一舞傾城|蔡潔楊明醉酒後床上激戰 拍前女友莊思明一早知唔擔心
廣告
《一舞傾城》今晚(29日)一集上演激情戲碼,暗戀 Monica(蔡潔飾)的志飛(楊明飾),在 Michelle(姚子羚飾)推波助瀾下成功約會 Monica,二人意亂情迷下發生一夜情 !
楊明「酒精累事」同蔡潔激戰
今晚一集講到,二人「酒精累事」發生一夜情 ,不過 Monica 事後對志飛有所避忌,似是未能走出失戀陰霾。蔡潔、楊明於這場近一分鐘的親熱戲,兩人化身人肉風火輪轉住嚟咀,由門外咀到上床,相當肉緊。講到這場戲,楊明受訪時說:「其實都冇乜尷尬,因為大家都入咗行咁耐都明白拍戲係咁,蔡潔好專業,而我亦都有呢類戲嘅經驗,大家都溝通好晒。事前都試咗幾次位,務求用最少 Take 數完成呢場戲。」
![蔡潔 一舞傾城 楊明 Monica 嘅打扮相當惹火!](https://imgs.orientalsunday.hk/wp-content/uploads/2023/05/29-5-2023-4.40_141918002564746520cc599-1024x744.jpeg)
楊明自爆拍親熱戲唔使備案
問到事前有否向女友莊思明備案?楊明笑言:「都唔使備案,因為思明有份拍呢套劇,劇本佢睇到晒,佢知道有呢場戲,但都會同佢講聲邊日會拍呢場。最好嘅係另一半都係演員,佢會明白係咩一回事。」講到劇中有除衫晒肌畫面,楊明坦言事前做足準備:「因為唔想肥騰騰咁,所以拍攝前都有做掌上壓、引體上升泵脹啲肌肉,亦有聽前輩分享話拍之前要收水,希望啲肌肉唔好咁鬆散。但掌上壓又唔可以做得太多,因為驚做得太多之後啲動作唔夠力做!」
![蔡潔 一舞傾城 楊明 問到事前有否向女友莊思明備案?楊明笑唔使備案,因為思明有份拍呢套劇。](https://imgs.orientalsunday.hk/wp-content/uploads/2023/05/03_156926925647464f6d4189-1024x576.jpg)
TVB《一舞傾城》劇情背景與那一套劇相似?
有觀眾表示,劇集出發點如果係仿效《華燈初上》,難免貨比貨,而新劇《一舞傾城》的風格與無綫1990年代的一部經典劇集極為相似,有觀眾提出不如改劇名⋯⋯按此看劇情介紹
TVB《一舞傾城》中陳法蓉飾演什麼角色?
《一舞傾城》以八十年代尖東舞廳做背景,預告片中陳法蓉將率領一班無綫女藝人集體下海⋯⋯按此看劇情介紹