余德丞
余德丞

余德丞過檔ViuTV講世界盃即出事 為獲無綫力捧即離巢解畫

影視娛樂

廣告

四年一度的世界盃決賽周昨晚(20日)開鑼,前無綫藝人、體育節目主持出身的余德丞,最近轉投ViuTV旗下,為今年世界盃擔任主持,惟昨晚一開幕即撻Q。而他早前接受YouTuber熊仔頭訪問,亦道出當初離開TVB的原因。

余德丞 無綫 余德丞分享了離開無綫的心路歷程 余德丞昨晚在ViuTV主持世盃節目,誤將主唱Ricky Martin講成Robbie Williams。
余德丞昨晚在ViuTV主持世盃節目,誤將主唱Ricky Martin講成Robbie Williams。(圖片來源:[email protected] Yu 余德丞)

余德丞過檔ViuTV講波即捱轟

當時儀式播出1998年法國世界盃《La Copa De La Vida(The Cup of Life)聖盃之光》,余德丞昨晚誤將主唱Ricky Martin講成Robbie Williams:「呢一首可能係最多球迷認知嘅一首世界盃主題曲,係來自Robbie Williams嘅呢一首歌。」余德丞並未意識到自己講錯,直至播出第二首歌曲,他才補鑊:「糾正返少少,頭先講錯咗唔係Robbie Williams而係Ricky Martin至啱,嗰首係大家最耳熟能詳嘅世界盃主題曲。」

到揭幕戰講波時段,余德丞再被網民喪插表現差。今日凌晨揭幕戰舉行時,余德丞在講波期間多次問其他評述員「你點睇?」結果令觀眾覺得煩燥。有連登仔爆粗開post喪插余德丞:「講波你就講啦,做訪問咩家陣,吓吓問人點睇,聽你講真係悶X到X咁!」雖然不少網民認為樓主搶口,但開post相隔十多小時,帖文已有逾700正評,似乎有部份觀眾對余德丞相當不滿。

余德丞 無綫 余德丞 網民狂鬧余德丞唔識講波。
網民狂鬧余德丞唔識講波。(圖片來源:連登討論區)
余德丞 無綫 余德丞 網民不滿余德丞講波似做訪問。
網民不滿余德丞講波似做訪問。(圖片來源:連登討論區)

網民留言勁踩余德丞:頂唔順佢訪問式講波

網民留言勁踩余德丞:「聽咗廿分鐘問咗人4、5次」、「講嘢好冇氣氛,淨係識問問問。」、「頂唔順佢訪問式講波。」又有人表示他語速太急:「練係有練過,但唔夾now班評述員,講嘢好急好用力。」也有人為余德丞抱不平:「公道啲講,香港講波風氣係咁,英文旁述真係講場波,畫面影乜就講乜。」、「主要係場波悶,啲人你又唔識,所以留意個旁述」。

余德丞 無綫 余德丞分享了離開無綫的心路歷程 前無綫藝人余德丞最近轉投ViuTV旗下,為今年世界盃擔任主持。
前無綫藝人余德丞最近轉投ViuTV旗下,為今年世界盃擔任主持。(圖片來源:ViuTV截圖)

余德丞談離開無綫:靠自己換到掌聲

余德丞5月宣布離巢效力8年的無綫,早前他為「FHProduction」(熊仔頭)的網上節目任嘉賓,期間自爆入行初期曾因意見多多而激怒監製,但他強調會飲水思源。他近日密密拍YouTube片,向YouTuber之路進發,他感慨稱︰「我喺自己YouTube頻道,節目自己一手一腳做出嚟,做得唔好係自己問題,靠自己換到掌聲返嚟都係自己嘅成功。」

余德丞 無綫 余德丞分享了離開無綫的心路歷程 余德丞密密拍YouTube片,向YouTuber之路進發!
余德丞密密拍YouTube片,向YouTuber之路進發!(圖片來源:[email protected]截圖)

