吳千語
吳千語

吳千語現身名流聚會零違和感 成功綁實富三代男友撇甩公屋味

影視娛樂

廣告

29歲的吳千語(Karena)向來氣質非凡,早排仲俾內地網民封為「高級貨色」。自從吳千語同林峯的5年感情玩完後,就極速踏上百億富三代施柏雄(Brian),兩人感情極之穩定,最近疑似傳出兩人拉埋天窗,不過吳千語就堅決否認消息。不過就算未結婚,吳千語已經過住上流嘅名媛生活,仲被捕獲現身富豪聚會…

吳千語 二人感情穩定,施伯雄更一反常態在其個人微博上載合照放閃。
早前施柏雄曾經放閃認證吳千語地位,睇嚟佢氹得男友好鬼開心!(圖片來源:微博@施伯熊哥哥)
吳千語 這一錫,完全能感受到施伯雄很寵愛吳千語。
這一錫,完全能感受到施伯雄很寵愛吳千語。(圖片來源:微博@施伯熊哥哥)

上流港女吳千語現身富豪聚會 來賓極具勢頭

吳千語現任男友施柏雄非常疊水,係內地著名的百億富三代!吳千語經常都在IG分享奢華生活,最近仲被發現同男友一齊參加富豪聚會,同枱嘅來賓背景非常架勢,分別有:名媛馮余慕莊、富德集團公子Edwin Pun、佳士得美術學院亞太區總監毛國靖等。雖然消息指吳千語出身自公屋,家境平凡,但拍埋一堆名媛絕對唔失禮。當日吳千語儀態萬千,身穿露膊黑色晚禮服,合照中企正中間,表現淡定,望落完全唔似同班名流有違和感,一副貴格少奶奶樣子。

吳千語 吳千語合照中企正中間,表現淡定!
吳千語合照中企正中間,表現淡定!(圖片來源:IG@anina_ho)
吳千語
(圖片來源:IG@anina_ho)
吳千語
(圖片來源:IG@anina_ho)
吳千語 吳千語一副貴格少奶奶樣!
吳千語一副貴格少奶奶樣!(圖片來源:IG@edwinpun)

吳千語堅決否認同富豪男友拉埋天窗

網民經常話吳千語一副恨嫁樣,早前就有消息指吳千語「生米煮成熟飯」,成功同男朋友拉埋天窗。但佢出席品牌活動時,就堅決指自己冇計劃結婚,仲話如果結婚一定會公告天下。

吳千語 出席朋友的婚禮,吳千語和施伯雄當然都要攬腰合照晒一晒幸福。 

吳千語堅決否認升呢變富豪老婆! (圖片來源:微博@施伯熊哥哥)
吳千語 吳千語和施伯雄雙雙出遊愛不停放閃。
(圖片來源:微博@施伯熊哥哥)

網民大讚29歲吳千語屬高級貨

吳千語向來在內地素有知名度。早前就有內地網民於社交媒體提起吳千語,出post以「我心目中港女就是吳千語這樣的」為題,提及29歲的吳千語性格相當好,除了有自信之外,更大方得體,性格隨性自然,直指吳千語係個好女仔。除了性格之外,網民亦指吳千語的衣著打扮十分時尚,更用「精緻漂亮」去形容。網民又指吳千語擁有一種「高級感」及「鬆馳感」(泛指Chill),又指吳千語熱愛生活。直言吳千語絕對係一個「好港女」。

吳千語 內地網民提及29歲的吳千語性格相當好。
內地網民提及29歲的吳千語性格相當好。(圖片來源:IG@karena_ngs)
吳千語 網民指吳千語係個好女仔。
網民指吳千語係個好女仔。(圖片來源:IG@karena_ngs)
吳千語 吳千語的打扮十分時尚。
吳千語的打扮十分時尚。(圖片來源:IG@karena_ngs)
吳千語 網民指吳千語有一種「高級感」。
網民指吳千語有一種「高級感」。(圖片來源:IG@karena_ngs)

