中華小姐
中華小姐

陳曉華一眾師姐更靚! 盤點12位中華小姐冠軍

影視娛樂

廣告

2019國際中華小姐昨晚圓滿結束,香港代表陳曉華雖然表現稍為失準,但仍大熱奪得冠軍,呢個賽果未知大家認唔認同?不過以下12位華姐冠軍就絕對當之無愧,位位都係大美人!

撰文:新假期、東方新地|圖片:新傳媒、Instagram

陳曉華奪2019中華小姐冠軍

《2019國際中華小姐競選》冠軍由陳曉華奪得!事隔五年再有香港代表奪得后冠,繼陳凱琳後為港爭光!

才藝表演失手 一樣高分

才藝表演環節,陳曉華表現空中呼拉圈,一開頭已經上不了圈,成為蝦碌片段。不過陳曉華未有被失誤影響,依然全程展出甜美笑容,可惜之後再度失手。難怪張曦雯事後都話:「Hera俾到我好有驚險嘅感覺。」不過,最終才藝表演最高分三甲仍然有她的位置!

盤點12位最靚中華小姐冠軍

陳曉華成為史上第四位港姐、華姐雙料冠軍,可喜可賀,咁唔知以下呢12位冠軍級美人,邊位係你至愛?

1| 1988年 李嘉欣

大美人李嘉欣為1988年香港小姐冠軍,也是首屆華姐冠軍,多年來均被譽為「最美港姐」,絕對係實至名歸。大美人奪冠後隨即加入娛樂圈,憑着索爆亮麗外表迅速走紅,而且多年緋聞不絕,每單戀情都轟動娛圈!

一家三口不時放閃

到2006年,李嘉欣搵到好歸宿,與富商許晉亨高調公開承認戀情,08年11月,二人在許晉亨父親別墅中舉行婚宴,正式嫁入豪門。至2011年2月,李嘉欣誕下兒子許建彤(Jayden Max),一家三口不時放閃,羨煞旁人!

大美人真係大美人,身材樣貌廿年如一日咁正!

2|1993年 鍾麗緹

鍾麗緹於93年擊敗盧淑儀同謝綺玲奪冠,94年即被周星馳睇中邀請拍電影《破壞之王》,當年更盛傳星爺力追女方。不過,鍾麗緹於1998年嫁給外籍丈夫Glen Ross,育有一女Yasmeen Ross,但於2002年離婚。

03年,鍾麗緹與台灣音樂製作人嚴錚結婚,並於2008年誕下第二個女兒嚴書琴(Jaden),再於2010年2月,第三個女兒嚴紫凝(Cayla)於北京出生,可惜2011年二人最終離婚。

經歷兩次婚姻失敗後,鍾麗緹未有氣餒反而愈愛愈勇,拍攝內地真人騷《如果愛》同細佢12年的大陸演員張倫碩發展姐弟戀,後來張倫碩更在節目中派驚喜下跪求婚,二人婚後好恩愛!

3|1999年 葉璇

氣質美女葉璇於1999年參選國際中華小姐,取得冠軍及「最具古典美態獎」,葉璇喺無綫拍過不少劇集,不過近年主力在內地發展。

名花有主

葉璇2015年同內地男友小默先生公開戀情,男友連番厚禮,葉璇曾高調晒愛,更認為:「愈愛你的人,愈會主動為你花錢..」,相反「如果他對你一毛不拔,或者要等你央求才肯給錢,這種關係的本質就是施捨而已,不存在愛。」

4|2000年 郭羡妮

1999年郭羨妮以大熱姿態贏港姐冠軍、「最上鏡小姐」、「國際親善小姐」和「千禧才智小姐」四獎。2000年,代表香港參選國際華裔小姐競選,亦順利取得冠軍,是繼1988年度香港代表李嘉欣贏得國際中華小姐競選冠軍後,第二位香港代表奪冠!

