城寨英雄 爛賭發 城寨英雄-爛賭發-救世主

出現了! 城寨英雄 爛賭發 原來係終極救世主?!

影視娛樂

廣告

只要你係電視迷,相信一定晚晚追看無綫話題劇《 城寨英雄 》!今個星期的結局篇非常慘情,先有小智慘被炸死、段家牙醫診所遭滅門,接下來連花曼及龍城虎都會相繼被天干(歐瑞偉飾)殺死,搞到人晚晚都要拎住紙巾睇電視!終極Boss咁好打,眾人合力都敵唔過佢,唔通最後真係要三姨婆出手?今日就有消息指出,原來大家都勁憎的爛賭發(魏惠文飾) ,先係城寨的救世主!
文章及圖片來源:東方新地

城寨英雄 爛賭發 ?!

回到劇集初段,爛賭發因為賭輸錢而無力還債,正好惡霸夏滿(李嘉飾) 鍾情於佢女兒鑫鑫(林穎彤飾) ,所以當爛賭發知道賣女就可以抵償債務,佢竟然毫不猶豫地將女兒供手相讓給惡霸!

之後爛賭發就更冇人性,佢在賭檔被冤枉出千,所以對方威脅要打斷佢隻手以作懲戒!不過由於爛賭發左手早前已被夏滿打斷,所以佢今次為保餘下的右手,再一次出賣女兒鑫鑫!佢竟然話鑫鑫陪對方瞓幾多晚都冇問題,仲話「有得食唔食,好折墜」,實在係喪盡天良!親生爸爸竟然咁對自己,鑫鑫隨即可憐爆喊,無助的樣子實在我見猶憐!

結果大家都知,鑫鑫最後慘被輪姦至死,死在刁蘭懷內……

鑫鑫死後,爛賭發一直失蹤,大家都以為佢唔會再出場,點知佢老是常出現!劇情講到眾街坊都欠下馮春美(吳家樂飾) 一大筆賭債,於是就決定殺死拳佬(陳展鵬飾) 及牙佬(袁偉豪飾) 以抵銷債項!欠賭債又點會冇爛賭發份,佢帶住一大班街坊去到福利會追殺二人,真係令人好想問番句︰「咁多人死唔見佢死?」

劇情發展至今,大家都知道一切陰謀的幕後黑手就係化名楊老闆的殺手頭目天干!而且佢武功遠超眾人,鐵布衫刀槍不入,不但花曼及龍城虎都會死在其手,就連拳佬、牙佬、刁蘭等人合力亦未能打低佢!咁最後由邊個打敗呢個終極Boss?

依家網絡世界咁發達,大家有咩想知都會上網搵資料,而「維基百科」就係大家最常睇的網頁,尤其係以前讀書做功課的時候… 而今日維基百科竟然爆出一個驚人消息,指《城寨》大結局中天干同眾人決戰後只係受重傷,負傷離開時就被爛賭發以手杖擊斃,最後仲強調係死不瞑目!

《 城寨英雄 》中高潮連連,大家對劇中離奇劇情都見怪不怪,就好似之前有人提出三姨婆(梁舜燕飾) 先係終極Boss一樣… 不過由於維基百科的資料大多都容許用戶隨意編輯,所以今次唔排除係創意無限的網友同大家開玩笑,認真你就輸了!

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..