美少女戰士盤點｜亞視一姐薛影儀衝擊眼球 邊位女星Cosplay最吸睛誘人？

薛影儀為義工犧牲色相 網友甘心被重罰

日前就冒著嚴寒，於IG上分享了自己以美少女戰士cosplay造型做義工的相片和影片，見到阿儀一身cosplay貼身服飾，身段凹凸有致，佢更難掩興奮心情，還擺出不同動作，面帶笑容話︰「我依家扮緊美少女啦！喳！終於搞掂！」網民對阿儀的cosplay造型大感興奮，直言衝擊眼球，除留言讚她好索，更激動到狂稱：「請你代替月亮懲罰我！」

《智能愛人》Ali扮月野兔色誘陸永

在《智能愛人》第15集中，飾演智能人阿寶的Ali為向主人陸永示愛，去情趣用品店購買美少女戰士制服，企圖色誘陸永，結果陸永不為所動，Ali更因錯摸入浴室而嚇親蔣志光。

《七公主》高Ling化身陸永靈感女神

而在《七公主》第9集的戲份中，高Ling亦有收錢扮演《美少女戰士》其中一個角色「天王遙」，為漫畫家陸永尋找創作靈感，兩人在劇中有感情線，高Ling透露她在劇會不止一次扮演「天王遙」。

即睇Ali、高Ling變身美少女戰士：

麥明詩孖馮盈盈出招 網友嫌裙太長

已離開無綫的港姐麥明詩（Louisa），仍於無綫拍攝《#後生仔傾吓偈》時，就曾以美少女戰士Cosplay造型現身，原來當集主題是談及Cosplay嘅主題裝扮！仲於Instagram上載同拍檔馮盈盈嘅Cosplay合照，獲唔少網民都讚好靚噃！麥明詩留言話：「萬事俱備，只欠長腿（雖然攝影師已經瞓喺地下低炒）」扮火野麗嘅佢短裙上陣，網民仲笑言「係條裙唔夠短！」另外，佢亦上載咗一段片，見到攝影師幫「月野兔」盈盈影緊靚相，麥明詩就叫佢變身，盈盈就狂郁，姿勢滿分，點知就有個人話：「相嚟㗎喎！」

延伸閱讀：蘇皓兒都扮過美少女戰士！

除了高Ling及Ali等人外，還有蘇皓兒（Chloe）都在網劇《把砒霜留給自己》的單元《星期日早上》內，Cosplay過美少女戰士！劇中蘇皓兒為賺外快，以Cosplay美少女戰士造型上陣，在公園內被大批龍友圍住任影，還扮可愛挨住個大波波， 一雙長腿甚為搶fo。