可嵐
可嵐

可嵐360秒人生課堂| 歌手出身選擇做單親媽媽 風波後與丈夫同枱食飯

影視娛樂

廣告

36歲歌手可嵐現身《360秒人生課堂》,當年報稱喺結婚之後與丈夫關係欠佳,終於決定一個人帶仔仔離開,但經濟壓力大,搵朋友哭訴都被講中死穴,最後點樣「為母則剛」開始新生活?

歌手可嵐選擇做單親媽媽 為養大兒子兼7職

不少女生憧憬着組織幸福家庭,現年36歲的歌手可嵐原名劉珏琳,08年出道、10年中秋節與圈外人結婚、11年4月成為母親、14年被傳媒爆出家庭風波;幸獲好友當頭棒喝,踏出自力更生之路。可嵐曾為生計身兼七職,兒子成為唯一的支柱和原動力,每年一首派台歌也是她的寄託。7年過去,可嵐終尋回自我,開展精彩的人生下半場。

可嵐 360秒人生課堂 單親媽媽 plt 可嵐 360秒人生課堂
歌手可嵐喺結婚後與丈夫生活不愉快,終於決定一個人帶仔仔離開,但經濟壓力大,搵朋友哭訴都被講中死穴,最後點樣「為母則剛」開始新生活?(圖片來源:TVB.com)

家庭風波後與丈夫同枱食飯 親自回應唔係「大龍鳳」

14年7月爆出家庭風波的歌手可嵐(Colleen),揭發過去四年,丈夫尤子威一直對她動.粗,從她公開的聲帶中,清楚聽到尤子威用粗言穢語謾罵她。14年4月,Colleen懷有第二胎,但被丈夫迫.墮.胎,忍無可忍之下, Colleen決定離婚,帶同3歲兒子Eugene搬出。不過一個月後,一家三口被影到同枱食飯,被質疑是「大龍鳳」,Colleen解釋,自事件曝光後,兩人關係反而緩和:

「佢聽番啲聲帶都覺得自己做錯咗,事件發生後大家冷靜落嚟,佢第一次同我道歉,我哋先開始講番嘢。」

為了兒子,一家三口開始每星期見面,溝通多了,關係逐步改善, 丈夫更主動要求復合, 安排婚姻輔導, 盡力挽救婚姻,Colleen決定暫緩離婚程序,給予兩人最後一次機會。

可嵐 360秒人生課堂 單親媽媽 plt c2
為了兒子健康成長,Colleen 重新接受丈夫尤子威,每星期一家三口都會見面一次,希望彼此能夠破鏡重圓,修補婚姻。

可嵐唔係發明星夢嘅少女,未做歌手前都有正職,但最後都辭咗,尋找自己歌手夢,即使家人反對,爸爸重話過佢:「全香港得一個容祖兒咋,你可以做到第二個咩?」但佢係都要做歌手,更加修讀同娛樂圈有關嘅廣告新聞系,可嵐要話俾大家知,佢唔係要做容祖兒,而係要做番自己。

雖然佢個樣似葉佩雯,但佢希望用「可嵐」呢個名闖出名堂,而唔係話佢個樣或唱腔似呢個或者嗰個。可嵐係JoeyTang嘅徒弟,有8年武術底子嘅佢,初入行時最希望同甄子丹合作拍電影,實行歌、影、視發展。

可嵐 360秒人生課堂 2008年可嵐參加完多個比賽之後,自薦搵經理人,再由經理人推薦俾唱片公司而入行。
2008年可嵐參加完多個比賽之後,自薦搵經理人,再由經理人推薦俾唱片公司而入行。(圖片來源: 新傳媒資料室)

