中年好聲音3｜黃博被爆月花3萬租住星級酒店 本尊發文高EQ回應獲大讚

黃博親解月花3萬租住星級酒店傳聞

黃博今日（21日）火速在社交平台親回有關報道，感激大家支持關注之餘，亦澄清價錢並非爆料文章標題所指：「爸爸媽媽呢段時間從四川來港支持我決賽、照顧我，所以特意幫佢哋訂咗酒店，重點係可以讓他們舒適一些及方便大家見面，當然價錢亦不是標題所說」，指該酒店是租住給父母所住。黃博亦解開被偷拍照片嘅時機：「決賽後，行程較密，只係去酒店探過佢哋一次，就係大家睇到嘅嗰張新聞相。」

黃博高招回應獲讚EQ極高

對於奪冠後隨即就有傳聞爆出，但係黃博對此就大騷高EQ回應：「多謝記者朋友幫我嗰日去酒店見爸媽留下一個背影，甚有紀念價值，會好好收藏！」獲唔少網民大讚：「認真欣賞博博，非常有涵養，只是道出真相，而沒有絲毫責備，還道謝」、「果然有冠軍嘅大將之風」、「短短回應就已經知道博博EQ十分高」、「回應得十分大方，支持你！」