傳吳千語公屋出身老竇街市斬叉燒 阿媽盼其嫁豪門

雖然吳千語望落去貴格,但有消息指其出身平凡,只係來自公屋,而且父親職業寒微,負責喺沙角邨街市斬叉燒,母親就係普通家庭主婦。但吳千語的母親期盼女兒加入豪門,有指從小就教導吳千語要躋身上流社會,因此吳千語16歲入行後,已經黐實富二代蒲夜店。

吳千語向來在內地素有知名度。
吳千語今日望落周身貴格,但以前出身公屋。(圖片來源:IG@karena_ngs)
內地有網民提起吳千語是香港女性中的榜樣。
(圖片來源:IG@karena_ngs)

節目大爆如何揀筍盤

吳千語曾於網台Chillgood在YouTube上架的節目《絲打圍爐》,罕有地公開講起富男友施伯雄,更在節目大方分享如何收服男人的心得,當談到點揀個筍盤,吳千語如貫例出一堆論點,如「男仔要心地好、質地要好、對事業有熱誠、責任心、要陽光熱愛生活外表大方得體」更以「有投資潛力的」來形容筍盤男友,她表示好鍾意一種男仔是「9點返工,8點會起身做運動,多數呢啲會係成功人士!因為好自律!」極度目標性的言論,引來網民指「拜金格現晒形」、「一睇就知從細鋪路」、「釣金龜」等等。

吳千語 吳千語列出心目中的筍盤check list!
吳千語列出心目中的筍盤check list!(圖片來源:絲打圍爐截圖)
吳千語 更將此等男生形容為「有投資潛力的股票」。
更將此等男生形容為「有投資潛力的股票」。(圖片來源:絲打圍爐截圖)

吳千語為自己留定後路

談到女士要隨時裝備好自己,吳千語不經意謂:「係,興趣愛好,令自己自信心更強,and then再加少少外表嘅提外,咁就完美!」而吳千語表示自己極少撒嬌,更即場示範講疊字扮cute,但粗聲粗氣完全唔符合嬌嬌女性格,亦稱在一段關係內,大多扮演的角色「似男人多啲、理性多啲,實質功能,可能安排好所有嘢」。最後又表示怕做藝人條路壽命有限,所以從唔同的朋友中學習不同技能,如服裝銷售、紅酒智識等,隨時ready。

吳千語 教蝦頭或單身女士先要擴闊自己社交圈子。
教蝦頭或單身女士先要擴闊自己社交圈子。(圖片來源:絲打圍爐截圖)

吳千語當年撻着林峯 生活升級奢華享受

雖然吳千語出身平凡,但當年拍着林峯之後,生活質素完全Level up,住豪宅、揸跑車,而且周身名牌有Hermes,望落去身光頸靚,完全就好似名媛一樣。不過兩人感情玩完之後,吳千語撻着施柏雄就開始變得低調,穿着非常樸素,就算搭飛機都係經濟艙,一副修心養性好老婆的樣子。

吳千語 吳千語無上限購物當年是指定動作,年紀輕輕已孭住Hermes名牌手袋,港女恨到流晒口水。
吳千語無上限購物當年是指定動作,年紀輕輕已孭住Hermes名牌手袋,港女恨到流晒口水。(圖片來源:東方新地資料庫)
吳千語 峯語熱戀時,曾一個月內三次拍拖遊埠,足跡遍布東京、沖繩、米蘭、洛杉磯等地,就算在香港出入都有司機,坐飛機例必坐頭等。
峯語熱戀時,曾一個月內三次拍拖遊埠,足跡遍布東京、沖繩、米蘭、洛杉磯等地,就算在香港出入都有司機,坐飛機例必坐頭等。(圖片來源:東方新地資料庫)
吳千語 當時工作量唔多的吳千語,是中環名店常客,每每獲得店員為她開門、搬貨的熟客仔指定服務。
當時工作量唔多的吳千語,是中環名店常客,每每獲得店員為她開門、搬貨的熟客仔指定服務。 (圖片來源:東方新地資料庫)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@anina_ho、IG@edwinpun、微博@施伯熊哥哥、IG@karena_ngs、東方新地資料庫資料或影片來源:原文刊於東方新地