婚後事｜編審黃秉怡揭祕「思想出軌」 爆老公林肯鬼仔趣事
以推介好書為宗旨的 J2 長壽節目《開卷》，由林溥來（Patrick Sir）帶領何泳芍（Honey）、伍韻婷（Juliana）及涂毓麟（Oscar）主持，逢周一晚 10 點J2（82 台）播映。
今集嘉賓是無綫劇集《婚後事》監製林肯及編審黃秉怡兩夫婦，他們在節目中分享了拍攝《婚》劇時所參考的兩本書《情欲徒刑》
（Mating in Captivity:Reconciling the Erotic + the Domestic）及《第三者的誕生》（The State
of Affairs:Rethinking Infidelity），作者均為婚姻治療師 Esther Perel。黃秉怡提到故事緣起，
是始於十年前老公的一則短訊，她說︰「當時公司想拍一套講離婚嘅劇，忽然諗起 10 年前我哋未結婚嗰陣，佢 send 過婚姻治療師 Esther Perel 資料畀我，所以搵咗佢嘅書嚟
睇，我哋套劇確實參考咗好多 Esther 寫嘅個案。」
劇中最引人爭論的是「羅子溢的思想出軌是否出軌」？她認為議題可分成兩種，一是接觸不到且不認識對方，黃秉怡解釋說︰「例如你見到張相，而思想出軌，係避無可避。另一種是接觸到、有渠道溝通，而呢個想法令你有行動。劇集想講嘅係既然欲望咁強烈，係咪本身關係上出現問題？不忠係反映雙方關係是否有所缺失？」她忠告發現另一半出軌時，不要以受害者身份自居，對雙方事後走出陰霾都沒有幫助。更不要作偵探式查問，例如「你幾時幾日去咗邊」、「同邊個一齊」等審問式問題，而是以調查代替查問，檢討自身有甚麼不如對方的地方，她表示都是從兩本書中學到。
二人又自爆創作過程經常嘈交，且擦出「真火花」，林肯認真的說︰「真係嗌交嗌到癲咗，佢痛苦唔會令我開心，都幾艱辛。但回望可以有機會開心拍一套大家喜歡嘅劇集，佢寫我執行去拍，其實都幾浪漫。」黃秉怡乘機「投訴」老公的鬼仔性格，她笑說︰「佢話佢係鬼仔性格喎，係人都叫『傻豬』、『baby』。」一旁的林肯立刻解釋，因為長時間在外國生活，所以男女間的溝通會帶點 flirty，他表示︰「原來太太好介意，明白到呢樣嘢令人有誤會，而你又無咁意思，有事時真係唔知點收科。」但隨即被太太一句 KO，想知道黃秉怡如何令林肯「心悅誠服」認輸，密切留意今晚節目播映。
想知道更多相關精彩資訊，敬請留意 www.tvb.com
將來還有什麼演唱會值得留意？
有不少歌手宣布舉辦演唱會，小編為你整合了香港演唱會+搶飛攻略一覽，包含各演唱會優先購票日期、公開售票日期、門票價錢、座位表等，想搶飛粉絲必定要留意！
