側田 賣慘
側田 賣慘

側田演唱會|激動賣慘反擊傳媒批評 「北京三線歌手都好過香港」犯眾怒

影視娛樂

廣告

闊別香港樂壇3年的側田,在11月底再加開兩場回饋歌迷,不過今次似乎反應麻麻,仲被網民轟「滾返去做三線歌手!」,就連小肥、傳媒人洗白都無效,銷情無part 1 咁可觀。11月27日《側田第一秒音樂會 Part 2》1連2埸會展騷,側田喺演唱會尾場痛哭講返之出道以來的種種冤屈!

由初出道講起「公司話有人會搞我」

側田早前宣布搞part2時已大耍悲情牌,今次演唱會尾場再出招,首先講返自己細個已經常俾人恰,講返初出道以來的負面新聞,包括被公闕脫帽照以及孖女歌手林苑同居等緋聞 ,側田表示,當年之所以無回應,係認為好多嘢對得住自己就得,所以唔想回應,又欲言又止地表示:「廿年前搞我嘅人依家都走晒,你哋明啦!」

側田 賣慘 側田講到好激動!喊咗!
側田講到好激動!喊咗!(圖片來源:[email protected]
側田 賣慘 側田 演唱會part2 側田
側田認為自己已經好低調。(圖片來源:ig@justin.looo)

側田:「Not everything is about politics, ok?」

後來講講吓,側田開始喊爆表示唔明點解要「做佢」,認為自己已經好低調,不過後尾自己諗通咗,唔鍾意佢嘅人就點都唔會鍾意佢,仲話「Not everything is about politics, ok?」最後側田一於懶理,認為粉絲知佢咩性格,表示自己對呢行又愛又恨,2020年喺泰國搵返初心,而家個人好低調,重點係要對得住自己。

側田 賣慘 側田 演唱會part2 側田
(圖片來源:ig@justin.looo)

網民:又係你自己話香港搵唔到錢

側田呢番感言在場亦聽到唔少粉絲大叫支持佢的說話,不過好多網民對「Not everything is about politics, ok?」呢句就唔多認同「你生老病死 成個社會體制全部都係politic,點樣唔關事」「又係你自己話香港搵唔到錢」「做明星無PR,認錯都唔肯?」「放棄香港,之後又喊住咁返來,呢條友唔洗識佢都知佢x街」「因果循環」但對於側田歌唱實力,網民認為係無可否定。

側田 賣慘 側田表示唔怕被Cancel,會坦言面對批評。
側田表示唔怕被Cancel,會坦然面對批評。(圖片來源:[email protected]

高海寧出Po 力撐側田

當晚台下的觀眾原來包括高海寧,作為知心友,她也有發帖表示支持:

滿腔對音樂的熱愛,一把靚到無倫的聲音,那顆仍在跳動又真摯的心,感動了在場的所有觀眾;謝謝你真誠的sharing和想傳達的message,Wish you all the best🤍!「大象席地而坐」要聽,狠狠地聽!🔥

側田 賣慘 側田 演唱會part2 側田
(圖片來源:ig@justin.looo)
側田 賣慘 這晚到場的觀眾包括高海寧,二人在後台合照之餘,高海寧還出Po支持側田的言論。
這晚到場的觀眾包括高海寧,二人在後台合照之餘,高海寧還出Po支持側田的言論。(圖片來源:[email protected]

側田多謝女友支持

他在演唱會上公開多謝女朋友的支持,令他相信愛,更表示要對歌迷尊重。他更將《愛這個字》送給女朋友:「我要對自己的作品負責、對歌迷尊重,當我發現自己2020年陷入低潮時,我離開直到2021年找回初心,跟住開始做新碟。我要送一首歌俾一個人,無佢我企唔到係台,俾啲掌聲佢!」

側田 賣慘 側田 演唱會part2 側田同女朋友Karen都經歷了好多年
側田同女朋友Karen都經歷了好多年(圖片來源:東方新地資料庫)
側田 賣慘 側田 演唱會part2 側田 當年行街影到就尷尬走開
當年行街影到就尷尬走開(圖片來源:東方新地資料庫)

側田自揭或患失憶症 唱一次少一次

側田在encore環節表示自己很大機會會患上遺傳性失憶症,並感性表示:自己唔可以唱多幾多年,可能過多幾年要降key,有機會就繼續盡力唱。並稱現時做的音樂及音樂會是他的人生計劃,希望日後自己能靠音樂尋回記憶,聽住自己的歌曲離開。

側田復出網民唔多撐

部份網民得知側田復出後,有讚亦有彈,部份網民就覺得「一時話返大陸北京發展,轉眼間又返左香港,突然又話移居泰國3年。」「之前又話去北京,現在又話去泰國,如果泰國真係咁開心咁好」對側田的復出感到困惑。

側田 賣慘 側田 演唱會part2 網民對於側田返港意見分歧
網民對於側田返港意見分歧(圖片來源:FB留言截圖)

側田曾稱「北京三線歌手都好過香港」遭非議

側田在2010年接受傳媒訪問時,曾經表達過「在北京當個三線歌手,肯定比我現在賺的多十倍。我不明白為甚麼還有人覺得香港市場重要。」惹來網民非議,不過他在北京逗留了3年,難以適應之後低調返港,結果到2016年江蘇衛視節目蒙面唱將才再被人提起。19年再踏紅館之後,就消失至今。

當年慘被曹格起飛腳

側田在09年和曹格在香港落酒吧飲酒,離開時因一言不合,曹格竟然當街出拳起飛腳怒打側田,事後警方以「普通襲擊罪」拘捕曹格,最後兩人和解,曹格唔使留案底。

側田 賣慘 側田 演唱會part2 09年曹格與側田在中環醉酒爆衝突,曹格更揮舞路牌襲擊側田,事後二人和好如初。
09年曹格與側田在中環醉酒爆衝突,曹格更揮舞路牌襲擊側田,事後二人和好如初。(圖片來源:東方新地資料庫)

常見問題

將來還有什麼演唱會值得留意?

有不少歌手宣布舉辦演唱會,例如:黃妍五月天BLACKPINK澳門站林敏驄周杰倫COLLARTwins鄭秀文鄭欣宜許冠傑(2月14日公開發售);喜歡K-pop的你亦有福了,ITZYNCT DREAM亦在香港開演唱會!小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

情人節應如何選購禮物給伴侶?

情人節快來臨,揀好禮物未呢?小編為各位錫伴侶的讀者精選出18大實用情人節禮物2023女朋友篇男朋友篇推介,平價及名牌都有!另外,不少酒店及餅店都有推出情人節朱古力禮盒,例如半島酒店、GODIVA、Venchi等,而MUJI更推出自製朱古力DIY,手殘男女也能做到!即看:情人節朱古力禮盒2023。想自己動動手的朋友們有福了,大家可以在家跟著情人節甜品食譜,自我製造「多巴胺」。

撰文:東方新地圖片來源:[email protected][email protected]媽咪速玲、[email protected]曹格Gary Chaw、新傳媒照片庫

最新吃喝玩樂資訊