張敬軒作頭炮歌手包起《勁歌金曲》 被無綫、ViuTV爭崩頭
文:東方新地|圖:張敬軒IG圖片、無綫娛樂新聞台影片截圖及新傳媒圖片庫
張敬軒獲無綫睇重
雖然張敬軒早前無出席到由曾志偉召開的《音樂永續 樂壇同享》記者會,但日前卻現身電視城為無綫音樂節目《勁歌金曲》錄影,原來他已有一年多未有錄過《勁歌金曲》,錄影過後星夢新任CEO何麗全和無綫高層樂易玲更齊齊現身探班,可見軒仔被睇重的程度。
![軒仔透露今次上《勁歌金曲》是為了宣傳其新碟及演唱會DVD,當日何麗全和樂易玲兩位高層都有到場探班。](https://imgs.orientalsunday.hk/wp-content/uploads/2021/03/10_20513519666049f0a4e30ed.jpg)
眨眼變前輩
軒仔笑言近日睇住《聲夢傳奇》班十幾歲的樂壇新人,覺得自己在眨眼間已升級做了前輩,出道已有19年的他憶述自己作為新人時,亦是邊做邊學,講到對未來樂壇發展的睇法,軒仔就話希望將來能有更多音樂人可以同心協力,齊齊對樂壇作出正面的影響。
![軒仔今次在《勁歌金曲》一連唱出了四首歌,十足一場小型演唱會。](https://imgs.orientalsunday.hk/wp-content/uploads/2021/03/03_10506104356049f09ad7fca.jpg)
獲贊助家電
軒仔又提到早前在社交網上分享其家傭「遮遮」不慎整壞家中電飯煲的「趣事」,軒仔笑言這次意外為他帶來了意想不到的許多廚房家電贊助,包括有氣炸鍋、真空煲、電飯煲、電子燉盅、麵包機等,他表示現正同「遮遮」一齊研究如何使用這些新「煲」。
![張敬軒作頭炮歌手包起《勁歌金曲》 獲何麗全、樂易玲探班揚聲勢](https://imgs.orientalsunday.hk/wp-content/uploads/2021/03/12_1096198296049f0a813a07.jpg)
唱過《盛世仁傑》主題曲
被問到可會爭取唱劇集主題曲?軒仔笑言:「其實以前我都唱過《盛世仁傑》主題曲(歌名〈定局〉),都唔記得嗰時係咪喺舊時公司,再唱就要睇吓有冇監製搵我,同埋要睇劇本。」
![張敬軒作頭炮歌手包起《勁歌金曲》 獲何麗全、樂易玲探班揚聲勢](https://imgs.orientalsunday.hk/wp-content/uploads/2021/03/11_19749429246049f0a6618da.jpg)
而講到拍劇,軒仔笑言:「我客串過《四葉草》,依家草都變咗樹,哈哈!我個人比較鍾意拍古裝,以前都想過叫化妝師幫我黐頭套嚟睇吓,但又驚吊威吔,事關以前我拍廣告時試過吊足十幾個鐘,真係個個部位都痛,令我好擔憂身體嘅各種功能!」
![軒仔08年曾在《四葉草》系列第三輯《盛裝舞步愛作戰》中客串過第一集,當時劇集女主角有衛詩雅和龔嘉欣。](https://imgs.orientalsunday.hk/wp-content/uploads/2021/03/01_11633766246049f09763012.jpg)
被容祖兒叫張繼軒
談到正在內地參加選秀比賽節目的好友容祖兒手部受傷,軒仔表示第一時間已知道,他說:「睇到啲相都覺得痛,我已經叫咗北京啲同事買去疤膏畀佢,好在唔係整親塊面。佢一向工作好投入,但平時生活上就好粗心大意,試過叫咗我做『張繼軒』!」
![軒仔指祖兒非常孝順,可能是因為身在內地,太掛住媽咪而受傷。](https://imgs.orientalsunday.hk/wp-content/uploads/2021/03/15_8609777246049f293b4288-819x1024.jpg)
無綫ViuTV兩邊走
問到今後是否可以在TVB與ViuTV兩邊走?軒仔笑言一向都可以,事實上本周五(3月12日)軒仔亦會到ViuTV,為其音樂節目《Chill Club》進行錄影,可說同時被兩邊電視台爭崩頭!
![張敬軒作頭炮歌手包起《勁歌金曲》 獲何麗全、樂易玲探班揚聲勢](https://imgs.orientalsunday.hk/wp-content/uploads/2021/03/05_2864549246049f09ddf548.jpg)
重溫曾志偉上場 星夢歌手效忠保位
曾志偉上場在電視城掀起巨浪,當年余詠珊一手將一班有線幫帶入無綫,黃翠如、洪永城、陸浩明、陳貝兒等個個水鬼升城隍,人人眼紅非議,今日卻憂余詠珊失勢而人人自保出招,掌管星夢娛樂的余詠珊老公何哲圖更敗走。曾志偉早前高調晒與三大唱片破冰功績,星夢歌手菊梓喬、周柏豪、吳若希、谷婭溦、JW等有份出席,為求自保個個轉舵誓師效忠志偉以保一命,不過昔日一姐的菊梓喬都只能靠邊站,而一度傳腰斬的《聲夢傳奇》亦獲放生,延至四月舉行。
![張敬軒作頭炮歌手包起《勁歌金曲》 獲何麗全、樂易玲探班揚聲勢](https://imgs.orientalsunday.hk/wp-content/uploads/2021/02/12_54973340160374a63ecb77.jpg)
將來還有什麼演唱會值得留意?
有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!