三餸一湯
三餸一湯

三餸一湯|姜麗文分享食譜 TVB教煮港式「三餸飯」 三姐教大家做疫下廚神

影視娛樂

廣告

無綫全新飲食節目《三餸一湯》由姜麗文(Lesley)聯同三姐(蕭秀香)主持,於4月11日晚上10:30首播!TVB將會一連15集每晚教煮「三餸一湯」。三姐除了邊煮邊教入廚秘技外,姜麗文「小姜研究所」教大家烹飪小知識!疫情之下,在家煮食成了大家的日常,節目正正為「疫下廚神」而設,亦希望透過簡單易煮的「三餸一湯」引發起全民對下廚的衝勁!

《三餸一湯》第二集 順序煮!由蟶子皇伴青瓜沙律開始

下廚時清洗鍋具讓不少人感到麻煩,這次跟隨三姐煮三餸的順序,即可減省清潔步驟。三姐先以焯煮方式帶來「冰鎮蟶子皇伴青瓜沙律」,再蒸出多重口感的「椰香三文魚雪燕伴芙蓉」,壓軸起鍋炮製惹味的「雙鮮小炒王」,輕鬆完成三餸示範。小姜拿出一罐鹹牛肉來考驗三姐的廚藝創意,「竹笙鹹牛肉豆腐羹」能否符合其要求?開罐頭前先用熱水浸洗,原來可令鹹牛肉更易取出。此外,今回「小姜研究所」會實測用生粉、粟粉與木薯粉勾芡的分別。

第二集菜式:

  • 冰鎮蟶子皇伴青瓜沙律
  • 椰香三文魚雪燕伴芙蓉
  • 雙鮮小炒王
  • 竹笙鹹牛肉豆腐羹

《三餸一湯》第一集 三姐教煮「番茄炒滑蛋」

三姐同大家分享更多別開生面的入廚技巧,包括 : 一個鑊不用洗就可煮到三個餸的方法「先焯、後蒸、再炒」、罐頭創新食譜、凍肉都可變成新鮮滋味!

第一集菜式:

  • 不敗番茄炒滑蛋
  • 香煎排骨蒸福袋銀針粉
  • 港式㷛仔魚飯
  • 金銀菜羅漢果豬橫脷 +豬肺裙邊湯
三餸一湯
(圖片來源:TVB提供《三餸一湯》照片)
三餸一湯
(圖片來源:TVB提供《三餸一湯》照片)

不敗蕃茄炒滑蛋 | 三姐 | 姜麗文 | 食譜 | 烹飪 |

相信每一個屋企最常出現嘅餸菜,「蕃茄炒蛋」一定佔頭幾位!姜麗文(Lesley)都話自己次次煮呢味餸都會煮到水汪汪唔好食,三姐就話「蕃茄炒蛋」其實易學難精,但今次佢教呢個版本保證大家唔會失敗,仲加咗健脾去水嘅雞頭米落去煮,即刻健康Level up:

金銀菜羅漢果豬橫脷豬肺群湯 | 三姐 | 姜麗文 | 食譜 |

第一集三姐話要送個潤肺養顏、增強抵抗力嘅「金銀菜羅漢果豬橫脷豬肺群湯」比大家,雖然個名係長啲,但係做法好簡單㗎咋!去片:

Lesley「小姜研究所」

外傭姐姐機密食譜大公開、剩菜大翻身、十分鐘煮好懶人和味飯、素色可餐及疫下強身健體餐等等,節目務求引發起大家有下廚的衝勁!

三餸一湯
(圖片來源:TVB提供《三餸一湯》照片)

姜麗文孖三姐主持節目《三餸一湯》

早前姜麗文與三姐(蕭秀香)為新煮食節目《三餸一湯》舉行開鏡儀式,可見姜麗文於《萬千星輝頒獎典禮2021》獲得「飛躍進步女藝員」一獎後,能夠首次擔正主持之位,終於靠自己拚出一番成績!雖然有好戲爸爸秦沛撐腰,但入行多年都是靠自己向上爬,近年她憑《開心速遞》外傭「Lisa」一角入晒屋,早前又在台慶劇《星空下的仁醫》中飾演病童母親,演技大獲好評,終於唔使因父之名。早前接受訪問自揭年幼時秦沛為爭一對子女撫養權,不惜傾家蕩產,亦因為這個原因,令姜麗文與哥哥姜文杰更加懂事。

三餸一湯, 姜麗文
日前姜麗文與三姐(蕭秀香)為新煮食節目《三餸一湯》舉行開鏡儀式(圖片來源:[email protected] 娛樂新聞台)

秦沛為爭撫養權變窮

姜麗文與父親秦沛感情深厚,日前在商台節目《1圈圈 星光背後》,姜麗文首度公開講親生母親:「我親生媽咪喺我1歲前已經走咗,我真係冇乜feeling,亦唔係嬲,爸爸為咗可以keep我同哥哥可以喺埋一齊,佢乜嘢都畀晒佢(生母),我非常之感恩,覺得爸爸好偉大。嗰陣86年,爸爸啱啱贏咗《 癲佬正傳 》金像獎最佳男配角 ,佢為咗我哋再變番窮喎!嗰時阿爸為養家咩都接咩都做,我哋喺片場見證住佢拍戲好辛苦,覺得佢真係無得頂!」

