全民造星4|人氣王Jackie輸在評判失誤網民鬧爆 天籟之聲Ash最應該被復活

影視娛樂

廣告

ViuTV皇牌選秀節目《全民造星4》已經進入第三周,基於評判經常錯判以及今屆首輪的1對1PK賽制,導致發生不少強者落敗、弱者晉級的局面,令不少「寶物」例如Jackie劉展翹、天籟之聲Ash及敗給中性打扮阿Dru的YoYo等慘入淘汰區。慶幸導師們在完成首輪比賽之後還有總共12位的淘汰區復活資格,所以有實力的仍然有望晉級!馬上睇吓有邊幾位參賽者最值得被復活!

文:東方新地|圖:ViuTV提供圖片、[email protected]、《全民造星4》截圖、參賽者IG圖片

1 )「天籟之聲」81號 Ash

年僅23歲的Ash現職是一名護士,唔只有一顆天使之心,仲有一把天籟之音,雖然Ash的歌聲在比賽時成功融化評判兼導師,但最後依然輸畀陳泳伽(WINKA)。不過,最後阿祖講咗一句:「我兩個都要晒得唔得?」睇嚟Ash復活機會好大!

 參賽者鍾卓穎Ash)甜美歌聲俘虜全場 。
參賽者鍾卓穎(Ash)甜美歌聲俘虜全場 ,台前幕後都認同,她是少數「箍牙都靚」的女生。(圖片來源:ViuTV提供圖片)
 未箍牙之前,其實已經係靚女一名。
未箍牙之前,其實已經係靚女一名。(圖片來源:[email protected]___)

重溫Ash嘅比賽片段:

2 )「內定冠軍」88號 Jackie 劉展翹

27歲的Jackie劉展翹樣子可愛兼有豐富幕前演出經驗,更盛傳是「內定冠軍」,早於2014年已經涉足演藝團,曾參與「學舌鳥 Mocking Jer」、「CapTV擷電視」、「啱Channel」等網絡平台,亦曾參加過《廣告女皇》,最近更加盟「試當真」,人氣極高!可惜當日Jackie慘敗於日系少女Sica,不少網民即時高呼「還我Jackie」。

 孖八Jackie劉展翹在Youtube界本身已經有一定知名度,觀眾緣良好,稱得上係「半出道」,最近有傳加盟試當真。
孖八Jackie劉展翹在Youtube界本身已經有一定知名度,觀眾緣良好,稱得上係「半出道」,最近有傳加盟試當真。(圖片來源:[email protected]

即重溫Jackie首輪淘汰賽的表現:

3 )「女版Lokman」 38號 Gao 沈貞巧

仲有「女版Lokman」阿 Gao,連阿祖都聲稱在她身上找到現時MIRROR組長Lokman的影子!不單只跳舞功架十足,而且表演中又能夠活用毛巾及掃把等道具,喜感十足,絕對值得復活繼續玩落去!

(圖片來源:ViuTV圖片)

即重溫Gao首輪淘汰賽的表現:

4 )「中性敗將」87號 葛綽瑤 Yoyo

87號的YoYo在第一輪淘汰賽之前已經獲花姐大讚外形吸引,更爆出一句「唔要MIRROR都要佢」嘅語論,可惜最後表演賞心悅目的她卻敗給「中性」的Dru,事後更有大量網民替YoYo抱不平,留言「明顯YoYo技藝外型魅力都更優勝」、「咁將YoYo轉做中性打扮咪得囉」等。所以YoYo都好有機會呀!

(圖片來源:《全民造星4》截圖)

即重溫YoYo首輪淘汰賽的表現:

5 )「樂隊主音」13號 曾善婷Ashi

Ashi是獨立樂隊「小紅帽」的主音,算是今屆《造星》中最有音樂Sence的選手,其自彈自唱表演亦相當之有台型。加上背負住由樂隊歌手轉型做唱跳女團的命運,故事吸引觀眾目光!

(圖片來源:《全民造星4》截圖)

即重溫Ashi首輪淘汰賽的表現:

6 )「仙氣擔當」28號 Candy 王家晴

Candy可以話係「仙界大戰」下的壯烈犧牲品!原來憑外形、樣子、人氣度,Candy都被視為必定晉級的大熱人選之一,可惜首輪淘汰賽中卻撞正同樣是「仙女下凡」的IVY So,加上被喻為「自殺式」的唱《紅綠燈》,最終評判在二揀一之下只好淘汰Candy,所以相信Candy有好大機會會成為復活12人的其中之一!

