季前賽 張繼聰
季前賽 張繼聰

季前賽|張繼聰8年前一脫成名 裸遍兩台赤裸之路!謝安琪咁講……

影視娛樂

廣告

在ViuTV劇集《季前賽》中,「痴漢籃球隊」和「翰林大學籃球隊」就以裸跑為賭注,進行終極籃球決戰,近日劇情進入結局周,「痴漢」多位球員卻因為面臨著各自問題,而大打退堂鼓,眼見球隊解散在即,為了激勵一眾球員,教練喪波(張繼聰飾)竟率先走上街頭疑似裸跑!

季前賽 張繼聰 季前賽 導演在訪問中亦分享每個角色的分配原因,而且品評有份出演的MIRROR同ERROR成員的球技和演技
「痴漢籃球隊」中,姜濤、Edan和Stanley都因為各自的問題,而決定退出球隊。(圖片來源:[email protected]
季前賽 張繼聰 季前賽 為了鼓勵三人勇敢面對,張繼聰決定率先裸跑!
為了鼓勵三人勇敢面對,張繼聰決定率先裸跑!(圖片來源:ViuTV《季前賽》劇照)

《季前賽》張繼聰街頭半裸零尷尬

現年42歲的張繼聰時隔五年再次擔演電視劇,在ViuTV劇集《季前賽》化身籃球隊教練「喪波」,其中這場疑似裸跑一幕,在打格鏡頭下,隱約見到張繼聰只著底褲的半裸身形,雖然幾近全裸,但張繼聰笑言零尷尬,因為在疫情期間,就算係銅鑼灣街頭都唔係好多人,而且作為演員,他在進入角色後也不會覺得尷尬,他又笑指將來可以對子孫講:自己試過在銅鑼灣將近裸跑,都幾開心。

季前賽 張繼聰 季前賽 預告「喪波」疑似裸跑的片段中,可以見到張繼聰應該有著底褲。
預告「喪波」疑似裸跑的片段中,可以見到張繼聰應該有著底褲。(圖片來源:ViuTV《季前賽》截圖)

謝安琪爆囡囡捧Anson Lo唔睇爸爸

謝安琪日前自爆晚晚追看,讚老公在《季》劇中演得很好,十分亮眼、趣怪又有活力。她說︰「可能因我嘅年齡層關係,追劇時只追住睇老公,多過追住鏡仔。」她笑指女兒張靖只看有盧瀚霆(Anson Lo)演出的情節,Anson Lo出完場即返房睡覺。女兒在電視機前等看Anson Lo的戲份時,也會被姜濤吸引,但女兒不看爸爸的演出。

季前賽 張繼聰 季前賽 193在側邊唔知係負責拍片定直播。
193在側邊唔知係負責拍片定直播。(圖片來源:ViuTV《季前賽》截圖)
季前賽 張繼聰 Edan見到張繼聰裸跑,表情啜核!
Edan見到張繼聰裸跑,表情啜核!(圖片來源:[email protected]

2014年《老表,你好Hea!》:飾演「震波」Mario

《老表》系列捧紅多個演員,其中要數最有話題的人物,一定非張繼聰莫屬。當年張繼聰形象麻麻,一直被外界指他為「廢柴老公」。在該劇,張繼聰飾演爆肌男Mario,時不時爆出抵死對白,例如:「佢老公正廢柴嚟!」、「我要成為軟飯王」等,豁出去自抽自己食軟飯形象。除此之外,出名身形壯實的他更在劇中表現以胸肌玩「震波」,令他的人氣一時無兩。

季前賽 張繼聰 網民一致認為「震波」最經典!
網民一致認為張繼聰「震波」一幕最經典!(圖片來源:TVB《老表,你好Hea!》截圖)

被「胸襲」拒再做「脫星」

劇中郭晉安在接受街頭訪問時,張繼聰忽然走到他背後剝衫曬肌,成功搶鏡!可見張繼聰早在8年前就曾當街半裸,經驗十足!劇集出街後,張繼聰憑這個角色大受歡迎,他曾笑指自此後就經常被街坊「胸襲」,為了不淪為「脫星」,他決定要嚴選劇本,如果冇特別原因,都唔會再輕易除衫!

