愛回家
愛回家

愛回家|蔥頭疑揶揄193開cafe「擺明呃錢」 再抽水陶傑「虛火論」

影視娛樂

廣告

《愛回家》繼早前以「蔥頭」角色暗寸MIRROR成員姜濤後,日前1643集再出手暗寸193郭嘉駿斥資7位數字開cafe,之後於1644集再抽MIRROR「虛火論」。

《愛回家》再暗寸ViuTV藝人 今次矛頭係193

《愛回家》日前播出1643集,以「蔥頭」暗寸完姜濤之後,今次再寸193斥資7數開cafe,劇中對白:「我開呢間cafe唔係為咗賺錢,係為咗可以有個地方同粉絲聚會。」又提到開cafe想與大家分享自己演藝事業的心得。反觀193當時開cafe就講過:「做生意都要賺錢㗎,係咁㗎喇,有人做生意會講係分享自己理念,我唔會講呢啲,我直接講要呃你哋錢,我就係要賺錢。」

「蔥頭」丘梓謙喺《愛回家》入面開cafe,話自己係唔係為咗賺錢,暗寸193@ERROR開cafe擺明賺錢。.
「蔥頭」丘梓謙喺《愛回家》入面開cafe,話自己係唔係為咗賺錢,暗寸[email protected]開cafe擺明賺錢。(圖片來源:《愛回家》截圖)
愛回家 193今年4月開cafe,向來敢言的他表示擺明要賺錢。
193今年4月開cafe,向來敢言的他表示擺明要賺錢。(圖片來源:[email protected]

《愛回家》借大小姐把口抽193水

《愛回家》大小姐龍力蓮劇中是蔥頭忠粉,她細佬Terry(李偉健飾)見蔥頭開cafe分享自己演藝理念有樣學樣。不過龍力蓮就極力反對:「燈油火蠟、人工、食材,虢礫緙嘞全部都係錢,開一間cafe起碼要7位數字!」剛巧193郭嘉駿投資七位數開cafe,疑似再搵位暗寸。而且大小姐強調人地蔥頭名氣大、粉絲多,先做到明星效應賺到咁多,相反Terry就無人識,賺唔到錢。

愛回家 大小姐鬧Terry開cafe要用7位數字,疑似再抽193水。
大小姐鬧Terry開cafe要用7位數字,疑似再抽193水。(圖片來源:YouTube@TVBUSA official)

193郭嘉駿:我就係要賺錢

193郭嘉駿日前接受商台《早霸王》訪問,他在節目中透露其生意大計,表示2月會開設一間cafe,並強調並非得個樣,佢話:「係真係飲咖啡嗰種,唔係食意粉,係精品咖啡加打卡,做生意都要賺錢㗎,係咁㗎喇,有人做生意會講係分享自己理念,我唔會講呢啲,我直接講要呃你哋錢,我就係要賺錢。」森美問193會否在店內索性整一比一個人雕塑?森美話如果有會過去打卡,193表示真人比例「火柴人」(自家品牌logo公仔)都要過萬元,所以不會考慮森美的建議,193笑言:「我唔會諗呢啲咁唔實際嘅嘢,我淨係諗呃錢﹗」他又表示自己負責宣傳部分,另外三名股東各施其職管理其他部份。

愛回家 193郭嘉駿日前接受商台《早霸王》訪問。
193郭嘉駿早前接受商台《早霸王》訪問大談做老闆開cafe。(圖片來源:FB@早霸王)

《愛回家》大小姐再抽「虛火論」

《愛回家》1643集抽完「7位數開cafe」、「唔係為賺錢」後,到1644集再出手。劇情講到Terry自己開cafe,但主題騎呢,大小姐訓斥Terry客人到訪只為打卡放上網呃Like:「嗰啲虛火嚟㗎!」疑似抽水陶傑批評MIRROR的「虛火論」。

愛回家 大小姐訓斥Terry開cafe的人流全都是「虛火」。
大小姐訓斥Terry開cafe的人流全都是「虛火」。(圖片來源:《愛回家》截圖)

重溫陶傑批MIRROR「虛火論」

陶傑曾於電台節目《光明頂》爆Seed批評MIRROR,又指他們不能挽救香港娛樂工業,他說 :「依家華語片同成個亞洲嘅電影工業,基本上都有種年齡歧視,依家香港都係,睇嚟睇去都MIRROR。MIRROR唔係話唔好,你可以喺情感方面向佢投射,但12件咁嘅嘢呢,樣樣小鮮肉,搓埋一團麵粉,拉番出嚟,我唔覺得分得開邊個打邊個囉!係你有啲人話分得開啫,我唔覺得係囉,所以呢,呢啲係虛火嚟嘅,對唔住呀,你可以有一種『傘後』,即係19年之後,自己嗰種一廂情願嘅政治情感投射,但係MIRROR係救唔到香港嘅任何工業同影視嘅,真係對唔住,因為呢一行係要真材實料,係要深度同內涵嘅。」

愛回家 陶傑 陶傑指現在MIRROR一支獨大,霸佔了整個巿場。
陶傑指現在MIRROR一支獨大,霸佔了整個巿場。(圖片來源:[email protected]陶傑)

常見問題

《愛回家》如何抽水陶傑「虛火論」?

《愛回家》日前一連兩集講述Terry開Cafe,而當中大小姐對白疑似暗示⋯⋯詳情請看

《愛回家》劇情影射193開cafe事件?

日前播出1643集,以「蔥頭」暗寸完姜濤之後,今次再寸193斥資7數開cafe,劇中對白⋯⋯詳情請看

撰文:東方新地圖片來源:《愛回家》截圖、YouTube@TVBUSA official資料或影片來源:YouTube@TVB

最新吃喝玩樂資訊