花姐
花姐

千頌C千字文鬧爆MIRROR經理人 兩大實例+9重點力怒斥花姐目中無人

影視娛樂

廣告

最近有傳MIRROR自從演唱會事故休團後,MIRROR將會在10月全面復出。不少鏡粉都十分期待12子復出的同時,亦有不少網民批評ViuTV未有對演唱會中所發生的大型事故進行正式交代感到不滿。傳媒人千頌C今日(9月30)發千字文鬧爆ViuTV極其無品,更以9大點力斥花姐及其團隊目中無人!

花姐 MIRROR 千頌C在文中批評主辦單位在演唱會意外發生兩個月後,依然沒有就事件正式交代
千頌C在文中批評主辦單位在演唱會意外發生兩個月後,依然沒有就事件正式交代(圖片來源:[email protected]

千頌C發千字文 力斥花姐目中無人

今日傳媒人千頌C在社交平台上發出千字文鬧爆MIRROR經理人花姐和ViuTV。千頌C在文中批評ViuTV和Makervillie公關手法大有問題,他力斥主辦單位在演唱會意外發生兩個月後,依然沒有就事件正式交代,甚至漠視一班Dancer的要求,令事情一直未能夠得到解決。

MIRROR 傳媒人千頌C今日發千字文鬧爆ViuTV極其無品,更以9大點力斥花姐目中無人!
傳媒人千頌C今日發千字文鬧爆ViuTV極其無品,更以9大點力斥花姐目中無人!(圖片來源:[email protected]千頌C)

兩大實例怒轟經理人團隊

千頌C在文中亦大爆曾經收到朋友爆料,表示花姐曾一度無理剎停廣告拍攝。他表示在MIRROR未爆紅之前曾經簽下某個品牌的代言合約,當品牌方將所有宣傳物資準備好之後,花姐卻頓時要求剎停該品牌廣告的拍攝,原因竟然是因為花姐的一句「我唔想」!

第一方面,千頌C又表示曾經有傳媒朋友向他埋怨,表示曾經刊登其中一位鏡仔睇樓的相片後收到一名自稱是「MIRROR經理人」的投訴,內容如下:「你地未經我地同意刊登XXX照片,間接宣傳樓盆(正字為「盤」),你地應該立即delete,我地公司亦會作法律追究。」經發掘之下,發現對方是MIRROR其中一位經理人,令人感覺「好大嘅官威」。

MIRROR 千頌C在文中亦大爆曾經收到朋友爆料,表示花姐曾一度無理剎停廣告拍攝。
千頌C在文中亦大爆曾經收到朋友爆料,表示花姐曾一度無理剎停廣告拍攝。(圖片來源:[email protected] Talk)

批評花姐公關手段差過新人

此外,千頌C更批評ViuTV、Makerville和MIRROR經理人花姐等人的公關技巧「至差過新入行公關」。他憶述曾經有傳媒朋友向自己爆料,指某名MIRROR成員曾在傳媒影到在公眾場合睇樓盤,MIRROR的經理人以強硬態度無理地要求對方刪除報道。

MIRROR 千頌C更批評ViuTV、Makerville和MIRROR經理人花姐等人的公關技巧「至差過新入行公關」
千頌C更批評ViuTV、Makerville和MIRROR經理人花姐等人的公關技巧「至差過新入行公關」(圖片來源:《是滴是友》照片)

網民反應一面倒

千頌C在社交網站的千字文一出,馬上引起廣泛網民的討論。網民的反應亦一面倒,不少網民都表示ViuTV的處理手法令人心寒,更有網民表示花姐「不學無術」、「不專業」等。

花姐 MIRROR
(圖片來源:[email protected]千頌C)
花姐 MIRROR
(圖片來源:[email protected]千頌C)
花姐 MIRROR
(圖片來源:LIHKG討論區截圖)
花姐 MIRROR
(圖片來源:LIHKG討論區截圖)
花姐 MIRROR
(圖片來源:LIHKG討論區截圖)

千頌C力斥MIRROR經理人全文(小題為編輯所加):

【1:事故後全無交代】Mirror演唱會意外事隔兩月,除咗代表Mirror復出在即,鏡粉正磨拳擦掌,準備煲Viu嘅四部自家劇之外;亦代表責無旁貸嘅主辦單位Makerville,無就事件正式交代已經兩個月。

【2:真係可以擺低件事?】當然,ViuTV、Makerville嘅角度,或者抱住「香港人好善忘」嘅信念,只要唔提,事情就會丟淡;加上鏡粉已餓咗兩個月,到復出之日大家或者已想娛樂至上,擺低件事。不過,Makerville如意算盤打唔響,呢兩個月,阿Mo爸爸李牧師keep住出代禱信兼拒收1,000萬;dancer不停要求有交代、要求被正視、要求獲尊重,令件事完唔到。

【3:無公關嘅公關】水退先知邊個冇著褲,今次危機,完全曝露ViuTV、Makerville嘅無公關嘅公關手法,令ViuTV、以至Mirror都陷入低潮。正常情況下,如果呢個時候,有舊客仲願意喺咁唔清唔楚嘅情況下,confirm復出之後嘅campaign,就算未去到雪中送炭嘅程度,策略上都做到「幫你做勢」效果,呢啲客,都算係咁啦。不過實情係,花姐為首嘅經理人團隊未必會感恩。

