尹光 叱咤
尹光 叱咤

79歲尹光成最新廣告寵兒 2023下半年廣告數量多過姜濤、Anson Lo

影視娛樂

廣告

尹光近日強勢入圍叱咤「我最喜愛男歌手」最後5強人氣急升,與MIRROR 3位成員和張敬軒齊名,雖然要等到下年1月1日才知道結果,但尹光已先贏一仗,皆因年屆79的他依然深受廣告客戶喜愛,下半年的廣告數量更超越MIRROR人氣王姜濤和Anson Lo……

尹光 叱咤 尹光 現年79歲的尹光成功打入叱咤五強!
現年79歲的尹光成功打入叱咤五強!(圖片來源:Facebook@尹光)

尹光廣告數量超越人氣王姜濤、Anson Lo

尹光因為「AI尹光」突然爆紅,深受年輕一代喜愛,更成為不少廣告商的寵兒。今年第四季度就已經有6個廣告,數量超越後生仔MIRROR人氣王姜濤和Anson Lo。2名鏡仔今年都沒有特別簽新廣告,近月亦大多只為名牌服裝品牌出活動。另外值得一提的是,有別過往ViuTV劇集的安排,上星期開播的香港版《社內相親》,身為男主角的Anson Lo竟然在劇中一個代言廣告都無出現,劇集贊助商寧願播鄭中基代言的K-Cash,都唔搵AL加持,同由姜濤主演、由頭到尾都充斥著麥當勞廣告的《季前賽》大有分別。

尹光 叱咤 尹光 姜濤繼續擔任啤酒BLANC 1664的代言人。
姜濤繼續擔任啤酒BLANC 1664的代言人。(圖片來源:IG@keung_show)
尹光 叱咤 尹光 而AL近月都冇簽新廣告,大多都只出席名牌服裝品牌的活動。
而AL近月都冇簽新廣告,大多都只出席名牌服裝品牌的活動。(圖片來源:IG@ansonlht)

盤點尹光近月6大廣告

盤點尹光6大廣告︱「杜蕾斯」大玩街頭快閃

尹光在12月1日晚上以一身金色服裝,現身於旺角銀行中心門口,原來是出席避孕套品牌「杜蕾斯」的活動,當晚更成功吸引超多後生仔圍觀。尹光一出場就大唱《少理阿爸》和《平安夜》,臨完場更有JFFT 的雞翼到場與他合唱《MR ONE》。

尹光 叱咤 尹光 一身金色服裝的尹光獲「杜蕾斯」品牌成為「全港首位聖誕套人」。
一身金色服裝的尹光獲「杜蕾斯」品牌成為「全港首位聖誕套人」。(圖片來源:Youtube@Leon Lee)
尹光 叱咤 尹光 臨完場仲有雞翼@JFFT一齊合唱《MR ONE》。
臨完場仲有雞翼@JFFT一齊合唱《MR ONE》。(圖片來源:Youtube@Leon Lee)

盤點尹光6大廣告︱「滙豐」同阿正合體代言

尹光近月化身為「縱橫廟街半世紀防偽先鋒」,與阿正(黃正宜)合體代言滙豐「全港首個呃Fair 」。該展覽以玩味形式揭開近年盛行的各種欺詐手法,活動上尹光與「AI尹光」同台演繹最新力作《Dear Myself》,認真夠潮啊!

尹光 叱咤 尹光 尹光同阿正合體代言滙豐「全港首個呃Fair 」
尹光同阿正合體代言滙豐「全港首個呃Fair 」(圖片來源:IG@silly_father)
尹光 叱咤 尹光 一齊大玩近年盛行的行騙手法。
一齊大玩近年盛行的行騙手法。(圖片來源:IG@silly_father)

盤點尹光6大廣告︱「昂坪360」伙拍林明禎代言疑出事

尹光連「昂坪360」都代言埋,11月底更與「大馬女神」林明禎出席「昂坪 360 x Polaroid 冬日炫彩聖誕」活動。不過二人在活動合照環節中,尹光將手擺喺明禎背後時,明禎突然尷尬向後一縮,令唔少網民睇完呢一幕都留言質疑尹光抽水兼出「鹹豬手」。原本在「昂坪360」官方IG講過二人會一齊出MV,可惜但到依家都未出,只有一條「初心不變」長者情懷Feel 的分半鐘廣告片,令不少網民懷疑可能林明禎真係嬲咗,令MV胎死腹中!

尹光 叱咤 尹光 原本就話會有尹光同林明禎合拍的MV。
原本就話會有尹光同林明禎合拍的MV。(圖片來源:IG@np360hk)
尹光 叱咤 尹光 抽水 尹光
但11月底就突然發生「鹹豬手」風波。(圖片來源:YouTube@Viu1 HK)
尹光 叱咤 尹光 二人合拍MV就冇曬影,尹光IG就推出咗另一條 「初心不變」的廣告片。
二人合拍MV就冇影,但尹光IG就推出咗另一條 「初心不變」的廣告片。(圖片來源:IG@np360hk)
尹光 叱咤 尹光 大sell長者情懷Feel的一分半鐘廣告片!
大sell長者情懷Feel的分半鐘廣告片!(圖片來源:IG@np360hk)

盤點尹光6大廣告︱「HKTVmall」Rap歌成熱門Meme圖

最近深受年輕網民歡迎的尹光,近日仲代言埋網上購物平台「HKTVmall」。今次「HKTVMall」為尹光錄製舊歌新編的版本《Deal 你阿爸》,並以多個造型亮相 MV,歌詞抵死又搞笑,令不少網民都在社交平台上攞嚟整成Meme圖。

尹光 叱咤 尹光 無論造型定歌詞都好正。
無論造型定歌詞都好正。(圖片來源:IG@silly_father)

盤點尹光6大廣告︱「生蛇疫苗」連健康廣告都撈埋

畢竟尹光都出道幾十年,當然Target就唔只得年輕人,近日連「生蛇疫苗」都找尹光幫手賣廣告。尹光早前在社交平台上傳一條影片,呼籲大家要小心「生蛇」,仲叫大家去打蛇針(帶狀疱疹疫苗)添!

尹光 叱咤 尹光 連「生蛇疫苗」都有份代言。
尹光連「生蛇疫苗」都有份代言。(圖片來源:IG@silly_father)

盤點尹光6大廣告︱「譚仔米線」廣告坐C位

經常搵明星、KOL賣廣告的「譚仔」早前都請來尹光伙拍阿正同《全民造星V》的Kakit齊齊為「撈!」系列賣廣告。尹光更以經典歌《少理阿爸》改編《譚仔撈米線》,仲同Kakit即場合唱jam歌!

尹光 叱咤 尹光 尹光同Kakit、阿正一齊為譚仔賣廣告,仲坐C位。
尹光同Kakit、阿正一齊為譚仔賣廣告,仲坐C位。(圖片來源:IG@silly_father)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

圖片來源:IG@silly_father、IG@np360hk、YouTube@Viu1 HK、Youtube@Leon Lee、IG@keung_show、IG@Ansonlht、Facebook@尹光