高海寧
高海寧

高海寧拍旅遊節目重遇「少年食神」林澄光 高度戒備禁埋身 13年前曾傳𡁻完唱

影視娛樂

廣告

無綫將於今晚(20日)播出新旅遊飲食節目《吃貨橫掃曼谷》,節目主持林澄光(Michael)和高海寧在13年前曾傳出緋聞而鬧得熱烘烘,有報道指男嘅「𡁻完唱」外更指緋聞女友為速食「便當」。事隔多年再次合作,高海寧明顯刻意保持距離,更煞有介事公開表示:「希望唔好再傳緋聞啦!」

高海寧 去年12月初,出發到泰國拍攝飲食節目的高海寧,曾表示唔想再和林澄光傳出緋聞。
去年12月初,出發到泰國拍攝飲食節目的高海寧,曾表示唔想再和林澄光傳出緋聞。(圖片來源:IG@sammkoling)

高海寧與前緋聞男友再合作

去年宣布續約無綫的高海寧,隨即被公司派去主持新節目,聯同彭慧中、陳聖瑜及「少年食神」林澄光一齊主持《吃貨橫掃曼谷》,高海寧曾在去年11月電視節目巡禮上對媒體笑說:「Michael(林澄光)第一個節目係我同佢拍,依家我簽番無綫第一個節目又同佢拍,希望唔好再傳緋聞啦!」高海寧開門見山,原來係因為見過鬼怕黑。

高海寧 2010年初次合作《為食一條街》時,林澄光在鏡頭前經常與高海寧有身體接觸。
2010年初次合作《為食一條街》時,林澄光在鏡頭前經常與高海寧有身體接觸。(圖片來源:無綫影片截圖)
高海寧 睇坐位的距離,就知林澄光當年與高海寧都幾熟絡。
睇坐位的距離,就知林澄光當年與高海寧都幾熟絡。(圖片來源:無綫影片截圖)

少年食神變中年食神

在2010年時,林澄光被封為「少年食神」時已36歲,13年後的今日已經49歲,睇來「少年食神」都應該要改名為「中年食神」。就快年屆半百的林澄光可能平時食得好嘢多,keep住中年發福,據知當年為無綫主持《為食一條街》時,已經憑住肥頭耷耳人畜無害的外表,及一副識食格成功入屋。

高海寧 現年49歲的林澄光,十幾年前外號是「少年食神」,如今應該要改口稱呼為「中年食神」。「食神」嘅食相,大家睇見會唔會增加到食慾?
現年49歲的林澄光,十幾年前外號是「少年食神」,如今應該要改口稱呼為「中年食神」。「食神」嘅食相,大家睇見會唔會增加到食慾?(圖片來源:YouTube@ TVB娛樂新聞台截圖)
高海寧 無綫新旅遊飲食節目《吃貨橫掃曼谷》,搵嚟高海寧和林澄光呢對前緋聞男女再度合作,單體畫面二人無乜交流,睇唔出有任何火花。
無綫新旅遊飲食節目《吃貨橫掃曼谷》,搵嚟高海寧和林澄光呢對前緋聞男女再度合作,單睇畫面二人無乜交流,睇唔出有任何火花。(圖片來源:YouTube@ TVB娛樂新聞台截圖)

24歲的高海寧入世未深

鏡頭前人見人愛兼相識滿天下的林澄光,被指食女無數兼出名「𡁻完唱」,據知當年他最愛吹噓自己食盡城中女星,就連當年《為食一條街》的拍檔高海寧,亦慘被他唱為速食「便當」。林澄光的無品程度,據知連少爺占同Donald都睇唔過眼,當年二人為《為食一條街》做嘉賓時,故意在鏡頭前「玩嘢」,少爺占同Donald齊質問林澄光:「聽講你之前帶高海寧去美國食嘢?」心知理虧的「食神」當堂打個突,繼而詐傻扮懵過骨,當年新入行幾年只得24歲的高海寧被林澄光在背後狂唱卻懵然不知,還傻頭傻腦追問:「講咩呀?」