一家三口樂也融融

郭羡妮選美後加入TVB拍劇,01年在同古天樂合演古裝劇《尋秦記》,郭羡妮一個人分演現代女性及秦國才女,舉手投足充滿仙氣,繼而走紅!2011年她與內地動作導演朱少杰結婚,翌年誕下一女Kylie。2015年郭羡妮離開TVB後減少幕前演出專心湊女,只係間中返大陸出席商演活動,又或者拍港台劇集過戲癮。

5|2001年 廖碧兒

廖碧兒是2001年華姐三料冠軍,同奪「都會魅力小姐」及「花都綽約大獎」,其樣貌身材皆出眾,輕易令人留下深刻印象。

6|2004年 鍾嘉欣

鍾嘉欣2004年擊敗曹敏莉同洪巧玲贏得華姐冠軍,而嘉欣BB形象親民討好,即被TVB簽下至今更成為花旦!嘉欣BB在無綫多年,演出劇集不少,多次獲傳媒及網民支持取得「民選視后」,其中2013年於《玩嘢王》爆喊場面,博得全港觀眾歡心,演技備受肯定!

專心做個好媽媽

鍾嘉欣2015年時與脊醫Jeremy Leung結婚,之後誕下大女Kelly同兒子Jared,並於去年宣布離開效力了13年的TVB,專心做個好媽媽!

7|2005年 李亞男

李亞男於2005年代表溫哥華出戰,成功擊敗當年大熱門陳法拉,拿下國際中華小姐冠軍,即留港發展,雖然事業發展平平,感情生活亦非多姿多采,但卻成功找到一個絕世好老公,王祖藍!

李亞男現在與老公王祖藍十分甜蜜幸福,今年更為老公生咗個B女!

8|2007年 宋熙年

同樣過得幸福的宋熙年,於2007年爆冷擊敗呂怡萱同陳爽成為冠軍!之後加入TVB多以主持身份現身,星路跟李亞男一樣相對平坦,但就搵到電視城另一絕世筍盤陳智燊!

有仔萬事足

婚後兩年,宋熙年於上年8月誕下寶貝仔Damon,兩公婆不時喺社交網貼出湊仔日常大晒溫馨。

9|2009年 苟芸慧

苟芸慧係09年的國際中華小姐冠軍。初出道時樣子甜美,盡得網民歡心!可惜後來飽受甲狀腺問題折磿,無法控制體重,磅數一度達170磅,幸而經休養後已冇肥腫問題,回復索爆身形及靚樣!

上年10月,苟姑娘就同錫礦大王後人陸漢洋結婚,希望聽到佢哋有好消息啦!

其實無論苟姑娘身形肥或瘦,仍然係唔少男士心中的女神!

10|2010年 岑麗香

岑麗香2010年時以26歲之齡奪得國際中華小姐冠軍,其甜美燦爛笑容令人印象深刻,之後成為大台當家花旦之一。後來演出劇集《巴不得媽媽…》的「香香公主」大受歡迎,自此大家都喜歡叫岑麗香為香香公主。

榮升香香媽媽

直至16年香香嫁給圈外男友強強,成為幸福人妻!依家懷孕7個月嘅香香,早前更大晒靚爆孕照!

11|2012年 張曦雯

張曦雯樣子標緻、笑容甜美,不單上圍豐滿,身高175cm的張曦雯更擁有一雙修長美腿,完美!2012年參選「國際中華小姐」,張曦雯以半冷門姿態成為勇奪冠軍,同年更代表香港出戰「2012年世界小姐競選」,係繼1988年李嘉欣和2000年郭羨妮後,第三位參賽的佳麗。

新一代TVB女神

卸下華姐冠軍后冠後,張曦雯便與無綫簽約,更因操得一口流利英語而獲委任明珠台《港生活·港享受》及翡翠台《東張西望》時段內的《Pearl Tonight》主持,開始為人認識。舉手投足散發高貴氣質,加上被指靚樣太「離地」,張曦雯漸漸與女神劃上等號!

《跳躍生命線》人氣急升

去年無綫台慶劇《跳躍生命線》大受歡迎,其中只係第三次拍劇的張曦雯,本來樣貌身材已經超班、演技進步不少,而且角色討好而備受關注。大結局中張曦雯遇交通意外受重傷,幸好最後冇事!大團圓結局!

12|陳凱琳 2014年

陳凱琳2013年成港姐冠軍後,翌年順利以大熱姿態奪華姐后冠,亦是史上第三位港姐、華姐雙料冠軍!

上年,陳凱琳同鄭嘉穎拉埋天窗,早前更宣布已經為老公添丁,公開咗B仔個樣!

最新吃喝玩樂資訊