叱咤2023 商台dj
叱咤2023 商台dj

叱咤2023|商台DJ楊樂笙出post問網民投尹光原因 連知名人士都有留言

影視娛樂

廣告

叱咤樂壇流行榜頒獎典禮2023(叱咤2023)的我最喜愛男歌手投票進行得如火如荼,今年除了有大家熟悉的張敬軒及MIRROR三子(盧瀚霆、陳卓賢、姜濤)外,更有黑馬尹光!勢如破竹嘅尹光仲成功殺入最後5強,引起網民的熱議。而商台DJ楊樂笙日前就在社交平台出post,好奇大家投尹光嘅原因……

叱咤2023 商台dj
(圖片來源:Facebook@楊樂笙)

網民投尹光原因:真唱、夠氣、不走音

商台DJ楊樂笙在社交平台發文:「認真一問,真心想知,你係因為咩原因而投尹光?」,隨即引來大批網民留言,當中意見十分兩極!有網民認為:「因為佢真唱,夠氣,不走音,不甩咀,咬字清晰,同埋我覺得佢唱歌好好聽」、「純粹想個頒奬禮夠爆,有娛樂性,好睇….」、「光B會用作品說話」、「因為香港樂壇欠佢一個男歌手獎」。

而亦有不少網民表示投尹光多數是「玩嘢」行為:「因為依家啲香港人鍾意人云亦云,人哋講乜就跟風去做,唔用腦諗,以為好幽默,其實自己玩爛自己的權利」、「為乜要將個樂壇拖到去鬼五馬六嘅level」、「好老實答你,連登,大台粉絲,全面反鏡,反姜濤,所以投尹光」、「楊生,你的同事們有份吹捧的」。

叱咤2023 商台dj 楊樂笙以「真心想知」去問網民投選尹光的原因。
楊樂笙以「真心想知」去問網民投選尹光的原因。(圖片來源:YouTube@商業電台)
叱咤2023 商台dj 網民的意見十分兩極,有人認為樂壇欠尹光一個男歌手獎。
網民的意見十分兩極,有人認為樂壇欠尹光一個男歌手獎。(圖片來源:Facebook@尹光 Wan Kwong)
叱咤2023 商台dj 亦有不少網民認為投尹光只是跟風同反鏡的行為。
亦有不少網民認為投尹光只是跟風同反鏡的行為。(圖片來源:Facebook@尹光 Wan Kwong)

楊樂笙帖文引各界KOL留言

而楊樂笙的post除了引來大批網民留言外,亦有不少知名人士留言,當中包括Now Sports的足球評述員方栢翹、YouTuber大J、前TVB新聞主播姚雋彥等。方栢翹表示:「因為比佢首新歌Dear Myself感動到,佩服佢與時並進嘅魄力」,大J更稱:「近期一首Dear Myself係我人生第一首聽到流眼淚嘅廣東歌。相信好多人都係。就算唔係男歌手獎,什麼年度最佳金曲之類都唔過份。」,而姚雋彥則只表示:「Because I am his fan」。

叱咤2023 商台dj Now Sports的足球評述員方栢翹都有留言。
Now Sports的足球評述員方栢翹都有留言。(圖片來源:Facebook@楊樂笙)
叱咤2023 商台dj YouTuber大J表示自己被尹光的歌所感動。
YouTuber大J表示自己被尹光的歌所感動。(圖片來源:Facebook@楊樂笙)
叱咤2023 商台dj 前TVB新聞主播姚雋彥只留下一句自己是尹光的fans。
前TVB新聞主播姚雋彥只留下一句自己是尹光的fans。(圖片來源:Facebook@楊樂笙)

叱咤5強2023|我最喜愛男歌手最後五強誕生!尹光強勢打敗MC (不斷更新)

叱咤2023男歌手5強|《2023年度叱咤樂壇流行榜頒獎典禮》即將於2024年1月1日晚上7點在亞洲國際博覽館舉行,本屆主題口號定為「多謝你唱我」,以一大片樹木森林為設計主題。本年度之「我最喜愛的男、女歌手、組合、歌曲」第二階段網上投票已於11月20日中午12時正式開始,進入最後階段投票,「我最喜愛男歌手」最後5強即將於11月24日中午12時正式誕生!