高海寧 剛剛在一月另踏入36歲生日的高海寧,今時唔同往日,識得好好保護自己。
剛剛在一月另踏入36歲生日的高海寧,今時唔同往日,識得好好保護自己。(圖片來源:IG@sammkoling)
高海寧 其實三位女神赴曼谷拍攝前,曾於香港機場接受無綫娛樂新聞台訪問,講到旅程安排了極多 spa,三人均大為雀躍,高 Ling 說:「我同friend講呢個旅程做好多spa,佢叫我準備好啲打底嘢。」除了小心打底,仲要小心男主持啊!
其實三位女神赴曼谷拍攝前,曾於香港機場接受無綫娛樂新聞台訪問,講到旅程安排了極多SPA,三人均大為雀躍,高 Ling 說:「我同friend講呢個旅程做好多SPA,佢叫我準備好啲打底嘢。」除了小心打底,仲要小心男主持啊!(圖片來源:YouTube@ TVB娛樂新聞台截圖)

高海寧提林澄光淡然回應

剛渡過了36歲生日的高海寧,去年12月初和節目另外兩位女主持彭慧中(Phoebe)、陳星妤(前名:陳聖瑜)一同現身機場,準備出發到泰國拍攝《吃貨橫掃曼谷》,出發前無綫派出娛樂台進行採訪,期間主播有問高海寧:「Michael都好多年冇合作?」鏡頭前的高海寧淡然回應:「係呀!我對上一次見佢都係10年前喇!對上一次佢就係第一次拍節目,咁有啲緊張啦!我相信佢經歷咗咁多年應該唔會再緊張,所以今次應該會玩得再開心啲,同埋上次淨係喺香港拍,今次佢帶住我哋三個衝出香港去咗泰國,我相信去到嗰邊會更加好更加開心。」

高海寧 為免再次傳出緋聞,高海寧為節目宣傳做訪問時明顯和林澄光保持距離。
為免再次傳出緋聞,高海寧為節目宣傳做訪問時明顯和林澄光保持距離。(圖片來源:YouTube@ TVB娛樂新聞台截圖)
高海寧 即使被安排與林澄光平排坐做訪問,高海寧都唔敢黐太埋,二人甚少有眼神交流,明顯十分忌諱。
即使被安排與林澄光平排坐做訪問,高海寧都唔敢黐太埋,二人甚少有眼神交流,明顯十分忌諱。(圖片來源:YouTube@ TVB娛樂新聞台截圖)

保持距離拒單獨合照

林澄光向來愛在社交平台大晒和藝人的合照、還有大量名錶及跑車,今次主持《吃貨橫掃曼谷》,從宣傳照及預告片中,都沒有看到二人單獨同框,據知高海寧早已向高層及監製表明不想與對方有太多互動,明年保持距離,而在整個節目拍攝旅程中,林澄光都好克制,從未見到他在社交平台發佈他和高海寧的合照,今時唔同往日,高海寧已不是當年初出茅廬的小花,這點林澄光當然知道,唔敢再亂來,就連出席節目宣傳,二人都專登搵人隔開,就算迫於無奈要平排坐亦明顯有距離。該節目即將出街,到時觀眾或者可以看到更多二人心存芥蒂的蛛絲馬跡。

高海寧 在整個節目拍攝旅程中,林澄光都好克制,從未見到他在社交平台發佈他和高海寧的合照,只有劇組一班人的群體照。
在整個節目拍攝旅程中,林澄光都好克制,從未見到他在社交平台發佈他和高海寧的合照,只有劇組一班人的群體照。(圖片來源:IG@michaelcklam)
高海寧 即使宣傳照都是一大班人。
即使宣傳照都是一大班人。(圖片來源:無綫提供)

