女神配對計劃丨29歲羅毓儀童年照出土 超清純靚樣被指撞樣呢位18歲小花

女神配對計劃丨羅毓儀超清純童年照出土

現年29歲嘅羅毓儀係圈中出曬名嘅「最強童顏」代表，嬌小嘅身形配上超童顏靚樣經常獲網民大讚。而羅毓儀於12歲時嘅舊照近日就再度被翻出，相中Yuki更對住鏡頭做V字手勢，超清純模樣與現時幾乎冇咩差別！

女神配對計劃丨羅毓儀童年照被指撞樣鍾柔美

羅毓儀嘅童年照除咗獲讚與現時冇分別之外，更有人直言Yuki嘅舊照與聲夢小花鍾柔美（Yumi）有幾分相似：「仲以為係Yumi以前嘅相」、「突然發現Yuki同Yumi有啲似樣」、「下次可以開套劇畀佢哋做兩姐妹」、「以為係孿生！」

巾幗梟雄之懸崖丨28歲羅毓儀童顏扮未成年零違和 工作人員誤以為只得12歲！

TVB台慶劇《巾幗梟雄之懸崖》播出後話題不斷，劇中除咗有視帝黎耀祥同胡定欣之外，唔少近年開始彈起嘅年輕演員都有份出演。當中由羅毓儀更飾演未成年少女，不過超童顏嘅佢就獲唔少觀眾都大讚飾演未成年角色完全零違和，就連監製都搞笑踢爆羅毓儀曾被工作人員誤以為只得12歲……

巾幗梟雄之懸崖丨羅毓儀童顏扮未成年零違和

羅毓儀在劇中飾演未成年少女澄澄，但劇中就講述羅毓儀因病生命垂危，昏迷不醒嘅佢最後由柴十七（黎耀祥飾）父親柴民意（杜燕歌飾），以家傳嘅「冰火交替浸藥秘技」盡力拯救，劇情十分緊張！羅毓儀今次飾演未成年角色就獲觀眾大讚零違和，就算拍攝劇集時已經踏入28歲，但係佢超童顏嘅外貌扮演未成年都完全冇壓力！

巾幗梟雄之懸崖丨羅毓儀被誤以為只得12歲

羅毓儀出咗名童顏，因此今次前去橫店拍攝時亦因此鬧出超爆笑嘅誤會！監製嘟嘟就爆料羅毓儀被內地工作人員誤以為只有12歲，因為大家都認定佢係小朋友，所以都對佢照顧有加同不斷讚佢可愛。而羅毓儀亦直言：「其實都幾好，咁樣我可以唔使飲酒，因為話自己未成年係冇人會懷疑。」

東張西望｜羅毓儀獲節目組邀請重返小學 學校面臨殺校忍不住淚崩

TVB 《東張西望》2023年曾報道關於黃大仙溥仁小學小一收生欠一名學生，就要面臨殺校。家長盛讚學校關顧有特殊學習需要的學童，覺得當局不近人情。身為舊生的TVB小花羅毓儀第一時間重返母校，與老師分享過往點滴。

羅毓儀小學遭殺校 《東張西望》邀重返母校憶憾事當場爆喊

黃大仙溥仁小學小一收生欠一名學生，就要面臨殺校。已畢業14年的校友羅毓儀，甫一步進昔日的校園已經話校內的感覺完全唔同晒。與老師一同看回昔日的學生照，之後又撞見曾教過她的薛Sir，被大讚當年是個乖學生，羅毓儀又透露媽咪當年曾經是家教會的一分子，更在「故事媽媽」活動上向同學們講故事，她說：「所以圖書館好有回憶，當時媽咪被同學稱呼做＂麵包超人＂。」之後她走進畢業前就讀的6C班房，她忽然感性表示：「呢到絕對唔係一間名校，只係一間屋邨學校，知道依家好多家長同埋小朋友都係有個目標，一定要入名校，我自己覺得呢一間學校係令到你嘅想法變得正確，細個都覺得成績好緊要，大個就覺得人情味，或者點樣正確面對一啲難題先至係最重要。」當提到母校若真的要面臨被殺校，最令她不捨的地方是什麼？她聽到後立即眼淚滴下來，喊著表示：「所有嘢，所以依家有啲後悔，點解自己唔多啲返嚟」。

有家長形容當局造法太絕情

有指黃大仙獻主會溥仁小學收生未達到「開班綫」要面臨殺校，而下學年獲派「0班」小一的家長對此感到意外，有家長形容當局造法太絕情，期望可以酌情處理。校長余詩慧受訪時慨指，學校曾獲得政府撥款興建新教學大樓，「原本答應了家長可以為學生提供新的學習環境，現在這願景卻被教育局停止。」她指收生只差一人就達到「開班綫」，形容當局做法不近人情，校方將會以特別視學爭取「救校」。

羅毓儀入TVB 極速上位 08年小學畢業 多次拍劇飾演學生無違和

擁有一副可愛童顏的羅毓儀（Yuki）加入無綫三年即備受力捧，繼在處境劇《愛．回家之開心速遞》飾演「路小小」而人氣急升後，去年又先後參加配音比賽節目《好聲好戲》及加盟《#後生仔傾吓偈》擔任長駐主持，挑戰「波波」黃凱儀（後改名黃婧靈）成為人氣主持地位！去年更憑《下流上車族》飾林敏驄女兒「蔓蔓」人氣急升！現實中的羅毓儀小學就讀東頭邨獻主會溥仁小學、後升讀新蒲崗可立中學，2018年7月於香港城市大學以一級榮譽成績獲得工商管理榮譽學士（商業營運管理）學位，畢業後考入無綫第30期無綫電視藝員訓練班，2021轉簽經理人合約獲力捧。