即睇《叱咤2023》投票及門票換領方法 叱咤樂壇我最喜愛的女歌手入圍名單 叱咤樂壇我最喜愛的組合入圍名單
叱咤2023 商台dj 叱咤2023 頒獎禮 叱咤 頒獎禮 真係好熱鬧!
今年《叱咤樂壇》真係好熱鬧!(圖片來源:[email protected] 商業電台)

姜濤獲商台DJ發文打氣 批評網民即被洗版

MIRROR成員姜濤早前在叱咤頒獎典禮的表演惹來網民熱議,不少網民都批評他暴走落台兼亂咁嗌之餘,在養傷期間未有好好管理自己身形。早前除了有杜汶澤隔空安慰姜濤之餘,電台DJ楊樂笙亦有發文為姜濤打氣,批評網民的留言「似係想佢(姜濤)死,多過想佢進步」。

DJ楊樂笙發文批評網民惡評轟炸姜濤

叱咤頒獎典禮後,一度成為網民箭靶的姜濤連日受到網民攻擊。近日才有藝人隔空為姜濤發聲打氣,DJ楊樂笙亦發文批評網民的評論沒有建設性:「我感覺而家去到一個程度似係想佢死,多過想佢進步。」除此之外,楊樂笙亦表示難以想象年紀輕輕的姜濤現正在承受的壓力:「姜濤只係23歲,經歷爸爸重病、摯友逝世、演唱會意外,我好難想像佢面對緊咩壓力。」

叱咤2023 商台dj 姜濤 dj楊樂笙 姜濤 姜濤腳傷後在叱咤頒獎典禮上首度露面,其後一直被網民批評佢暴走落台兼亂咁嗌!
姜濤腳傷後在叱咤頒獎典禮上首度露面,其後一直被網民批評佢暴走落台兼亂咁嗌!(圖片來源:my903)

大讚姜濤「忘我投入」寄語姜濤無視抽水留言

楊樂笙亦向姜濤寄語,認為接受大眾的批評是成為天王巨星的必經過程:「做得公眾人物,就總會有人批評你,通常得兩個方法應付,一係內心夠強大完全當透明,一係令自己水平提升,令人收口,要成為天王巨星,呢個係必經階段。但對於係無聊、抽水或者不安好心嘅說話,我真係唔會理。」他亦大讚姜濤是個忘我投入的人,希望他能變得越來越成熟:「我感覺姜濤係一個好忘我投入嘅人,就連玩遊戲佢都係咁,呢種人唔會識停,好容易受傷,身心都係,希望隨住越嚟越成熟,佢會識得收放。」

叱咤2023 商台dj 姜濤 dj楊樂笙 姜濤 楊樂笙大讚姜濤「忘我投入」的人,希望他能夠越來越成熟,慢慢學會收放!
楊樂笙大讚姜濤「忘我投入」的人,希望他能夠越來越成熟,慢慢學會收放!(圖片來源:my903)

DJ楊樂笙FB全文:

我同意嘅,𠮟咤當晚姜濤表現係唔夠好,身心狀態都要改善,有批評亦都好正常
但係我感覺而家去到一個程度似係想佢死,多過想佢進步
仲記得幾年前,好多香港人都話要支持年輕人,姜濤只係23歲,經歷爸爸重病、摯友逝世、演唱會意外,我好難想像佢面對緊咩壓力,你話如果佢今年30都仲係咁就抵鬧姐,對年輕人我覺得係真係要比時間,諗返我自己23歲嘅時候都仲係一舊飯,唔知自己做緊乜
其實不論咩年代咩地方,做得公眾人物,就總會有人批評你,通常得兩個方法應付,一係內心夠強大完全當透明,一係令自己水平提升,令人收口,要成為天王巨星,呢個係必經階段
我好細個已經明白一個道理:
「無人可以贏到全世界掌聲」
批評要聽,但對於係無聊、抽水或者不安好心嘅說話,我真係唔會理,對姜濤來講,識得揀批評去聽,可能都係一個要學習嘅地方
同埋我感覺姜濤係一個好忘我投入嘅人,就連玩遊戲佢都係咁,呢種人唔會識停,好容易受傷,身心都係,希望隨住越嚟越成熟,佢會識得收放

