姜濤迎接22歲生日公開感激花姐：「係再生父母」許下回報承諾⋯

Q: 將來還有什麼演唱會值得留意？

有不少歌手宣布舉辦演唱會，小編為你整合了 香港演唱會+搶飛攻略一覽 ，包含各演唱會優先購票日期、公開售票日期、門票價錢、座位表等，想搶飛粉絲必定要留意！

Apr 27 2021

姜濤22歲生日前夕，與花姐一同接受電台專訪：回顧ViuTV捧出人氣男團MIRROR以及搞笑組合ERROR，姜濤簡直就是近年新人王，吸金能力勁高，近日姜濤與經理人花姐（黃慧君），接受香港電台第一台《舊日的足跡》訪問，姜濤公開感謝花姐，為了報答知遇之恩，更即場答應⋯⋯

撰文：Lmc丨圖片：花姐＠IG、姜濤＠IG丨編輯：東方新地

姜濤：明白花無百日紅，相信歌手是要做好自己作品，就是一個保證

姜濤在19歲贏到《全民造星》冠軍，之後發展一直十分理想，奪了多個新人獎，更贏過男歌手金獎。姜濤提到：「明白花無百日紅，說光環消失會不驚一定是假，但相信歌手是要做好自己作品，就是一個保證，光環就不會失去太多。」

坦言需要私人空間的人

成為萬人迷，每個時刻都受到注目，姜濤講到：「日常舉動都是工作，要負責，這件事不是好習慣，因為我是個需要私人空間的人，要克服外界入侵我的生活，最近有少少情緒。以前不開心可以食嘢，現在演唱會在即，我不可以偷食，如果偷食我乜嘢都想食！」

姜濤飲水思源：應承過花姐同佢養老

花姐是《全民造星》監製，也是MIRROR和ERROR經理人，可說是16子的第二個媽媽。姜濤更提到：「應承過花姐同佢養老。」而花姐聞言大笑：「我好大使，你最好養埋我屋企人。」姜濤即回應：「到時我應該有家庭，你唔好咁對過份就得啦！哈哈！」花姐也視姜濤為同學，希望可以大家一同成長，可見二人感情十分要好。網友大讚姜濤十分有情義，相當乖仔。

姜濤將在4月30日將迎來22歲生日

姜濤在4月30日就22歲，他提到以前只和兩三個朋友唱K慶生，或是去維多利亞公園切蛋糕：「現在收到好多fans的禮物同祝福，以前未經歷過，好滿足，生日願望是做回肥仔，將來會是個肥仔，追求努力過後，去一個沒人認識的地方過下半世，就是個悠閒人生，可以同子子孫孫講，你阿爺以前都威過。」

車淑梅的訪問中，花姐鼓勵姜B 拍拖，外傳佢同台灣新劇女主角林思廷變成男女朋友，花姐都要質問佢可有一刻心動過。（圖片來源：香港電台）

姜濤試過200磅為花姐單拖到維園做運動操Fit

大家都知道姜濤出道前係肥仔一名，仲要由細肥到大一度達到200磅個人巔峰。曾經餐餐炸雞薯條、臨瞓仲啪多兩個漢堡包，中學後姜濤唔想再過被取笑連向心儀女生表白都冇勇氣、睇住對方同靚仔拍拖嘅日子，姜濤因此下定決心跑步減肥，呢個習慣到今時今日做咗萬人迷仲堅持緊。

《太平紋身店》姜濤微微一笑最煞食維園獨家直擊為拍打戲狂操身 — 曾經試過體重高達200磅，姜濤入行後亦努力減肥，早前本刊便拍到他一個人到維園加操，只見他用力伸開雙手，之後蹲低再起身，非常落力鍛練。

身材輕微翻脹不顧儀容做到氣喘

發育時期曾經體重高達200磅的姜濤，經過刻苦鍛練減磅，才長期Keep住現時的140磅體重，不過本身是肥底的他，稍為放肆進食便好易發福，為保持狀態他不敢掉以輕心，入行以來都積極操練，早前本刊便拍到他一個人到維園做運動操Fit，當日下午五時許，姜B一個人跑住入維園，他先揀了一個少人的角落位置先做伸展運動，向來淘氣的他自創的體操亦相當另類，只見他配合呼吸大力伸展雙手，之後蹲低再起身，連續做了幾十次才停下來喘息，狂操一輪頭髮亂晒兼大汗淋漓，他依然未捨得停，戲肉還在後頭，做完伸展運動拉筋，便開始高強度練習，成功需苦幹，為保ViuTV一哥地位，姜濤自我操Fit亦非常嚴苛！