季前賽 張繼聰在郭晉安背後剝衫搶鏡,令觀眾笑爆嘴!
張繼聰在郭晉安背後剝衫搶鏡,令觀眾笑爆嘴!(圖片來源:TVB《老表,你好Hea!》截圖)

張繼聰與阿Bob秘撈做裸模

在《老表你好Hea》中,張繼聰與阿Bob山窮水盡,惟有下海秘撈,二人聞說做裸模收入高,即豁出去在一班師奶面前瞓身做人體Model,任畫唔嬲!由於姿態越吸引叫價越高,二人於是狂擺「裸」命騎呢甫士,劇中經常騷肌的張繼聰笑言,因「露慣」而未有感到唔自在,又表示與阿Bob路線不同,從未驚過爭fans問題,他說:「阿Bob好奔放,同場啲姐姐又好專業,好快就拍完場戲。」

2017年張繼聰突然被無綫封殺

時隔五年再拍電視劇的張繼聰,對上一套劇集已經是2017年的《誇世代》。當時張繼聰長在上位,但卻因為無辜被牽入無綫和蕭定一公司的官司,而被無綫封殺。

2014年無綫作為佘詩曼的經理人,與蕭定一公司簽約,安排佘詩曼拍電影《十月初五的月光》。但有傳當時張智霖唔滿意劇本要改,搞到電影要逾期完成。無綫向蕭定一公司追回補水薪金,指佘詩曼應收過百萬的額外薪酬,但對方只付一半,所以無綫用法律解決而且下令封殺蕭定一旗下藝人,包括張繼聰,所以當年連《萬千星輝賀台慶》都未見有張繼聰的參與!張繼聰最初回應傳媒,指自己對封殺傳聞未有所聞,更表示會繼續參加當時剛出街的《誇世代》宣傳活動,又話:「我都好享受拍TVB劇!」

季前賽 張繼聰 張繼聰因經理人公司同TVB有官司,而被封殺,不少人替他可惜及不值!
張繼聰因經理人公司同TVB有官司,而被封殺,不少人替他可惜及不值!(圖片來源:新傳媒圖片庫)

張繼聰大方回應:好多謝TVB嘅栽培

回應完傳媒之後,張繼聰當晚就在Facebook上載53秒短片,親自交代被封殺一事:「大家好!今日出咗單新聞之後,好多謝大家嘅支持,咁可能嚟緊有一段時間唔可以再喺將軍澳出現…有啲說話都想喺度交代。首先喺過去嘅日子好多謝TVB嘅栽培,畀咗好多機會我,好多謝珍姐(曾勵珍)。入面好多台前幕後嘅兄弟姊妹,好多謝你哋,俾咗好多美好回憶我。」

雖然因為封殺行動,而令張繼聰冇得出席當時《誇世代》嘅宣傳活動,不過佢都依然叫一班觀眾繼續支持:「至於現在呢……希望大家可以繼續支持《誇世代》啦,我都好enjoy睇每一集嘅。喺生活裏面,我覺得最緊要係隨遇而安,我會繼續努力㗎!Thank You。」

季前賽 張繼聰 阿聰稱讚及多謝無綫給予好多出鏡機會:「首先喺過去嘅日子好多謝TVB嘅栽培,畀咗好多機會我,好多謝珍姐。」除咗多謝無綫之外,阿聰亦話好多謝一班台前幕後嘅工作人員,畀咗佢好多美麗嘅回憶畀佢。
阿聰稱讚及多謝無綫給予好多出鏡機會:「首先喺過去嘅日子好多謝TVB嘅栽培,畀咗好多機會我,好多謝珍姐。」除咗多謝無綫之外,阿聰亦話好多謝一班台前幕後嘅工作人員,畀咗佢好多美麗嘅回憶畀佢。(圖片來源:[email protected]張繼聰 Louis Cheung)
季前賽 張繼聰 對於遭封殺,網民幾乎一面倒支持張繼聰,仲大鬧無綫小氣,張繼聰反叫大家唔好衝動,又不忘呼籲觀眾支持《誇世代》。
對於遭封殺,網民幾乎一面倒支持張繼聰,仲大鬧無綫小氣,張繼聰反叫大家唔好衝動,又不忘呼籲觀眾支持《誇世代》。(圖片來源:[email protected]張繼聰 Louis Cheung)

常見問題

Mirror仲有邊套劇即將播出?

《繩角》將於11月14日接檔《季前賽》,而根據ViuTV早前已宣布一連播放五套原創劇,包括⋯⋯ViuTV五劇對撼無綫台慶

《繩角》關於什麼故事?

此劇集改編自同名漫畫,原作者是本地漫畫家曹志豪,講述主角立下決心成為亞洲拳王努力奮鬥,挑戰極限的故事,由MIRROR成員主演⋯⋯按此看劇集&角色介紹

撰文:東方新地圖片來源:[email protected]、ViuTV《季前賽》劇照及截圖、TVB《老表,你好Hea!》截圖、新傳媒圖片庫、[email protected]張繼聰 Louis Cheung資料或影片來源:[email protected] USA Official

最新吃喝玩樂資訊