口水多過浪花
口水多過浪花

口水多過浪花|Do姐IG堅持只follow兩個人 ERROR呻冇份 求Do姐unfollow姜濤

影視娛樂

廣告

Do姐(鄭裕玲)日前邀請ERROR四位成員193(郭嘉駿)、肥仔(梁業)、阿Dee(何啟華)和保錡上電台節目《口水多過浪花》做訪問,期間講到Do姐的IG只follow了兩個人,保錡就提出希望Do姐可以follow他們四個,以及unfollow姜濤,但卻被Do姐堅決拒絕,仲反擊話:「保錡都冇follow我!」

文:東方新地|圖:口水多過浪花FB、Do姐[email protected]_do_cheng、ERROR造型師Lok [email protected]

193建議 Do姐 unfollow所有人

ERROR四位成員193、肥仔、阿Dee和保錡日前登上電台節目《口水多過浪花》接受Do姐訪問,講到Do姐的IG只follow了兩個人,就係王嘉爾(Jackson)和姜濤,保錡就提出希望Do姐可以follow他們四個,但卻被Do姐堅決拒絕,更質問:「點解我要follow你哋?」

口水多過浪花 Do姐
ERROR四子今次上《口水多過浪花》,主要為了宣傳他們的新歌《我們不Chok》。(圖片來源:口水多過浪花FB)

193立即再懇求:「Do姐我要求其實唔高,你淨係加多一個人就得㗎啦,你加193啦!」保錡也立刻跟上,仲報埋自己IG名。而肥仔在求Do姐follow自己之餘,竟然仲大膽要求Do姐unfollow姜濤!他說:「Do姐我要求仲低,你unfollow咗姜濤,follow我就得㗎啦!」

口水多過浪花 肥仔點名要求Do姐unfollow姜濤,不過畀Do姐拒紹。
肥仔點名要求Do姐unfollow姜濤,不過畀Do姐拒絕。(圖片來源:造型師Lok IG)

193更提議:「不如Do姐unfollow所有人,咁我哋咪公平啲囉!」這建議亦得到Do姐認同,但這時阿Dee竟然話:「我就唔使啦Do姐,Thank you!」引得Do姐立即質問:「原來最唔畀面嗰個係你,阿Dee!」阿Dee慌忙解釋:「唔係呀!我唔想你難做咋!」

口水多過浪花 Do姐在做節目時戴上了193旗下品牌推出的口罩,幫佢做宣傳。
Do姐在做節目時戴上了193旗下品牌推出的口罩,幫佢做宣傳。(圖片來源:Do姐IG)

對於ERROR指Do姐未有follow他們的指控,Do姐亦有反擊指:「我以前有follow好多人,但我check過,我發覺保錡你冇follow過我,好失望!」肥仔即對保錡說︰「夠薑你攞個電話出嚟!」保錡則為自己辯護:「我見你冇follow我,我先冇follow你之嘛!」

口水多過浪花 Do姐指控保錡亦冇follow佢IG。
Do姐指控保錡亦冇follow佢IG。(圖片來源:造型師Lok IG)

最後Do姐打圓場說:「冇咩嘅,最緊要係我錫你哋咪得囉!」不過節目完結之後,Do姐的IG都仍然只follow了王嘉爾和姜濤兩個,引來不少粉絲都跪求Do姐follow埋ERROR四子。不過Do姐解釋話要follow咁多人好煩,所以唔想為ERROR開先例!