余德丞自爆於無綫不經意得罪監製

在熊仔頭的訪問中,余德丞分享了離開無綫的心路歷程,又回憶剛入無綫時的新人時期,因經常提供意見而不經意得罪監製︰「開始入兒童節目、大約做咗半年至一年咁,已經好似大佬咁喺度行,諗緊『會唔會咁樣好睇啲』、『會唔會咁樣舒服啲』,監製覺得你咁多意見,係咪想做埋導演?」他坦言當時只希望做好件事︰「但好多人覺得關你鬼事咩?你唔使理呢啲嘢啦。」不過,余德丞強調會飲水思源︰「我喺舊公司入面學咗好多,無剛才講嘅兒童節目監製畀咁多機會,我會唔會做到今日嘅余德丞呢?」

余德丞 無綫 余德丞分享了離開無綫的心路歷程 余德丞分享了離開無綫的心路歷程,又回憶剛入無綫時的新人時期,因經常提供意見而不經意得罪監製。
余德丞分享了離開無綫的心路歷程,又回憶剛入無綫時的新人時期,因經常提供意見而不經意得罪監製。(圖片來源:[email protected]截圖)

余德丞呻無綫多掣肘 現可掌握命運

余德丞直言在無綫當主持甚少加入個人想法,但現時的說話尺度則大有不同:「以前講嘢好持平,而家可以有啲立場,至少講波可以公開撐邊一隊。」問及以前是否未獲認同?余德丞未有直接回應,僅坦承現時拍YouTube片較有成功感︰「我喺自己YouTube頻道拍片,睇到評論話我講嘢好抵死、幾衰格咁,節目自己一手一腳做出嚟,望住個BB出世…做得唔好係自己問題,如果靠自己換到掌聲番嚟都係自己嘅成功,掌握到自己嘅命運。」

余德丞 無綫 余德丞分享了離開無綫的心路歷程 余德丞稱在TVB每年都好勤力工作,不過每個決定的timing好緊要!
余德丞稱在TVB每年都好勤力工作,不過每個決定的timing好緊要!(圖片來源:[email protected]截圖)

熊仔頭:捧你先走,係咪過咗TVB一棟?

熊仔頭問:「捧你先走,你係咪過咗TVB一棟?」余德丞答︰「我簽長約時已經六、七年前,出咗糧梗係要做,每年都好勤力工作,不過timing好緊要,我都33歲,8年嚟乜嘢崗位都了解過,不如真係試吓(離開)。如果真係再續約可能就係簽N年,去到呢個歲數再唔行出呢一步,可能永遠冇機會。」怕轉變,但可以勇敢離開?他說:「你喺懸崖邊,後面已經有人殺緊埋嚟,你都要跳,跳落去可能九死一生,但至少有一生。」

余德丞 無綫 余德丞分享了離開無綫的心路歷程 余德丞答:「如果真係再續約可能就係簽N年,去到呢個歲數再唔行出呢一步,可能永遠冇機會。」
余德丞答:「如果真係再續約可能就係簽N年,去到呢個歲數再唔行出呢一步,可能永遠冇機會。」(圖片來源:[email protected]截圖)

齊睇余德丞點解離開TVB:靠自己換掌聲!

常見問題

余德丞為時間管理大師?

余德丞在節目《姊妹們的國際市場》「真心話不冒險」環節,自爆曾一腳踏兩船,並分享心得指唔需要…詳見:余德丞宣布離巢竪日即返新工

余德丞有曾對餐廳老闆公開道歉嗎?

老闆公開指責余德丞擅自走入餐廳拍片,而且批評餐廳內的牛肉湯的肉是「回收」得來,更…詳見:老闆再寫長文要親自道歉

撰文:東方新地圖片來源:[email protected] Yu 余德丞、ViuTV截圖、[email protected]截圖、連登討論區資料或影片來源:[email protected]

最新吃喝玩樂資訊