三餸一湯 姜麗文日前接受商台節目訪問。
姜麗文日前接受商台節目訪問。(圖片來源:《1圈圈 星光背後》影片截圖)
三餸一湯 姜麗文覺得爸爸秦沛非常偉大。
姜麗文覺得爸爸秦沛非常偉大。(圖片來源:[email protected]

秦沛是Long D爸爸

姜麗文表示,曾經睇住秦沛在高溫40度下拍古裝戲,兩兄妹深深感受到父親的偉大,所以無論兒時讀書或出來工作,他們都會更加努力,盡力做好自己。姜麗文與哥哥姜文杰自小在加拿大長大,因為秦沛要搵錢養家,經常與一對子女分隔兩地,談到父親與她的相處,姜麗文說:「其實佢係Long D爸爸,成日工作飛來飛去,不過佢成日都寫嘢同畫嘢,又會送禮物畀我哋,等我哋覺得佢成日都陪住我哋。」

三餸一湯 秦沛曾為爭一對子女撫養權,花光所有興蓄。
秦沛曾為爭一對子女撫養權,花光所有積蓄。(圖片來源:[email protected]
三餸一湯 姜氏兄妹從小看著爸爸辛勤養家,自然特別生性。
姜氏兄妹從小看著爸爸辛勤養家,自然特別生性。(圖片來源:[email protected]

姜麗文從來冇買過名牌

姜麗文曾與哥哥姜文杰自資出碟,以歌手身份在香港出道,錢賺唔到生活拮据,他們都從來不向父親伸手:「爸爸實在太勤力喇,佢已經76歲,我憑乜嘢用佢多年嚟儲嘅錢呢?佢係咪應該用呢啲錢同我媽咪(指繼母)享受生活過二人世界呢?我到依家都未買過名牌,自己生存到就冇問題。」即使秦沛曾提議出錢畀姜麗文買樓做首期,她都拒絕。

三餸一湯 姜麗文表示長大後從不伸手問爸爸拎錢。
姜麗文表示長大後從不伸手問爸爸拎錢。(圖片來源:[email protected]
三餸一湯 為了實現歌星夢,姜麗文試過連60蚊的士多啤梨都買唔起。
為了實現歌星夢,姜麗文試過連60蚊的士多啤梨都買唔起。(圖片來源:[email protected]

60蚊盒士多啤梨都買唔起

當姜麗文回憶與哥哥姜文杰耗盡20萬積蓄,製作三首歌的EP,就更加點滴在心頭:「我咃除咗租錄音室,仲要請樂手,攝影師同拍MV……好快已經使咗20萬。第一年做新人,我哋只賺咗萬幾蚊,試過窮到去超巿,想買一盒好想食嘅士多啤梨,60蚊我都買唔起,最後喊住走,好彩阿爸唔知呢件事,嗰陣時真係好辛苦!」

三餸一湯 姜麗文與哥哥姜文杰曾入行做歌手。
姜麗文與哥哥姜文杰曾入行做歌手。(圖片來源:東方新地圖片庫)
三餸一湯 歌星唔易做,姜麗文入不敷支都頂硬上。
歌星唔易做,姜麗文入不敷支都頂硬上。(圖片來源:東方新地圖片庫)

姜麗文重提最傷心的一次

對於主持重提患抑鬱症,姜麗文承認是因為失戀導致:「我嗰時都唔知自己患抑鬱症,覺得失戀唔開心好合理吖!不過嗰個係人生最大嘅失戀,OH MY GOD!嗰個痛苦係到依家都…..所以我拍《星空下的仁醫》隨時都可以喊得出,因為當時嗰個Hurt好大!(當中係咪包括對方出軌?)OH!好老實講,我到依家都真係唔知!唉!唔好講呢啲……我試過三次想死,就係有呢個病,我依家先識得更愛、更錫自己!」眾所周知,姜麗文患抑鬱症前曾與鄭俊弘拍拖多年,因為這次情傷,她試過4年冇拍拖,17年終於覺得自己準備好,在朋友介紹下認識現在的未婚夫Pakho,二人一拍即合,至今都未曾鬧過交。

三餸一湯 姜麗文曾與鄭俊弘拍拖多年,當年鄭仍是二打六冇人識,與姜麗文出街都是女方畀錢。
姜麗文曾與鄭俊弘拍拖多年,當年鄭仍是二打六冇人識,與姜麗文出街都是女方畀錢。(圖片來源:東方新地圖片庫)
三餸一湯 姜麗文自揭坎坷身世 生母走佬 感激父親傾盡身家爭撫養權
當年鄭俊弘都有同秦沛姜麗文行街。(圖片來源:東方新地圖片庫)

常見問題

《三餸一湯》姜麗文會如何教大家做疫下廚神?

《三餸一湯》姜麗文會有「小姜研究所」與大家分享新手入廚小技巧⋯⋯詳情請看

新飲食節目《三餸一湯》將會播幾多集?

《三餸一湯》將於4月11日起逢星期一至三晚上10:30時段內播出⋯⋯詳情請看

圖片來源:TVB提供《三餸一湯》照片、《1圈圈 星光背後》影片截圖、[email protected]、東方新地圖片庫

最新吃喝玩樂資訊