葛綽瑤
葛綽瑤

公子會|葛綽瑤默認仍保處子之身 自認無慾望男友無處發洩出軌收場

影視娛樂

廣告

參加《全民造星IV》後入行的葛綽瑤,上周末接受森美、火火(李家榮)及劉翁主持的商台節目《公子會》訪問,分享過往的戀情故事。曾經拍過四次拖的她自稱單身、現時是「A4」。四段戀情當中,有兩段都是遇著男方戀上別人而分手。

中學時期被師兄狂追

葛綽瑤其中一位男友是同校師兄,當時因為同班女生喜歡上師兄的好友,而開始留意到對方。她頁自爆:「本身點解會留意呢班師兄,係因為當中有個師兄鍾意咗我好耐,但我就無喜歡佢。可能因為佢太進擊,令我有啲壓力。」

葛綽瑤 葛綽瑤 接受森美、火火及劉翁訪問。
葛綽瑤 接受森美、火火及劉翁訪問。(圖片來源:FB@《公子會》)

Yoyo拒絕收兵做娘娘

那名暗戀她的師兄,會留意她回到學校的時間,然後每日站在同一個位置等她回來。一眾主持人起哄,指這種根本是癡漢行為,葛綽瑤則謂:「當我feel到時已經即刻拒絕咗佢,我唔係好鍾意人哋keep住咁做,而我又唔係想同佢發展,所以叫佢唔好再等我,但第二日佢都仲係度。」

葛綽瑤 葛綽瑤疑似暗示自己仍是處子之身。
葛綽瑤疑似暗示自己仍是處子之身。(圖片來源:YouTube@商業電台 Hong Kong Toolbar)
葛綽瑤 葛綽瑤大部份戀情都因同一原因分手。
葛綽瑤大部份戀情都因同一原因分手。(圖片來源:IG@yoyo_kot)

男友去O Camp似去夜總會?

現年23歲的葛綽瑤,在過往四段感情中有兩段都是因為男方愛上別人而分手。同校師兄則是因為二人在交友上有分歧而令戀情告終:「佢控制慾比較強,導致我兩年幾都無異性朋友。去到佢要升大學去O camp,佢讀傳理系所以女仔比較多。記得有次佢呃我話去旅行,本身話去五日,去到前一日又話其實去十日,再發現成團十幾個人但得兩個男仔。」主持人再度起哄:「咁梗係要呃你啦,講到去O camp好似去夜總會咁!」最後因為男方寬己嚴人的態度,令二人越來越多分歧,最後決定分手。

葛綽瑤 葛綽瑤前男友控制慾強。
葛綽瑤前男友控制慾強。(圖片來源:IG@yoyo_kot)
葛綽瑤 導致Yoyo中學時期與異性絕緣。
導致Yoyo中學時期與異性絕緣。(圖片來源:IG@yoyo_kot)

戀情還未開始已經結束

葛綽瑤越講越多,還有一個她未有算進四段戀情中的對象:「佢被我捉到,我同佢有拖過手同剩係錫過一次,就發現到原來佢唔係有另一個,係有另外三個,都係校外人。」她跟該名同班同學交往一個月就決定分開,到畢業後,僅餘兩名還有聯絡的異性朋友告訴葛綽瑤,當年已經見過那個男同學背著她跟其他女生單獨唱K。葛綽瑤直認自己都容易被人呃:「拍拖好少管對方,覺得乜嘢關係都需要信任。」

葛綽瑤 Yoyo在《季前賽》與姜濤有感情線。
Yoyo在《季前賽》與姜濤有感情線。(圖片來源:IG@viutv)
葛綽瑤 「BB級」感情線都有錫錫場面。
「BB級」感情線都有錫錫場面。(圖片來源:IG@viutv)

葛綽瑤拒親熱致男友偷食?

回看葛綽瑤大部份戀情都因為同一原因而分手,主持人火火認為一定是自己有問題需要去檢討。葛綽瑤終於講出重點:「可能就係因為我無係身體上俾佢地發洩。」男主持們恍然大悟,連本身開始遊魂的森美都突然清醍。火火本想探問葛綽瑤更深入的問題:「即係你而家仲係呀?」但她避開了沒有回答。

葛綽瑤 Yoyo一向走純情路線。
Yoyo一向走純情路線。(圖片來源:IG@yoyo_kot)
葛綽瑤 最近在ViuTV經常見到Yoyo的出現。
最近在ViuTV經常見到Yoyo的出現。(圖片來源:IG@yoyo_kot)

葛綽瑤無慾望 主持人誠心忠告

葛綽瑤都承認可能因為自己太乖而導致分手:「可能我太早返屋企,有啲男朋友要做兼職返夜,就可以同人哋去食宵夜。」森美則直指出重點:「你守身如玉齋拍拖而令男仔走!」葛綽瑤暗示無性需要,自認佛系:「係。我自己無乜太大呢個慾望。」火火聞言即認為她適合年紀較大的對象,劉翁則謂:「你而家搵男友最緊要睇佢有無樂悠卡,如果有就啱你喇!」

葛綽瑤到商台節目《公子會》任嘉賓,接受森美、火火及劉翁訪問。

被花姐欽點:放棄MIRROR都要簽佢

今年23歲的葛綽瑤去年參加ViuTV《全民造星4》出道,早在初選面試時就憑著出眾的外貌和實力,令評判和花姐留下深刻印象,花姐更誇下海口,豪言:「放棄MIRROR都要簽佢」。雖然只得第16名,但仍能加入ViuTV,之後旋即被重用,除了在《季前賽》中和姜濤有不少對手戲之外,還有一套未播映的電視劇《那年盛夏 我們綻放如花》。她又拍攝多個廣告,人氣不亞於COLLAR成員。

葛綽瑤 YoYO參選《全民造星4》入行,早在初選面試時就憑著出眾的外貌和實力,令評判和花姐留下深刻印象。
YoYO參選《全民造星4》入行,早在初選面試時就憑著出眾的外貌和實力,令評判和花姐留下深刻印象。(圖片來源:IG@yoyo_kot)

而本來外表甜美的葛綽瑤曾因為一張香港IG網店的相片而意外紅到台灣。原來她和相中的Youtube頻道《試當真》成員Jessica、 YouTube頻道「熊仔頭」熊女郎Santis Chan、ViuTV《YOLO的練習曲》演員Cissy等人份屬好友。

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地圖片來源:IG@yoyo_kot、FB@《公子會》、IG@wwhitetale、IG@viutvYouTube@Viu1 HK截圖、ViuTV《季前賽》劇照、YouTube@商業電台 Hong Kong Toolbar資料或影片來源:原文刊於東方新地