被迫墮胎留陰影

一場家庭風波,Colleen以為兩人從此玩完,想不到老公回頭是岸,彼此檢視了過錯,Colleen說:「佢發覺自己脾氣差,好易嬲,而我哋兩個都係敏感型嘅人,我可能有事覺得唔開心,個樣會好cool,佢一見到我好cool,即刻知道我唔開心,佢就仲忟憎,因為佢唔知點樣處理我嘅唔開心。女人唔開心想有人安撫,你冇安撫我反而繼續嬲,咪經常咁樣嘈交。」

14年四月,Colleen發現懷有第二胎,丈夫以經濟問題要求墮胎,強硬要求「你要落咗佢!」手術當日丈夫沒慰問,埋單後更以趕時間為由急急離去,當時Colleen對他死心,但近月兩人再溝通後,發現丈夫已感後悔,她無奈道:「佢講番係因為養唔起,餐廳當時開咗分店,以為會好生意,點知比預期中差,蝕好多,所以佢好驚。」Colleen聞言更感傷心,認為錢的問題總有方法解決,懊惱丈夫沒一早坦白,「佢性格比較大男人,唔想將呢啲問題講我聽,點解要自己一個人孭呢?我都可以出去做嘢搵錢,或者慳啲使囉,我相信總有辦法解決。我同佢講,其實我受好大傷害,嗰條始終係生命。」

Colleen的身體慢慢復元,繼續中港兩邊飛,在大陸登台、做旅遊小姐評審、飲食活動、在北京傳媒大學修讀碩士課程,在港又教咖啡班,瓣數多增加收入。「間中都會補吓身,不過比較懶,最近都好忙。有時聽到身邊朋友流產,都覺得生命係一個安排,唔係所有小生命都誕生到,自己整補品都會分埋俾朋友食。」最後結果是離婚還是復合,仍是未知之數,Colleen仍憧憬再懷下一胎,「最好係我老公㖭,如果我哋關係好到一個程度⋯⋯」

可嵐 360秒人生課堂 單親媽媽 plt COLLEE
兩母子每晚睡前有親子閱讀時間,Colleen 指兒子聽書很專注,「佢背書好叻,我唔係買好多書,佢鍾意一本書叫你不斷重覆,一晚可以讀十次,到我讀第八次, 佢已經識背番晒出嚟。」

曾經叫停離婚 接受婚姻輔導

兩人現階段分開住,處於冷靜期,有空間思考過失,他們亦各自返教會,得到教友們的開解,最重要是大家發覺仍深愛對方,「咁大家先會下決心去改,如果大家繼續改進,無論我哋之後係咪一齊都好,大家學識相處,小朋友見到都會開心啲。」Colleen由原本決絕分開,到現在軟化下來,對修補婚姻抱有一絲希望。

丈夫主動提出參加教會婚姻輔導,為期11星期,Colleen決定上完堂再作決定,「我好開心,都想大家好,我既然嫁得俾呢個老公,都想幸福㗎嘛,我覺得浪子回頭係最珍貴,唔好話佢真係浪子,但如果喺過程當中,我又可以改善自己都好,唔想重蹈覆轍。其實離婚早定遲早一樣,既然佢有心改進,我當然願意等埋呢三個月,如果都係相處唔來,我再進行離婚,起碼我有嘗試去改善。」

可嵐 360秒人生課堂 單親媽媽 plt C4
兩父子分開住,但尤子威沒忽略教導兒子一些「男人事」,例如去廁所,比太太教有效得多。

糾纏兩年 2018年終解決離婚

由2014年爆出家庭糾紛,到2018年成功爭取撫養權,可嵐同前夫終於選擇調解,唔需要鬧上法庭,囝囝撫養權歸女方,前夫會負責養囝囝嘅開支。可嵐曾說這結局是「雙贏」,曾在採訪中提及與前夫「再見亦是朋友」。

到訪Roy Yu家沒異樣

當年Colleen嘗試與丈夫積極改善關係之際,輪到好友周永恒(Roy)和趙頌茹(Yu )出事,她當初得知事件亦感難以置信,並透露Yu曾向她訴苦,「我出事之後, 佢哋不斷鼓勵我、開解我,輪到佢哋屋企有事,我就同老公關係改善中。我同阿Yu講,千祈唔好放棄,雖然周永恒有犯錯,但我相信你哋都會好起來,大家都需要時間空間,你依家最緊要處理好心情,我會大力為你哋代禱。」