【4:餐廳宣傳真實個案】話說最近有朋友同我呻,咁有個品牌,喺鏡仔未真係勁紅嘅時候,已經簽咗代言約,份約就未完嘅。個品牌見到話Mirror諗住復出,就諗住夾間餐廳做個promotion,放返鏡仔代言產品嘅promotion material。好啦,咁個品牌就問晒經理人啦,咁當時經理人就咩都OK晒嘅,所以餐廳期就mark晒,product 就度晒,連宣傳物資都開機印緊啦。

【5:經理人叫停欠解釋】點知,有日餐廳就收到通知,所有野要剎停,原因係經理人表示:「我唔想」,然後?沒然後,因為已經冇其他解釋。

【6:欠尊重、無管理】首先,呢個係尊重嘅問題,一早應承咗個客,個客就開工,到最後一句「我唔想」,令所有人嘅功夫都浪費晒,連一個令人條氣順啲嘅理由都唔作一個;二係管理嘅問題,Makerville假假地都係上市公司旗下,Mirror復出都係公司近來嘅頭等大事,所有部署suppose唔係應該一早諗過度過?係覺得有問題、未諗清楚嘅,就唔應該一早應承個客啦。經理人團隊英文係management,但咁冇management skill嘅management team,說穿了就係唔專業。

【7:應付傳媒差過新入行PR】對客已經唔專業,應付media甚至差過新入行公關。試過有一個鏡仔喺公眾場合睇樓,當時唔少傳媒都影到,亦當報道咁報出街。之後有其中一間media朋友,當日就好嬲咁同我講,話佢哋收到一個不知名人士inbox:「我係Mirror經理人,你地未經我地同意刊登XXX照片,間接宣傳樓盆(正字為「盤」),你地應該立即delete,我地公司亦會作法律追究。」

朋友話:「無名無姓,卡片都冇張,佢話佢係李澤楷都得啦。再者,香港都冇俏像權,咁唔想人影到,你咪包佢衣食住行,佢咪唔使出街買啦。條友,真係唔識架喎。」

最後,作為記者嘅佢哋當然有尋根究底嘅精神,呢位不知名人士係真係其中一個經理人,而朋友最後亦有嘗試向公司PCCW集團公關了解。同樣,由於經理人嘅唔專業、冇公關,拖埋母公司後腿,令佢哋要幫手執屎。

【8:目中無人】鏡仔紅,經理人就算幾唔專業,有幾目中無人,作為客、合作單位、甚至fans要受氣都會忍;但依家品牌出事,如果經理人依然固我,繼續擺出一副「吹咩」嘅高高在上姿態,鏡仔就算幾努力,都好易俾經理人嘅惡劣工作態度拖後腿,好記得半年前有個廣告界朋友,曾經好唔開心咁同我講過,「有得揀,我真係好唔想夾嗰班經理人。」

【9:追問調查報告】另外,政府調查紅館事故的工作小組suppose今日要完成調查,好似冇咩聲氣嘅?

回應「落井下石」論 「我6月已經出過文講MIRROR問題 」

對於千頌C的長文,引起不少爭議,有網友批評筆者「人哋落難就跟風踩」,但千頌C就表示自己在今年6月MIRROR宣傳演唱會期間已經有提出質疑,當時的長文直指「#當Fans係水魚 #當Sales係Condom」,回應有35.5萬人的群組「我老婆嫁左比Mirror導致婚姻破裂關注組」宣佈永久關閉,千頌C當時向viutv sales朋友「傾咗陣偈」,爆料:

ViuTV自今年1月起,一路狂接廣告,一路怒減班sales佣金,過往佣金由2.8%起跳,然後跳bar至最高7.5%。依家好景啦,年頭就開始減到得返0.6%都冇,「即係話,我接100萬生意,個客就當然覺得自己使好多錢,咁我哋千辛萬苦湊個客,跟晒成個project,結果個佣金,其實只係幾千蚊。」

「班高層話我哋上年大家出得太多糧喎,所以就話要重新調整我哋個佣。咁由年頭話傾,傾到今日都未傾得成。於是呢,佢1月就是但出少少佣,全部sales出得1.5%都冇。咁已經夠少啦,點知到2月話,1月份佣都太多,要個佣減到0.6%樓下,所以之後要扣返1月出多咗嘅錢,呢半年份糧,其實同出底薪差唔多,但客又多,得個做字。最後個scheme係點,到依家都未知架。」

花姐 對於網友批評,千頌C強調自己早就質疑MIRROR的管理。
對於網友批評,千頌C強調自己早就質疑MIRROR的管理。(圖片來源:千頌C)

常見問題

導致意外發生的主因是有人虛報資料?

消息指,警方懷疑有人為盡快取得演出許可,故意虛報文件。藝能工程交付康文署之文件涉及虛報重量,數字並相差非常大。即看:MIRROR演唱會意外最新消息

阿Mo最新康復情況?

演唱會事件發生至今已超過兩個月,主辦單位之一MakerVille多月來被網民炮轟,於10月7日終於發聲明並列出5大原因去交代過去為何選擇沉默,更提及事件中受傷的舞者⋯⋯詳見:MakerVille列5大原因為沉默解畫,而受傷程度最嚴重的舞者,李父一直有透過禱文對外交代,詳見:阿Mo李啟言康復比預期快

圖片來源:[email protected]千頌C、LIHKG討論區截圖、[email protected] Talk、《是滴是友》照片、[email protected]

最新吃喝玩樂資訊