周嘉洛
周嘉洛

周嘉洛大起底|首次擔當男一 無綫欲力棒做馬國明第二

影視娛樂

廣告

外形唔差形象健康,有觀眾緣入晒屋,仲係最佳男友人又孝順,在無綫小生中馬國明認第二,冇 人敢認第一,不過馬明有接班人喇!最新出爐「最佳男配角」24歲的周嘉洛,憑《愛.回家之開心速遞》「金城安」一角爆冷奪獎,人氣急升行運行到落腳趾尾,雖然劇中角色是典型廢青,現實中的周嘉 洛卻是個有理想的正男(正氣暖男),似足馬明純品正直,同樣實而不華愛母至上,唔同嘅係周嘉洛冇天然呆兼且為人鬼馬多一分調皮,社交人際亦比馬明活躍。被無綫力捧成為馬明第二,真係飲得杯 落,不過千祈唔好似馬明要等足廿年先攞視帝!

即睇《痞子殿下》最新劇情劇透

周嘉洛升呢「最佳男配角」棄讀大學做TVB小生

自從升呢做「最佳男配角」,周嘉洛成為《愛.回家之開心速遞》的台柱兼吉祥物,自小已對演戲有興趣,學生時期已在香港學校戲劇節得過三次「傑出演員 獎」的他,中三之後曾到澳洲升學,後來選擇回港棄讀大學,15年加入第28期藝員訓練班,畢業後首個正式角色便是《愛·回家之八時入席》的余日潼,不過開始 為人認識是在《愛·回家之開心速遞》中飾演的金城安,貼地又搞笑的演繹吸納不少粉絲。金城安「安仔」一角,本來已是劇中金叵羅萬千寵愛,現在戲份被加重日日拍到無停手,劇集一星期播足七日,周嘉洛曝光率高企,成為當旺小生。

周嘉洛15年考入無綫藝員訓練班, 由大配角做起,憑住鬼馬演技力爭上游,成為歷年來最年輕之「最佳男配角」得獎者。
周嘉洛15年考入無綫藝員訓練班, 由大配角做起,憑住鬼馬演技力爭上游,成為歷年來最年輕之「最佳男配角」得獎者。
拍咗三年《愛.回家之開心速遞》,周嘉洛與劇中演員儼如一家人。
拍咗三年《愛.回家之開心速遞》,周嘉洛與劇中演員儼如一家人。
周嘉洛 今次攞獎為劇爭光,令他成為吉祥物,早前在宣傳活動上切蛋糕慶祝,劇中阿姨呂慧儀及蘇韻姿盡表愛錫之情。
今次攞獎為劇爭光,令他成為吉祥物,早前在宣傳活動上切蛋糕慶祝,劇中阿姨呂慧儀及蘇韻姿盡表愛錫之情。
周嘉洛甚得劇中公公劉丹歡心,攞獎後攬實丹爺好激動,今年首年派利是的他笑說:「自己唔知應唔應該派利是,多得丹爺(劉丹)提醒我,佢話攞咗獎冇理由唔派利是,自己第一年派利是,都係心意。」
周嘉洛甚得劇中公公劉丹歡心,攞獎後攬實丹爺好激動,今年首年派利是的他笑說:「自己唔知應唔應該派利是,多得丹爺(劉丹)提醒我,佢話攞咗獎冇理由唔派利是,自己第一年派利是,都係心意。」

《痞子殿下》周嘉洛首擔男一 與陳瀅演歡喜冤家

周嘉洛憑藉處境劇《愛.回家之開心速遞》金城安一角成功入屋,累積了不少人氣及觀眾緣,2019年更勇奪「最佳男配角」的獎項,成為歷年來最年輕的得獎者。今次他首次擔任男主角,飾演百勝國四皇子,角色更加入了體弱哮喘的設定,喜感十足,周嘉洛一向以搞笑見稱,形象貼地且趣怪!與陳瀅和JW王灝兒有感情線!

周嘉洛 周嘉洛被指與陳瀅拍攝《痞子殿下》扮演失憶夫妻擦出愛火花,在片場二人亦不避嫌﹗
周嘉洛被指與陳瀅拍攝《痞子殿下》扮演失憶夫妻擦出愛火花,在片場二人亦不避嫌﹗
周嘉洛 陳瀅、JW都是首次拍攝古裝劇,陳瀅更是首次擔任電視劇女一。
陳瀅、JW都是首次拍攝古裝劇,陳瀅更是首次擔任電視劇女一。

更多:痞子殿下 │ 無綫古裝劇縮皮年產一部 網民嚴選10大經典 邊齣No.1 ?

高層點名要力捧 被讚乖仔似馬明

劇中的周嘉洛被定型是家中的裙腳仔、廢青,與他現實生活中的性格大不同,有指周嘉洛似足初出道的馬明,為人正面樸實,與台前幕後都保持非常好的關係,難怪被劇中阿媽滕麗名、公公劉丹及兩個阿姨(呂慧儀及蘇韻姿)錫到燶,鏡頭前後都似足一家人,雖然有指周嘉洛攞獎後被批評未夠資格,但他早已被高層點名是可造之材要力捧。知情者透露:「當家小生買少見少,個個紅咗彈起就有離心,嘉洛個底夠乾淨,似足馬明,一入行就簽無綫,咁快畀獎佢除咗因為套劇受歡迎之外,公司都要捧新血上位,揀都揀啲聽教聽話有潛質,嘉洛形象正面,仲被指有星爺影子,觀眾一定受落,佢同馬明一樣唔係行靚仔路線,有演技同入屋就得啦!」

出道五年,周嘉洛出道初期演出機會唔算特別多,但 17年就執到支好籌加入《愛.回家》大家庭。
出道五年,周嘉洛出道初期演出機會唔算特別多,但 17年就執到支好籌加入《愛.回家》大家庭。

常見問題

周嘉洛被爆背蘇韻姿嗒陳瀅 ?

在拍攝《痞子殿下》期間,周嘉洛被指與陳瀅戲假情,二人更有洩蜜鐵證流出⋯⋯按此看詳情

周嘉洛曾經被劉丹爆出地下戀情?

無綫綜藝《大整蠱》曾經以「安仔」周嘉洛作目標,熊家眾成員合謀出招,仲夾埋高層珍姐!期間劉丹不慎爆出蘇韻姿、周嘉洛的戀情⋯⋯按此看詳情

撰文:東方新地圖片來源:東方新地

最新吃喝玩樂資訊