張曼玉驚現小西灣 秘密搬竇隱居避世 獨自放狗避見梁家輝、張學友

撰文：東方新地 圖片：新傳媒圖片

情傷消瘦

曾經有過一段僅維持三年的中法婚姻，又被喻為跟梁朝偉是最合襯一 對，可惜多段感情始終未能開花結果，梁朝偉08年娶了劉嘉玲，現年54歲 的張曼玉，至今仍孑然一身，對上一段戀情，已是三年前同小15歲中英混 血樂手發展「忘年戀」，愛得投入的曼玉，更甘為對方改變喜好，由影壇轉 戰樂壇，可惜戀情維持不足一年就被對方狠撇，感情再落錯注，令曼玉情傷消瘦，更有傳一度飛澳洲散心！

好友開騷冇影
去年11月，阿B在紅館舉行一連兩場演唱會，梁家輝現身擔任頭場嘉賓，太太以及兩個女兒都有撐場，還在後台同阿B合影，不過同阿B及家輝非常老友的張曼玉就未見現身。

阿B演唱會尾場，深閨嘅梁朝偉都同劉嘉玲及曾志偉等捧場，各人更睇到情緒高漲，可惜還是少了一個張曼玉。

回港後張曼玉亦愈變愈深閨，極少在公開場合現身，只曾在16年底為 謝霆鋒的《鋒味3》擔任嘉賓演出，是近年曝光最多一次，之後幾近消聲匿 跡。大家都好掛住這位時尚女神，去年11月她終於現身上海出席品牌活 動，卻突然蒼老又憔悴，臉上虎紋深現，連笑容都變僵硬，向來已夠纖瘦 的她更形落寞老態盡現，令網民紛紛慨嘆：「女神真的老了！」

未有飛台撐學友

上年四月，張學友在台北小巨蛋舉行演唱會，圈中好友組團飛到當地捧場，又係唔見張曼玉。

16年底，張曼玉應謝霆鋒邀請拍攝《鋒味3》，在節目中透露近況之餘，更剖白自己對人生的睇法，可以說是她近年曝光最多一次的節目！

轉戰樂壇

身兼柏林影后、康城影后、還有五屆金像影后及四屆金馬影后，影壇戰績彪炳的張曼玉，近年卻醉心音樂，有指是受樂手前度Adrian影響，14 年沐浴愛河的她，high爆出席上海草莓音樂節演唱〈甜蜜蜜〉，即使被狠批唱功水皮，仍無損曼玉的音樂夢想，甩拖後繼續全情投入音樂創作並專注錄歌，早前就透露今年會推出EP碟，不過，只曾在15年發布過一首電影主題曲，出碟講足三年都只聞樓梯響，遲遲未見再有新作面世。

上年11月中，張曼玉現身上海出席品牌活動，久未露面的她明顯現老態，雖然依然骨感型格十足，不過臉上和頸上的皺紋清晰可見，笑容亦變僵硬。

絕跡好友活動

唔通真係要閉關找靈感，早已深居簡出的她，近期更絕跡所有好友活動，就連去年底阿B在港舉行兩場演唱會，好友梁家輝上埋台獻唱，一班 好友袁詠儀、張智霖、梁朝偉、杜德偉以及曾志偉統統到齊撐場，同阿B向來老友的張曼玉一樣唔現身。據知情者透露：「近年Maggie（張曼玉）收埋自己，鍾意留喺屋企，唔多願見人，佢嘅嗜好除咗玩音樂就係畫畫，其實身邊班好朋友成日都會搵佢，不過叫親佢出嚟，佢都話忙緊搞音樂創作，次次都搵藉口推，其實大家都好擔心佢，不過上年底見到佢出活動，又肯同大家分享近況，佢哋先至放心啲！」

搬竇藍灣半島避世

除了避見好友，張曼玉原來還秘密搬竇，搬離大班好友住在附近的港島南灣寓所，更離奇搬入平民區小西灣的藍灣半島居住。據知情者透露：「搬離南灣，就係唔想撞口撞面成日見到熟人，又要打招呼又要講近況，其實佢搬走都冇乜同人講，只係屋企人先知！」

