阿媽有咗第二個
阿媽有咗第二個

阿媽有咗第二個|姜濤唔識踩單車為演好角色苦練成功 彭秀慧毛姐都讚嘆!

影視娛樂

廣告

由彭秀慧導演,毛舜筠、姜濤、Jer(柳應廷)領銜主演的英皇電影《阿媽有咗第二個》,電影未正式於香港上映已在海外打響名堂,包括入圍第十七屆大阪亞洲電影節競賽項目,奪得芝加哥亞洲躍動電影節「觀眾票選獎」,及入選第24屆台北電影節「亞洲稜鏡」單元﹐預計8月會在香港上映。姜濤為電影《阿媽有咗第二個》獻出不同的第一次,首次參與電影拍攝之餘,亦第一次踩單車。你冇睇錯,平時又唱又跳,閒時又會打籃球嘅姜濤本身係唔識踩單車㗎!

阿媽有咗第二個 姜濤與Jer柳應廷第一次拍戲,兩人充滿火花。
姜濤與Jer柳應廷第一次拍戲,兩人充滿火花。(圖片來源:《阿媽有咗第二個》預告截圖)

《阿媽有咗第二個》彭秀慧爆姜濤為拍戲獻出第一次

姜濤拍攝由彭秀慧執導的電影《阿媽有咗第二個》,戲中與毛姐毛舜筠、Jer柳應廷連場對手戲,光是預告片已經見到充滿火花,姜濤與Jer都是第一次參與電影拍攝二人演出自然。不過姜濤就被導演彭秀慧爆料「獻出第一次」。彭秀慧在Facebook出post:「風和日麗,嗰日製片搵到架拍攝用單車,導演第一時間試下好唔好踩……尤其是個演員好似話本來唔識踩單車,係有啲擔心。#咁送外賣都可以行嘅 #做步兵無話唔得 #但係演員最後學識咗係叻嘅 #阿媽後面有啲咩 #工作愉快是維他命」好明顯就講緊姜濤,事關戲中他要飾演外賣仔,一次機會俾復出做經理人的毛姐睇中問佢有冇諗過做歌手,戲中仲要同飾演毛姐囝囝的Jer爭寵,兩位年輕人咁可愛,難怪連毛姐自己都話:「令我精神立即為之一振!」

阿媽有咗第二個 姜濤在戲中飾演外賣仔,原來佢本身唔識踩單車,呢一幕送外賣係佢苦練嘅成果。
姜濤在戲中飾演外賣仔,原來佢本身唔識踩單車,呢一幕送外賣係佢苦練嘅成果。(圖片來源:《阿媽有咗第二個》預告截圖)
阿媽有咗第二個 彭秀慧出post講姜濤本身唔識踩單車,為咗拍戲苦練獻出第一次。
彭秀慧出post講姜濤本身唔識踩單車,為咗拍戲苦練獻出第一次。(圖片來源:《阿媽有咗第二個》預告截圖)

《阿媽有咗第二個》姜濤學識踩單車獲網民大讚

彭秀慧在Facebook出post後,雖然沒有指明「該演員」就是姜濤,但網民心水清猜到,紛紛留言大讚他叻仔,留言:「我記得睇調教時好多人教佢,真係好叻仔」、「個演員專業又叻,導演亦好有心」,亦有網民多謝彭導:「多謝彭導咁錫演員,親身試過車先」、「多謝你令阿演員的起心肝學」。

阿媽有咗第二個 網民大讚姜濤與彭秀慧為電影出心出力。
網民大讚姜濤與彭秀慧為電影出心出力。(圖片來源:網頁截圖)
阿媽有咗第二個 姜濤雖然第一次拍戲,不過神情自然,喺預告入面仲表情多多。
姜濤雖然第一次拍戲,不過神情自然,喺預告入面仲表情多多。(圖片來源:《阿媽有咗第二個》預告截圖)

更多:毛舜筠逐一點評合作過Mirror成員 大爆姜濤是「問題少年」 Edan最有紋路

毛舜筠封姜濤為「偷拍高手」

毛舜筠毛姐接受李婉華網上電台訪問,大爆與MIRROR成員拍攝時的點滴﹗毛姐與姜濤及Jer合作《阿媽有咗第二個》,大爆姜濤最百厭,經常在片場偷拍她睡姿,所以要時刻保持警覺,試過有一次想姜濤刪除被偷拍片段而「追咗佢九條街」,笑指他的偷拍技巧高超封做「偷拍高手」。

阿媽有咗第二個 毛舜筠 毛姐大讚姜濤呢個仔好得人鍾意,但就最百厭﹗
毛姐大讚姜濤呢個仔好得人鍾意,但就最百厭﹗(圖片來源:IG@moje115)

毛姐毛舜筠又爆姜濤是「問題少年」,經常問一些假設性問題,令毛姐好懊惱,「如果唔答佢,佢會死纏住你,試過問我肯唔肯光頭拍戲?接受性感呎度程度等,真係被佢問到無力招架﹗」毛姐笑言姜濤真係好得人鍾意﹗

阿媽有咗第二個 毛舜筠 姜濤曾上載偷拍毛姐在片場瞓覺相,其後毛姐「報復」,兩母子好玩得﹗
姜濤曾上載偷拍毛姐在片場瞓覺相,其後毛姐「報復」,兩母子好玩得﹗(圖片來源:IG@keung_show)

毛姐在《阿媽有咗第二個》另一個仔阿Jer,則為人內斂比較怕醜,但其實好sweet,毛姐請助手拍下拍戲花絮,雖然Jer怕醜,但會在背後唱歌伴奏,大讚他為了揣摩角色好用心及勤力,與他相處好舒服﹗

姜濤 毛舜筠 阿Jer枊應廷在《阿媽有咗第二個》都係毛姐個仔,毛姐指因為Jer在戲中感情比較複雜而且是第一次拍戲,所以大部分時間都在鑽研劇本上﹗
阿Jer枊應廷在《阿媽有咗第二個》都係毛姐個仔,毛姐指因為Jer在戲中感情比較複雜而且是第一次拍戲,所以大部分時間都在鑽研劇本上﹗(圖片來源:IG@moje115 )
毛舜筠 毛姐與姜濤及Jer在電影《阿媽有咗第二個》合作,最近入圍大阪亞洲電影節﹗
毛姐與姜濤及Jer在電影《阿媽有咗第二個》合作,最近入圍大阪亞洲電影節﹗(圖片來源:英皇電影)

即睇姜濤阿Jer表情包:

《阿媽有咗第二個》8月11日上映:

常見問題

彭秀慧大爆姜濤為拍電影獻出什麼的第一次?

姜濤為電影《阿媽有咗第二個》獻出不同的第一次,彭秀慧曾在Facebook出post大爆內幕⋯⋯詳見:姜濤跳舞咁勁唔識踩單車

在毛姐眼中,姜濤是個怎樣的男生?

毛姐透露與姜濤拍戲期間,他是個問題少年,經常問一些…詳見:毛舜筠逐一點評合作過Mirror成員

撰文:東方新地圖片來源:《阿媽有咗第二個》先導預告截圖資料或影片來源:YouTube@英皇電影 Emperor Motion Pictures - Official

最新吃喝玩樂資訊