(圖片來源:[email protected]

即重溫Candy首輪淘汰賽的表現:

7 ) 「強者下的犧牲品」94號 吳欣諺 Yanis

現時18歲的Yanis在首輪淘汰賽中帶來一首《明愛暗戀補習社》,穿上校服青演的她充滿青春活力,在未表演完畢之前已經吸引到許廷鏗撳燈搶人,可惜當被喻為今屆最強的阿Day表現完畢後,評判只好在二選一之下淘汰Yanis,所以她絕對有潛力再被許廷鏗揀返入隊!

 Yanis好有青春活力呀!
Yanis好有青春活力呀!(圖片來源:《全民造星4》截圖)

即重溫Yanis首輪淘汰賽的表現:

8 )「團長人選」 2號 咖喱 黃雅慧

咖喱黃雅慧今次為參加《全民造星4》狠下心場辭職實現夢想!而且外型亮眼,在拍攝主題MV時又非常照顧其它參賽者,很有大家姐風範!只可惜首輪對正現代舞專家學6號 Hannah,技術層面輸晒!

(圖片來源:全民造星[email protected]第7集截圖)

即重溫咖喱首輪淘汰賽的表現:

9 )「年紀最細」33號 阿妹 黃敏蕎

在第二集登場的阿妹黃敏蕎在首輪遇上萌度滿分的燒賣,最終以表演精彩度敗給對方。然而,即使阿妹憑實力被淘汰,網民依然視她為最有資格成為女團成員的人選,當時亦掀起過一陣「阿妹復活」風,更有不少人一便睇直播,一邊在留言區高呼「還我阿妹」、「阿妹唔復活,我罷睇」類似的說話。

 阿妹是今屆年紀最細嘅!
阿妹是今屆年紀最細嘅,而且外在條件滿足晒「女團」嘅特質!(圖片來源:ViuTV官方網相片)

即重溫阿妹首輪淘汰賽的表現:

10 )「飽歷滄桑」的 24號Ariel曾家瑩

24號Ariel曾家瑩雖然外型比較成熟,但其實她只得16歲,更表示經歷過「校園欺凌」,令自己的性格變得有點不一樣,經常被捕足到黑口黑臉,極不討好。不過Ariel嘅跳舞實力的確唔錯,而且花姐在鏡頭面前應承過要教好Ariel,無理由淨係教首輪咁不負責任啩!

女版ian 何佩

即重溫Ariel首輪淘汰賽的表現:

https://www.youtube.com/watch?v=Sxq81DQ0ajE

常見問題

世界盃熱播中,電視台劇集方面有咩特別安排?

TVB台慶檔劇集陣容強勁,包括:晚上8:30黃宗澤蔡思貝主演嘅《法證先鋒V》,按此看劇集&角色介紹;到9:30播放《鐵拳》班底拍攝嘅《超能使者》,按此看劇集&角色介紹;而ViuTV包攬世界盃賽事播放,即睇緊湊嘅賽程表,仲有熱播中嘅原創劇《繩角》即將進入結局周⋯⋯按此看劇集&角色介紹

2022到2023上半年度演唱會多鑼鑼,有咩搶飛攻略?

本地歌手/組合包括:ERROR日前終於宣布12月中開show,門票於11月24日公開發售,按此看購票詳情;許廷鏗成立個人公司後開首個個人音樂會,門票將分為三個階段進行,於11月24日進行優先購票,按此看詳情;仲有闊別三年終於回歸嘅Clockenflap,將於2023年3月於中環海濱舉行,即睇場地及售票詳情;另外,疫情逐漸緩和,不少外國歌手/組合亦陸續宣布來港開Show與一眾粉絲久別重逢,包括:女團MAMAMOO舉行世界巡迴,香港站定於2023年1月7日,即睇票價及搶飛攻略;出道25周年的愛爾蘭男子天團Westlife都來香港開Show,仲要定於情人節2月14日亞博館Arena舉行,將於11月28日優先購票,按此看售票詳情

最新吃喝玩樂資訊