廉政狙擊 | 方力申新劇再做二世祖 現實係馬主同豪宅業主 網民:做返自己
《廉政狙擊》方力申又做二世組
繼在《美麗戰場》演完食軟飯二世祖龐振宇之後,今次方力申在《廉政狙擊》繼續飾演二世祖。不過方力申之前就表示兩個二世祖的角色大有不同,更聲稱今次《廉政狙擊》的「邦少」爛仔好多:「雖然最近兩個劇我都做有錢同有少少廢嘅大少爺,有相似有唔似, 《美麗戰場》 入面嘅宇少憎阿爸,呢次《廉政狙擊》邦少憎個後母阿媽,但最唔同嘅係呢個邦少爛仔好多,壞人一個!」
![方力申 今次方力申再做二世祖](https://imgs.orientalsunday.hk/wp-content/uploads/2023/02/videoscreenshot-3210-1_63587920263f311f7e9039-1024x576.png)
網民揶揄:有錢仔又做返有錢仔
時隔不夠一年,方力申又再次以二世祖角色登場,引來不少網民熱議。其中更有網民揶揄指 :「兩套劇中人物性格和現實唔似,我淨係知道唯一相同就是小方你現實都是有錢仔,住獨立屋做業主、又做生意、又是馬主,又收藏好多貴重藝術品,最近仲學人養埋錦鯉,我真是好羨慕。」
![方力申 方力申早前在社交平台上傳自己養錦鯉嘅視頻](https://imgs.orientalsunday.hk/wp-content/uploads/2023/02/snapinsta.app_d04a080620bd2548dbb93248b985c494_video_dashinit.mp4_snapshot_00.00.466_61433448763f3120c13f23-575x1024.jpg)
方力申半億獨立屋超豪華 滿屋天價藝術品
入行20年的方力申,的確一直被外界稱為「圈中隱形富豪」之一,早年不但花費600萬與朋友們齊齊成為馬主,更搬進位於元朗市值接近半億的4,000平方呎獨立屋。方力申更於去年聖誕節公開豪宅內部,大曬家中高達3米高的聖誕樹,又大曬充滿藝術品嘅豪宅內部,非常富貴!
![方力申 豪宅樓梯都擺滿藝術品](https://imgs.orientalsunday.hk/wp-content/uploads/2023/02/arij716d1ay6va2ea6eoeqn7xn1ai4kdujsfx1i0n8c_128652038763f31211e2188-1024x754.jpeg)
「後母」胡定欣曾警告方力申:你唔好接呢個角色
除咗因為再次飾演二世祖而備受關注之外,今次方力申在《廉政狙擊》更要飾演胡定欣的繼子。方力申自爆兩人早在入行前已經因為聯校活動而認識,一直都有保持聯絡,雖然已經認識25年,但今次卻是兩人首次合作。胡定欣亦笑言接受不了方力申飾演其繼子,並且警告過對方不要接拍此角色:「今次啲男演員個個由同輩變咗做我後輩,Bosco做我細佬,方力申做繼子!我同方力申講,你唔好接呢個角色,有乜理由你係我繼子呀!」
![方力申 今次胡定欣在新劇飾演方力申繼母](https://imgs.orientalsunday.hk/wp-content/uploads/2023/02/videoscreenshot-2408_56407366063f311f24a5fa-1024x576.png)
《廉政狙擊》傅嘉莉為何要求加戲?
傅嘉莉在無綫播出的劇集《廉政狙擊》中,飾演美艷女子尹在詩,周旋於兩大商業巨鱷之間,劇中有一幕被傅天耀及卓廷光連環摸pat的戲份,原來是⋯⋯按此看詳情
《廉政狙擊》第一集的塌樓劇情如何影響全劇角色發展?
《廉政狙擊》是胡定欣離巢TVB並加入邵氏後的首部作品,劇中飾演要裝義肢的「屠敏」原來係為咗復仇⋯⋯按此看詳情