叱咤2023 商台dj 姜濤 dj楊樂笙 姜濤 商台DJ楊樂笙早前在社交平台上發文支持姜濤,認為網民嘅批評太過火:「我感覺而家去到一個程度似係想佢死,多過想佢進步。」
商台DJ楊樂笙早前在社交平台上發文支持姜濤,認為網民嘅批評太過火:「我感覺而家去到一個程度似係想佢死,多過想佢進步。」(圖片來源:Youtube@商業電台 Hong Kong Toolbar)

姜濤粉絲留言感激楊樂笙 有網民唔buy叫姜濤退休

楊樂笙社交平台嘅發文一出街,即刻引來姜濤粉絲們洗版式留言感激他為姜濤發聲,同時亦有不少中立的網民留言表示覺得大眾對姜濤太苛刻:「謝謝你的中肯評論! Haters 很惡毒令人心寒。人性為何如此醜陋。」、「姜濤係一位會自我反思嘅年輕人,深信佢會遇强愈强。」「多謝你,其實善意嘅批評,姜/糖都會接受,樂意改善!但而家明顯為攻擊而攻擊,完全無意思嘅」等。亦有網民唔buy:「大家都係講事實,連事實都接受唔到,姜濤真係要提早退休!」

叱咤2023 商台dj 姜濤 dj楊樂笙 姜濤
(圖片來源:網民留言截圖)
叱咤2023 商台dj 姜濤 dj楊樂笙 姜濤
(圖片來源:網民留言截圖)
叱咤2023 商台dj 姜濤 dj楊樂笙 姜濤
(圖片來源:網民留言截圖)
叱咤2023 商台dj 姜濤 dj楊樂笙 有網民坦言若姜濤接受唔到批評,不如退休。
有網民坦言若姜濤接受唔到批評,不如退休。(圖片來源:fb@新假期Jetso留言區)

叱咤樂壇流行榜頒獎典禮2023|我最喜愛男歌手5強

投票走勢速報,尹光始乎未受疑抽林明禎水事件影響,仍在7強之列,勁!相反,有兩位鏡仔柳應廷同江𤒹生成為「炮灰」。「叱咤樂壇我最喜愛的男歌手」 5強正式誕生 (截至今日中午12時,排名依筆劃序)︰尹光、姜濤、Ian陳卓賢、張敬軒、Anson Lo盧瀚霆

暫時出局:

林家謙、Jer柳應廷、AK江𤒹生、Edan呂爵安、MC張天賦

叱咤2023 商台dj 叱咤 「叱咤樂壇我最喜愛的男歌手」 5強正式誕生
「叱咤樂壇我最喜愛的男歌手」 5強正式誕生(圖片來源:IG@cr881903)

叱咤2023|連登仔呼籲全世界投尹光力撼MIRROR

近幾年MIRROR橫掃叱咤多個獎項,「我最喜愛的男歌手」更淪為姜濤及Anson Lo之爭。近日有網民以「我呼籲全世界票投尹光!」為題開post,叫大家一齊出招大戰鏡粉。此post一出已經引起各方表示支持,更以3大理由表示一定要支持尹光:1:《Dear myself》真係好好聽好有意思;2:古天樂都得,尹光更加有資格;3:連AI都玩埋最潮係佢。網民紛紛留言:「《Dear myself》成首歌個概念同背後個意義有意思過好多歌」、「當年古天樂都係咁拎獎啦,尹光更加有資格」、「人地連AI都玩埋,完全唔老土」。

叱咤2023 商台dj 連登仔 鏡粉 叱咤2023
(圖片來源:叱咤投票站網頁)
叱咤2023 商台dj 連登仔 鏡粉 叱咤2023 尹光 尹光一出場就超搞鬼。
尹光早前搞《尹光Wan K.宇宙巡邏演唱會》(圖片來源:東方新地)

叱咤2023|網民:只有MC先可以打低MIRROR!

