古天樂
古天樂

明日戰記|古天樂揭行內秘密「老闆會」內幕 大搞科幻片最大困難唔係錢?

影視娛樂

廣告

51歲的古天樂擔任總監製兼主演的本地首部科幻片《明日戰記》,由吳炫輝執導、劉青雲、劉嘉玲和張家輝等合演,電影在港上映一星期,票房已破3千萬大關,並已連續7天登上本地單日票房冠軍,昨日截至晚上7時,單日票房約170萬港元。古天樂昨日接受鄭裕玲《口水多過浪花》訪問,大爆原來香港有個「老闆會」,連他這個電影大亨都忌諱!

古天樂昨日接受鄭裕玲《口水多過浪花》訪問,大爆原來香港有個「老闆會」。
古天樂昨日接受鄭裕玲《口水多過浪花》訪問,大爆原來香港有個「老闆會」。(圖片來源:[email protected]口水多過浪花)
古天樂 《明日戰記》在港上映一星期,昨日票房已破3,000萬大關。
《明日戰記》在港上映一星期,昨日票房已破3,000萬大關。(圖片來源:[email protected]古天樂 Louis Koo)

古天樂盼推動同業創新思維

鄭裕玲問古天樂心目中有無好似《明日戰記》的電影想拍?他說:「我將會拍一部《太空天梯》。」他又談到對香港電影界的抱負:「必須多元化,同埋電影係工業,必需要有先進嘅拍攝方法,同埋創新思維,例如拍警匪片,好似《天能》咁,成件事好唔同,所以電影工業要學識唔同技術,將現有題材去創新。」

鄭裕玲問古天樂對香港電影界有甚麼抱負,他表示必須多元化,要有先進的拍攝方法,及創新思維。
鄭裕玲問古天樂對香港電影界有甚麼抱負,他表示必須多元化,要有先進的拍攝方法,及創新思維。(圖片來源:《口水多過浪花》截圖)

鄭裕玲贊成唔好成日食老本

鄭裕玲贊成電影界要向前行:「唔好成日食老本,你做咗啦,你同時係香港演藝人協會會長及香港電影工作者總會會長,我哋全香港嘅電影都關你事,咁你點推佢哋行前呢?你係咁諗,可能其他人未必係咁諗。」古天樂表示:「你要搞清楚,我做嗰啲協會呢,仲有個會係唔隸屬於呢啲會,但有個咁嘅會,嗰個叫老闆會!」

古天樂指與劉青雲都寧願穿33磅的戰衣,好過用電腦晝出來,因要感受到重量才有實在感。
古天樂指與劉青雲都寧願穿33磅的戰衣,好過用電腦晝出來,因要感受到重量才有實在感。(圖片來源:《明日戰記》劇照)

改變製作模式難說服老闆

鄭裕玲叫古天樂去說服「老闆會」:「如果佢哋睇到你呢套戲嘅成績,佢哋會有信心囉,係咪?」古天樂無奈表示:「係,就算我而家處理緊部《天梯》,我都想搵個導演幫手,環顧所有導演,都唔知點掌握呢件事,何況同老闆講?搵邊個拍?呢個係難囉!總會咁多人,我希望大家將製作模式改變,但點去推動?始終要有投資方去投資先產生呢件事。」

《明日戰記》後期花了長時間製作,古天樂笑指有人認為該片是個都市傳說,根本沒有存在。
《明日戰記》後期花了長時間製作,古天樂笑指有人認為該片是個都市傳說,根本沒有存在。(圖片來源:《明日戰記》劇照)

古天樂盼下一代能破舊立新

鄭裕玲鼓勵古天樂:「你唔係識好多老闆?你都係老闆之一啦!」古天樂說:「就算係都好啦,我嘅諗法唔代表佢嘅諗法嘛!佢哋諗穩陣嘅商業電影最好,始終公司賺錢最緊要,但我覺得進步都好緊要囉,我好難走去講,佢哋係咁諗喎。只有我試吓慢慢去做,佢哋覺得開始信呢件事,開始去做,或者培養下一代去做呢件事。」

古天樂指外國電腦特技比香港早發展20多年,香港電腦特技現在才起步,困難重重。
古天樂指外國電腦特技比香港早發展20多年,香港電腦特技現在才起步,困難重重。(圖片來源:《明日戰記》製作花絮)

古天樂:人哋乜題材都拍過

鄭裕玲提到觀眾會將《明日戰記》與外國科幻片如Marvel比較:「雖然呢套係香港造嘅,但佢哋睇過外國嗰啲,呢個係你要考慮嘅部份嚟喎!」古天樂說:「我咪話寫咗好多劇本,但我掉晒由頭嚟過,寫咗兩、三年,我發覺呢個劇本似呢部戲,嗰部劇本似嗰部戲,因為人哋拍咗二十幾三十年,乜嘢題材都拍過。」

鄭裕玲提到觀眾會將《明日戰記》與外國科幻片如Marvel比較,古天樂指外國電影都有不足之處。
鄭裕玲提到觀眾會將《明日戰記》與外國科幻片如Marvel比較,古天樂指外國電影都有不足之處。(圖片來源:《復仇者聯盟》劇照)

彈荷李活特技片都有不足之處

古天樂指外國電腦特技比香港早發展20幾30年:「外國嘅技術提升到你幻想以外嘅層次,我哋而家先起步,困難重重。至於部戲有冇唔好嘅地方,我哋有嘅,就算佢哋(荷李活)都有,永遠都有不足嘅,但我哋必須要行呢步,而家已經落後20年,你係咪想再落後30年?或者永遠唔會有呢個題材誕生?所以呢步係要行出嚟囉。」

古天樂指荷李活製作電腦特技有高技術和系統,港產特技難以比較,但總要行出第一步。
古天樂指荷李活製作電腦特技有高技術和系統,港產特技難以比較,但總要行出第一步。(圖片來源:《奇異博士2》劇照)

睇片重溫古天樂講老闆會:

古天樂真係好有抱負!

常見問題

古天樂對電影界有什麼創新想法?

早前古天樂接受Do姐鄭裕玲《口水多過浪花》訪問,大爆原來香港有個「老闆會」,Do姐更鼓勵叫古天樂去說服佢地…….詳見:古天樂揭行內秘密

鄭裕玲到訪新裝修名店遇到什麼優質待遇?

Do姐稱自己並非經常幫襯,與該位名店售貨員亦只見過幾面,曾款待過自己,但對方竟然記得自己的鞋碼…..詳見:鄭裕玲大讚售貨員服務超卓

撰文:東方新地圖片來源:[email protected]口水多過浪花、《明日戰記》劇照、[email protected]古天樂 Louis Koo、《復仇者聯盟》劇照、《奇異博士2》劇照資料或影片來源:[email protected]商業電台

最新吃喝玩樂資訊