口水多過浪花 Do姐透露自己有167cm,和193相差26cm。
Do姐透露自己有167cm,和193相差26cm。(圖片來源:Do姐IG)
口水多過浪花 節目完結後,Do姐的IG仍然只follow了王嘉爾和姜濤兩個。
節目完結後,Do姐的IG仍然只follow了王嘉爾和姜濤兩個。(圖片來源:Do姐IG)
口水多過浪花
(圖片來源:網民留言截圖)
口水多過浪花
(圖片來源:網民留言截圖)
口水多過浪花
(圖片來源:網民留言截圖)
口水多過浪花
(圖片來源:網民留言截圖)

ERROR呻爆紅後有壓力 難在旺區行街

四人又講到ERROR爆紅後,出街都多了不少壓力,肥仔直言現時很難在旺區閒逛,他說:「其實心入面係開心嘅,但某程度上自己嘅私人空間少咗好多,拮串魚蛋都會有好多人望住,係會有啲壓力。」

口水多過浪花 肥仔話依家喺街拮串魚蛋都好有壓力。
肥仔話依家喺街拮串魚蛋都好有壓力。(圖片來源:造型師Lok IG)

而193亦表示:「私生活係少咗,以前冇諗咁多,例如影相,依家有一個人話要影(合照),其他人就會湧埋嚟,我哋啱啱出道嘅時候係唔會有呢個問題,以前影一、兩個就走得㗎嘛!其實都係開心嘅,但要平衡番,點樣去滿足佢哋,我哋又舒服。」肥仔話一次過影大合照便可以解決。

口水多過浪花 193話紅咗後最大問題係一同粉絲合照,就會有一大堆人湧埋嚟。
193話紅咗後最大問題係一同粉絲合照,就會有一大堆人湧埋嚟。(圖片來源:造型師Lok IG)

阿Dee笑指現時行街都會選擇快行,193就話:「跟住望住部電話,好似做緊嘢好忙咁。」Do姐反問他們工作這麼忙碌,為何仍需要外出行街?阿Dee解釋:「成日匿喺屋企,其實好困住個人,要行吓街睇吓新鮮嘅嘢,放鬆吓個感覺!」

口水多過浪花 阿Dee指唔可以成日匿喺屋企,被網友搞笑指係因為佢屋企有太多啤酒!
阿Dee指唔可以成日匿喺屋企,被網友搞笑指係因為佢屋企有太多啤酒!(圖片來源:造型師Lok IG)

193笑回波鞋事件:拍個廣告都買到廿對

提到早前的「波鞋事件」中,193因上載限量波鞋照片,並留言:「I NEED THESE TWO PAIRS US 12,有冇人幫到手呀?」被KOL家明批評他藉人氣「𢱑著數」,193直言︰「我絕對畀得起錢,其實我拍一個廣告都可能買到十對、廿對(波鞋),點解啲人會話我想要免費波鞋呢?如果佢有睇開我不嬲儲嘅波鞋,就知嗰對其實唔算得係咩貴波鞋。」

口水多過浪花 「波鞋事件」中,193曾親自到家明的社交網站留言:「你真係唔識㗎喎」最後家明日宣佈「辭職」退出其專頁,以平息風波。
「波鞋事件」中,193曾親自到家明的社交網站留言:「你真係唔識㗎喎」最後家明宣佈「辭職」退出其專頁,以平息風波。(圖片來源:家明FB截圖)

193又指他在帖文中提到的波鞋是由3個知名牌子聯名推出,在外國亦難以買到,所以他才會在IG求助網友,他表示:「我想睇吓有冇人幫到我手,無論係抽又好,問吓啲公關、水貨店又好,想睇吓有冇個途徑可以買到對波鞋,我超想要!但個品牌已經聯絡咗我,話呢對波鞋任何人就算畀錢都留唔到。」

口水多過浪花 193指該對波鞋其中一個品牌是他好細個時好鍾意的一個品牌,對他來說是一個回憶,他說:「純粹係儲,可能我唔著㗎。」
193指該對波鞋其中一個品牌是他好細個時好鍾意的一個品牌,對他來說是一個回憶,他說:「純粹係儲,可能我唔著㗎。」(圖片來源:193 IG)

Do姐早前亦曾孖住ERROR拍攝宣傳片,更留言大讚四人紅咗又靚咗。

口水多過浪花 Do姐
Do姐繑實阿Dee同保錡,展示幸福的笑容。(圖片來源:Do姐IG)
口水多過浪花 Do姐
Do姐留言大讚ERROR四子紅咗又靚咗。(圖片來源:Do姐IG)

最新吃喝玩樂資訊