Colleen出事後,曾與囝囝到訪他們家中,沒發覺異樣,「反而上去見到佢哋一家四口,我仲心頭一酸,好羨慕佢哋,小朋友有爸爸錫。所以之後阿Yu同我講呢件事,我都好訝異,係咪真㗎?唔係啩?」Colleen指近來再沒聯絡Yu,不欲打擾她,「佢依家有太多傳媒追訪,唔方便聯絡,我哋需要俾佢安靜,當你聽到太多意見,教你點做,你自己會好亂,到夜晚自己一個人時,你只會重溫人哋講嘅嘢,心情會好難過。」

可嵐 360秒人生課堂 單親媽媽 plt C3
Eugene主要用英文溝通,因早兩年報N班時,為應付面試而先操英文, 升上K1後,Colleen 首要為他惡補中文,「俾佢多啲同鄰居小朋友玩,講多啲中文。」

兒子K1開學被指粗魯

Colleen一邊處理夫妻關係,一邊睇實囝囝Eugene的K1生活,開學不久的他就讀萊恩幼稚園(元朗),非常適應學校生活,「佢讀過pre-nursery,一早適應咗,14年上K1佢完全冇喊過,知道有新朋友同佢玩。」原本Eugene在九龍區讀pre-nursery,但兩母子搬到元朗生活,要重新找學校,「呢間國際學校喺元朗區口碑唔錯,我個仔唔識講中文,同埋佢兔年出生率好爆,所以呢區都好難搵學校。」

未知是否有家庭風波陰影,初期老師指Eugene較粗魯,但經輔導後已有改進,Colleen說:「可能少少關係啦,但我諗最主要係佢學巴西柔術,係一種武術,好似柔道咁互撻,技術有關節技等等。佢每星期上兩堂,同學多數係日本人,呢種武術係日本傳統文化(起源日本,再傳入巴西發揚光大),可能招數好貼身推撞,佢就帶咗返學校。」

可嵐 360秒人生課堂 單親媽媽 plt C5
Eugene喜歡畫畫,最喜歡拿這塊畫板發揮小創意,這幅畫是送給媽媽的。

影響兒子情緒化

父母間的衝突,Eugene一直感受到,經常向媽媽問起爸爸的去向,Colleen愧疚道:「我同老公啱啱分開時,有個幾月冇見面,佢不停問我爸爸喺邊,我就答佢爸爸忙緊工作,佢會繼續追問: Is daddy in the restaurant? Whydon’t daddy go home? 我答He is in his home,佢就話Here ishis home!我都唔知點答⋯⋯呢段時間佢都幾情緒化,久唔久會嗌,扭計多咗。」幸好現在父母關係改善,Eugene的情緒亦穩定下來,對小朋友成長來說,父母能夠破鏡重圓,總比單親環境好,希望11個星期的婚姻輔導後,能收到更好消息。

2014年採訪:Sunday Kiss Vol.180

撰文:Ling 攝影:黃大立( 部分相片由受訪者提供)
化妝:MOD 髮型:Alexx [email protected]’s Private i
服裝: [email protected] Zone,Sherry & Jayden
指甲: [email protected] Expert Pro 場地:甲子A Kids(tel: 2394 2933)

常見問題

可嵐與丈夫離婚了嗎?

可嵐坦言是丈夫主動求復合,不過雙方都有共識⋯⋯詳情請看

可嵐當年為何被迫墮胎?

可嵐經歷家暴風波後,再與丈夫見面,坦白當年墮胎一事成為陰影⋯⋯詳情請看

圖片來源:tvb.com, SundayKISS

最新吃喝玩樂資訊