愛回家
愛回家

愛回家|張景淳疑因遲大到要暫別 單立文訓話句句有骨有玄機

影視娛樂

在《愛回家》中飾演「龔燁」的張景淳,去年疑因遲大到激嬲無綫助理總經理(戲劇製作)珍姐曾勵珍,在劇集賀年宣傳活動上,張景淳不見蹤影,有傳已被暫時調離《愛回家》。雖然有劇中新婚老婆力撐冇遲到,但單立文的一番訓話,句句有骨,似有弦外之音!

撰文:東方新地 圖片:[email protected][email protected]、《無綫娛樂新聞台》影片截圖

張景淳 新婚後即離家暫別

上月張景淳和呂慧儀在無綫處境劇《愛‧回家之開心速遞》上演「龔水戀」的結婚戲碼,不過有指有人因經常開工遲大到而影響進度,矛頭直指張景淳,更觸怒珍姐一度踩入廠掃場捉人。事後張景淳曾在社交網平台直播,透露「龔燁」要暫別劇組,網民不禁聯想與他遲大到斷正有關。

愛回家 上月呂慧儀與張景淳在劇中舉行婚禮,二人演得好迫真,假戲真做都唔奇。
上月呂慧儀與張景淳在劇中舉行婚禮,二人演得好迫真,假戲真做都唔奇。(圖片來源:[email protected]
愛回家 張景淳飾演的「龔水」早已融入熊家。
張景淳飾演的「龔水」早已融入熊家。(圖片來源:[email protected]

呂慧儀護夫心切

昨日(1月19日)在《愛回家》賀年宣傳活動上,連周嘉洛亦歸隊出席,唯獨不見新婚的張景淳,有傳他已被暫時調離《愛回家》,為此呂慧儀愛夫心切作出辯護,再次為張景淳澄清沒有遲到,但又唔可以代他回應。不過呂慧儀亦帶定頭盔補多句,希望大家都守紀律,唔好影響整個劇組的進度,但亦明白有時要處理緊要事會遲到,希望大家互相幫忙,令劇集可以長拍長有。

愛回家 《愛回家》總動員舉行新春賀年宣傳活動,不過張景淳冇影。
《愛回家》總動員舉行新春賀年宣傳活動,不過張景淳冇影。(圖片來源:[email protected]
愛回家|張景淳疑因遲大到被調離 單立文訓話:紀律好緊要,唔好咁多藉口
呂慧儀當日接受訪問仍為張景淳辯護。(圖片來源:[email protected]

單立文七字真言:「唔好講咁多藉口」

「我覺得我哋《愛回家》拍咗5年,其實紀律真係好緊要嘅,而阿姐(珍姐)作為一家之主,mon住我哋嘅紀律亦係好緊要,佢成日都講唔能夠一個人犯錯,而影響成個劇組。呢樣嘢我係好認同欣賞。前輩不嬲都講做呢行準時係must基本嘢嚟,我哋都入腦,唔好講咁多藉口,如果真係有事,身體唔舒服或者屋企有事,真係要打返嚟講一聲囉!如果你係尊重自己嘅工作,尊重人哋,你係唔會發生呢件事。」對於張景淳被指慣性遲到,單立文就笑住話唔知情:「可能嗰陣我唔喺度啦。不過講真,邊有人鍾意人哋遲到㗎。時間講咗幾點拍就要幾點拍,呢啲大家係應份,同埋守時係重要。」

愛回家 單立文為張景淳遲大到一事發言,似是意有所指。
單立文為張景淳遲大到一事發言,似是意有所指。(圖片來源:[email protected]
愛回家 有網民覺得單文立有意針對,喜歡落井下石。
有網民覺得單文立有意針對,喜歡落井下石。(圖片來源:網上討論區截圖)
愛回家 也有網民覺得唔應該把事件再發酵。
也有網民覺得唔應該把事件再發酵。(圖片來源:網上討論區截圖)

《愛·回家之開心速遞》上月一連三集上演「龔水婚宴」,龔燁(張景淳飾)以及熊若水(呂慧儀飾)的婚禮在觀眾見證之下修成正果。誰不知熱情過後,張景淳早前突然在IG宣布龔燁將會暫時離開劇組,蜜月都未度就玩分開,唔係啩?

愛回家 啱啱先結婚⋯⋯
啱啱先結婚⋯⋯(圖片來源:[email protected]

睇返之前嘅報道:

張景淳深夜直播暫別劇組

張景淳早前突發在IG真播同網友傾偈,正當大家蜂擁而上去恭喜他與熊若水新婚之時,他突然自爆暫別劇組。事源有網友問龔水遲啲會唔會有生B嘅情節,按照一貫演員不劇透嘅作風,張景淳理論上大可以「開放式」回答,但今次佢竟然斬釘截鐵地說:

「probably not(大概唔會)同埋龔燁遲少少會有一段時間休息。」

其後有人追問情人節會否再有「龔水」的劇情時,張景淳再令網友失望:「應該唔會有……希望……希望可以快啲又見返。」

愛回家
(圖片來源:[email protected]

呻完暫別、及後又更正

長達超過一小時嘅直播,張景淳被問到是幾時重返劇組的問題,一律都答「唔知道」,而且語氣略帶無奈,亦冇交代原因,只係話:

「我知道你哋好多人會好傷心,包括我自己,我希望一切都會得到解決,同埋盡快返嚟。」

及後張景淳再接受傳媒媒訪問時就更正,表示「龔水」在農曆新年的劇情中會有主線,2月份亦有戲份,只是2月14日情人節後的集數仍未收到劇本,並強調沒有被調離組,呼籲大家耐心等待,而相關的IG直播片段亦已被移除。

愛回家 原來係虛驚一場!
原來係虛驚一場!(圖片來源:[email protected]

受「遲到王」牽連

其實今次有關張景淳「暫別」令網民信以為真,或者與之前《愛回家》「遲到王」事件有關。早前有報道指,無綫高層曾勵珍(珍姐)聞得《愛回家》劇組經常有人遲到、工作懶散及顧住食嘢,消息更稱兩大「遲到王」矛頭更直指「龔燁」張景淳及「大小姐」林淑敏,令珍姐震怒,直衝錄影廠鬧爆其中一位「遲到王」。雖然張景淳事後否認遲到,但他到今亦未正式回應過是否被珍姐訓話,所以他自爆「暫別」《愛回家》,不難令人誤會兩件事有直接關係。

愛回家 到底張景淳係咪「遟到王」呢?
到底張景淳係咪「遟到王」呢?(圖片來源:[email protected]
愛回家 張頴康發最後通牒 唔怕得罪無綫 預告做唔到男一選擇離巢
TVB助理總經理(戲劇製作)珍姐曾勵珍。(圖片來源:東方新地照片庫)

圖片來源:[email protected][email protected]、《無綫娛樂新聞台》影片截圖

最新吃喝玩樂資訊