大方分享育兒心得。
劉小慧大方分享育兒心得。(圖片來源:TVB)
林盛斌 日日媽媽聲 劉小慧日前貼出大女日本學成歸來,終於可以一家四口齊人慶祝母親節「一家人,最緊要齊齊整整,大囡Yumi終於返嚟香港,之前喺日本讀書兩年幾冇見,兒女在身邊的感覺真好。」
劉小慧日前貼出大女日本學成歸來,終於可以一家四口齊人慶祝母親節「一家人,最緊要齊齊整整,大囡Yumi終於返嚟香港,之前喺日本讀書兩年幾冇見,兒女在身邊的感覺真好。」(圖片來源:[email protected]劉小慧)

《日日媽媽聲》陳柏宇被婆婆赴洋爆「黑歷史」

陳柏宇Jason小時候因家庭問題,一度入住兒童之家,後來獲婆婆接往加拿大照顧,兩婆孫感情相當要好,製作組遂安排 Jason 與婆婆赴洋隔空話當年,婆婆更大爆 Jason奀皮史,婆婆話Jason有一次喺地牢玩火勁危險,因為當時佢哋住木屋,發現得遲後果真係不堪設想,婆婆話果次仲嬲到咬Jason「 籮柚 」㖭!

林盛斌 日日媽媽聲 陳柏宇同婆婆感情要好,今次佢哋隔空話當年,場面溫馨。
陳柏宇同婆婆感情要好,今次佢哋隔空話當年,場面溫馨。(圖片來源:TVB)

常見問題

林盛斌女兒如何面對網民對爸爸的負評?

林盛斌分享自己好後期才發現女兒有在社交平台回應網民的抨擊⋯⋯詳情請看

劉小慧如何令兩女無反叛期?

劉小慧分享與兩女兒相處的心得,並提到對追夢與學業的看法⋯⋯詳情請看

撰文:東方新地圖片來源:TVB、[email protected]_lamshingbun資料或影片來源:TVB

最新吃喝玩樂資訊