被傳專呃老友錢

林澄光當年唔單只識食,更有傳他憑三寸不爛之舌專呃老友錢,正所謂唔熟唔食,據知受害名單中包括森美和當時Eo2經理人文狄,事件發生於大約2008年,前者注資10萬入股火煱店,後者則出了5萬入股澳門火煱店,經了解後知道林澄光有呃錢前科,最後只有森美能夠成功退股兼收回10萬,而文狄則回覆傳媒:「幾萬蚊當睇清楚一個人嘅人格。」就呃錢一事,林澄光亦公開回應,他起初否認與森美有錢銀瓜葛:「我同森美係好兄弟,無發生錢銀問題,大家合作無唔開心。(森美話要求你退番十萬畀佢喎!)森美講咩?我係退番錢畀佢,仲係現金畀!(點解要退?)佢話要用錢,想擺番啲錢周轉,咁咪畀番佢先。」至於與E02經理人文狄的轇葛,他不小心自爆:「謠言啫,我畀番佢啦!所有人都收番晒啲錢!(點解成日同朋友夾錢做生意,最後退錢收場?)吓⋯⋯我開門做生意,總之對得住天地良心。」

高海寧 高海寧唔想同林澄光有太多互動,新晉小花彭慧中頂上,由林澄光帶她到訪曼谷一間疫情前剛奪得米芝蓮一星的街頭小食。
高海寧唔想同林澄光有太多互動,新晉小花彭慧中頂上,由林澄光帶她到訪曼谷一間疫情前剛奪得米芝蓮一星的街頭小食。(圖片來源:無綫提供)
高海寧 即使同場介紹美食,都刻意安排高海寧與林澄光分開坐,由彭慧中坐林澄光隔離。
即使同場介紹美食,都刻意安排高海寧與林澄光分開坐,由彭慧中坐林澄光隔離。(圖片來源:無綫提供)

高海寧話性感留畀後生女

高海寧、彭慧中及陳星妤三位女神於首集《吃貨橫掃曼谷》中已大歎SPA,彭慧中指今次歎SPA感覺特別,因為以生果及香薰做主題,至於高海寧則認為白滑背脊更加重要,所以嘗試了另一款美白SPA。其實三位女神赴曼谷拍攝前已經好雀躍,高海寧話會為做SPA準備打底,不過彭慧中聞言卻說完全唔使打底,又透露會以泳裝上陣,身為大師姐的高海寧就話三點式泳衣留畀較後生的二人負責,自己只會享受大量SPA。

高海寧 高海寧第一集就浸浴。
高海寧第一集就浸浴。(圖片來源:無綫提供)
高海寧 高海寧露出肉背做Spa,先用珍珠末加暖蜜放鬆肌肉,之後再倒上涼涼的泰式米酒收縮毛孔,完事後更獲奉上薑茶暖身,chill 級滿足。
高海寧露出肉背做Spa,先用珍珠末加暖蜜放鬆肌肉,之後再倒上涼涼的泰式米酒收縮毛孔,完事後更獲奉上薑茶暖身,chill 級滿足。(圖片來源:無綫提供)
高海寧 彭慧中及陳星妤浸 spa 時有講有笑,交換美膚心得,這個畫面絕對是帶觀眾眼睛去旅行。
彭慧中及陳星妤浸 spa 時有講有笑,交換美膚心得,這個畫面絕對是帶觀眾眼睛去旅行。(圖片來源:無綫提供)
高海寧 三位女神做完Spa一齊歎茶,彭慧中與陳星妤都以小背心出鏡,高海寧T恤長褲略嫌太密實,係咪唔想益某人呀?
三位女神做完Spa一齊歎茶,彭慧中與陳星妤都以小背心出鏡,高海寧T恤長褲略嫌太密實,係咪唔想益某人呀?(圖片來源:無綫提供)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:無綫提供、IG@sammkoling、YouTube@ TVB娛樂新聞台截圖、IG@michaelcklam資料或影片來源:原文刊於東方新地