包冚放狗

近月秘密搬到小西灣藍灣半島居住的張曼玉，日前一個人落街放狗，全身包到冚唔想畀人發現，比之前更纖瘦的她，恍如火柴人，兩隻手亦清晰見到多處紋身。

怕被認出

張曼玉放狗放得好神秘，雖然當日未有戴黑超，但一直 將鴨舌帽拉得很低，又以口罩遮面，只間中抬一抬頭時，才可稍微看到她的眼睛，難怪未有被途人發現。

刻意走後門

怕被發現的張曼玉每次出街例必包到冚，鴨舌帽、黑超、口罩不離身，為免被鄰居發現，她更向屋苑要求出街要走後門。據知情者透露：「佢唔想畀鄰居知道自己喺度住，同屋苑講明唔會喺前門出入，咁話晒Maggie係國際巨星，屋苑都好遷就佢，亦唔想有人騷擾到佢！所以咁耐以嚟，都專登開放後門架𨋢畀佢上落，所以佢住咗一排都冇住客知道，原來自己係同影后住埋同一座樓。」
雖然隱居避世，不過張曼玉每星期都有幾日會落街放狗，同狗狗一齊擁抱大自然，似乎亦是她日常最愛活動。日前，張曼玉就一個人落公園放狗，繼續其一貫低調作風，戴帽戴口罩全身包到冚，放狗期間還不時兩頭望表現避忌，雖然冇人陪，不過她似乎同愛犬跑來跑去已經自得其樂，包得咁密實，身旁即使有其他人一齊放狗，亦未有人發現這位超級影后近在咫尺！

驚現小西灣

為避世搬屋，不過搬去邊都好，愛狗的張曼玉，每星期例必有幾日會落街放狗，放狗已成她外出最愛活動。

8個耳洞

除咗兩隻手有紋身，曼玉兩邊耳仔都打咗好多耳洞，單係左邊就有八個之多

曾經活躍

即使一向性格深閨，不過慢熱的張曼玉，遇到熟人就會變開朗，退隱多年，同一班圈中好友亦保持聯繫，直至近期，才忽然隱世收埋自己。

飛峇里賀阿B

同阿B鍾鎮濤非常老友的張曼玉，14年阿B同范姜在印尼峇里島舉行婚禮，她便專登飛到當地出席，玩新人更表現得非常興奮。

陪契女行街

張曼玉同梁家輝因合作電影成為好友，跟家輝太太亦老友鬼鬼，曼玉更成為家輝兩個女的契媽，以前會經常約埋契女行街的曼玉，近年卻未見在兩個契女IG有任何互動！

興奮合影

退隱後的張曼玉，雖然不停有人送上劇本請佢出山拍戲，不過統統被影后拒絕，相信要她再現身電影活動同好友梁朝偉、梁家輝、吳君如合影已經不容易。

感情三角

梁朝偉同張曼玉自84年合作《新紮師兄》開始傳緋聞，兩人先後合作過七部電影，感情關係撲朔迷離，加上梁朝偉身邊一直有個女友劉嘉 玲，三角關係更是錯綜複雜，直至08年偉仔同嘉玲在不丹結婚，正式為戀情畫上句號。

擦出愛火

2000年拍電影《花樣年華》，張曼玉梁朝偉被指擦出愛火， 05 年二人出席「影視博覽開幕禮」，更罕有拖住手行紅地氈，引起一陣哄動。

合照粉碎不和

13年台灣金馬獎，梁朝偉劉嘉玲同電影《一代宗師》拍檔章子怡一齊拖手行紅地氈，同擔任金馬獎大使的張曼玉現場未見任何交流，不過，頒獎禮翌日，劉嘉玲在微博放出與張曼玉在機場的合照，粉碎十三年不和傳聞！