口罩小姐選舉│過氣𡃁模Yumi尹蓁晞唔認參賽扮退選 被轟唔專業踢出局
口罩小姐選舉│過氣𡃁模Yumi尹蓁晞唔認參賽扮退選 被轟唔專業踢出局

口罩小姐選舉│過氣𡃁模Yumi尹蓁晞唔認參賽扮退選 被轟唔專業踢出局

ViuTV的另類選美節目《最後一屆口罩小姐選舉》,之前發布40位口罩小姐的參賽資料及照片時,其中一位報稱現年33歲、任職模特兒的40號佳麗,有指就是過氣𡃁模Yumi尹蓁晞,全世界都認得佢副身材,但她卻斬釘截鐵否認有參賽,之後又改口扮退選。隨著節目第一集出街終於真實大白,原來Yumi在首輪面試九唔搭八被ERROR四子問到口啞啞,其中193更轟Yumi冇準備完全唔專業,入行多年畀班後輩當眾落面,難怪唔想認有參加啦!

撰文:東方新地 圖片:ViuTV電視載圖、Yumi IG圖片

口罩小姐
40號「口罩小姐」,報稱33歲任模特兒,身高173厘米,體重57公斤(約125磅),三圍34、27、35吋,不少網民留言指她的身材好誇張似有修圖之嫌,又笑稱是「最後一屆奶罩小姐選舉」。
口罩小姐
Yumi的𡃁模好友Naomi一眼就認出她,不過Yumi竟死口唔認自己有參加。

口罩小姐身份早已被悉穿

ViuTV首次在網上公布《最後一屆口罩小姐選舉》的40位入圍名單時,網民已一眼已看出現年33歲、任職模特兒、身材出眾上圍尤其吸睛的40號佳麗正是Yumi,更有好友tag其名字問Yumi是否有參加,當時Yumi卻堅稱自己沒有參賽,不過因為紙包唔住火,被好友多番追問下,其後Yumi只輕輕帶過表示早已退選。

口罩小姐
雖然Yumi口口聲聲沒有參加口罩小姐,但她卻被自己的IG貼相出賣了,事關大會公佈的佳麗參選照,40號「口罩小姐」佩戴的頸鏈吊墜及身穿米白色T恤,Yumi都曾在IG以同一打扮出現,就連其鎖骨附近的癦都位置一樣。
口罩小姐
網民唔止認出Yumi,仲話覺得ViuTV為節目效果會畀佢入圍。

口罩小姐被foul即場除罩

到了《最後一屆口罩小姐選舉》首集,40位參賽者來自各行各業,當中以自由工作者、模特兒、演員及空姐居多,她們在錄影廠作首輪「海選」面試,而ERROR四子就負責做評判,在40位佳麗之中精心挑選20位入圍,每個女仔都使出渾身解數,務求拎到入場券,若被Foul的話就要即時除罩揭廬山真面目。

口罩小姐
Yumi在《口罩小姐選舉》節目第一集出場,她說自己是40號,不過唔講得名。
口罩小姐
評判之一的保錡好輕佻咁回應Yumi:「我睇過你本寫真啦!」令Yumi非常尷尬。
口罩小姐
Yumi聲稱平時有睇ViuTV的節目與劇集,不過卻把劇名《男排女將》講成《女排男將》,又講唔出ViuTV有甚麼藝人。

Yumi表現極差首輪止步

至於賽前被網民一致認出的Yumi,雖然聲稱已退選,但節目播出時依然有她,當Yumi一進場評判之一的保錡即眼利認出她,仲話睇過佢本寫真集,之後ERROR再問她有關ViuTV的事,例如有睇咩劇?最代表到ViuTV嘅藝人?Yumi當堂口啞啞,即被193狠批唔專業,報名參加電視台節目事前都唔做功課了解,最後直接foul走她,Yumi面懵懵除罩走人。Yumi話晒都係前輩,08年以𡃁模身份入行,ERROR搞到佢咁冇面,又真係好難落台嘅!

口罩小姐
193直斥Yumi身為藝人都咁唔專業,問幾句就即場foul走,令Yumi表演的機會都冇。
口罩小姐
即場被foul的Yumi黑住面除罩然後離場,好明顯嬲嬲豬。
口罩小姐
Yumi當年青春迫人出寫真集,保錡都話睇過。
口罩小姐
33歲的Yumi於08年以𡃁模身份入行,在娛樂圈浮沉多年,曾與周秀娜前度陳偉成(Avis)拍拖,又曾失控暴肥,最近努力減磅,並表示會考健身教練牌。
口罩小姐
Yumi雖然狀態已大不如前,仍不時孖住好友許嘉浩(Karl)現身公開活動。

最新吃喝玩樂資訊