不過都有網民覺得應該投MC張天賦,指MC才是最有機會打低MIRROR的人,不認同吹奏尹光的講法:「條友啲唱腔咁老土都吹奏,我投返MC算,起碼fxxkboy樣幾潮唱歌又好聽」、「走去投尹光呢啲口水歌歌手,咪又係玩爛香港樂壇,講得出投尹光你本身都唔在乎樂壇會點發展啦係咪」、「投MC先有機會打抵姜B,忍痛棄光B,全家投MC」。亦有網民叫大家繼續投姜濤,指姜濤感言好重花生好好睇:「其實識玩一定投姜,想睇多次佢發台瘟!」

叱咤2023 商台dj 連登仔 鏡粉 叱咤2023
(圖片來源:ig@cr881903)

更多:叱咤2023|網民唔想再係MIRROR圍威喂攞獎 呼籲投票給尹光爭最喜愛男歌手

叱咤樂壇流行榜頒獎典禮2023|「我最喜愛的」投票走勢!

本年度之「我最喜愛的男、女歌手、組合、歌曲」獎項會經由903會員透過官方網站進行投票,一共分為五個階段進行,最終結果一如以往會在頒獎典禮上現場公佈。

「叱咤樂壇我最喜愛的男、女歌手、組合」投票

第一階段(2023年11月13日中午12時至11月17日中午12時)

從2022年度第47週至2023年度第47週903專業推介所有新上榜主唱之男、女歌手、組合中選出最後十強,進入第二階段投票。

第二階段(2023年11月20日中午12時至11月24日中午12時)

從各組別最後十強中選出最後五強,進入最後階段投票。

最後階段(2023年11月27日中午12時至12月1日中午12時)

從各組別最後五強中直接選出,獎項結果將於頒獎禮公佈。

「叱咤樂壇我最喜愛的歌曲大獎」投票

第一階段(2023年12月11日中午12時至12月15日中午12時)

從2022年度第51週至2023年度第51週903專業推介所有新上榜歌曲(截止第45周,暫共244首,不計remix版)選出最後十強,進入第二階段投票。

第二階段(2023年12月18日中午12時至12月22日中午12時)

從最後十強歌曲中選出最後五強。

最後階段(2024年1月1日晚上)

在頒獎典禮當晚由現場觀眾即場投票選出得獎歌曲。

叱咤樂壇流行榜頒獎典禮2023|投票方法

投票系統更新 唔認證冇票投

在當日記招完結前,DJ謝茜嘉特別提及新的投票機制,並提醒已經登記過903會員的歌迷需要重新認證電話號碼,以方便即將開始的投票!另一方面,有網友發現今年投票方式與過去不同,表示:「叱咤903更新系統!投票需重新認證手機號碼!未實名嘅太空卡sss…宣告失效?」意味例如《叱咤樂壇我最喜愛的歌曲大獎》的「大獎」改以實名投票進行。

不少網民紛紛留言:「Mirror終於玩完了」、「返個獎比林家謙」、「搵KK園幫手」、「本身持有超過100個number嘅粉絲表示⋯⋯」等等。

投票連結

叱咤2023 商台dj 叱咤2023 頒獎禮 叱咤 頒獎禮 所有用戶必須完成電話認證才能投票!
所有用戶必須完成電話認證才能投票!(圖片來源:網上圖片)
叱咤2023 商台dj 叱咤2023 頒獎禮 叱咤 頒獎禮 即使是已經認證過的電話號碼,今次投票仍然需要重新認證。
即使是已經認證過的電話號碼,今次投票仍然需要重新認證。(圖片來源:網上圖片)

陳蕾、MC 張天賦、洪嘉豪 訪問| 2023年度叱咤樂壇流行榜頒獎典禮 記者招待會

MIRROR 訪問| 2023年度叱咤樂壇流行榜頒獎典禮 記者招待會

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:Facebook@楊樂笙、Facebook@尹光 Wan Kwong