簡慕華
簡慕華

簡慕華曾中晒十個抑鬱症狀 與黃德斌一樣經歷過情緒低谷 終日以淚洗面

影視娛樂

廣告

簡慕華早前憑ViuTV熱爆劇集《大叔的愛》而人氣急升,日前她接受旦哥(鄭丹瑞)網上節目《健康‧旦》訪問,透露自己曾與好友黃德斌一樣陷入過情緒低谷,並中晒她在網上search到的十個抑鬱症狀,最後靠這樣才終於令她走出情緒谷底。

文:東方新地|圖:簡慕華IG、《健康‧旦》YouTube影片截圖

簡慕華 與黃德斌互相影響

現年44歲的簡慕華曾效力無綫17年,至2017年解約後,她秘嫁拍拖多年的圈外男友,之後便淡出幕前,並移居加拿大,直到今年回流香港演出ViuTV劇集《大叔的愛》,令她再度受到觀眾關注,日前她接受鄭丹瑞網上節目《健康‧旦》訪問,透露自己曾與好友黃德斌一樣陷入過情緒低谷,並中晒她在網上search到的十個抑鬱症狀。

簡慕華婚後已淡出幕前,和圈外老公定居加拿大。(圖片來源:簡慕華IG)
簡慕華婚後已淡出幕前,和圈外老公定居加拿大。(圖片來源:簡慕華IG)
簡慕華早前在ViuTV劇集《大叔的愛》中,飾演黃德斌的太太Francesca。(圖片來源:簡慕華IG)
簡慕華早前在ViuTV劇集《大叔的愛》中,飾演黃德斌的太太Francesca。(圖片來源:簡慕華IG)
劇中簡慕華與MIRROR成員Stanley的姊弟戀大受觀眾喜愛。(圖片來源:簡慕華IG)
劇中簡慕華與MIRROR成員Stanley的姊弟戀大受觀眾喜愛。(圖片來源:簡慕華IG)

曾四度合演戀人

簡慕華坦言一直都有人邀請她回港拍劇,但因她身處加拿大,返港要隔離21日,所以不會刻意返香港,直至今次因為好友黃德斌有份主演,她才決定回港接拍《大叔的愛》。原來簡慕華曾與黃德斌四度合演過夫妻或戀人角色,戲外兩人亦是一對好朋友,她笑言:「我哋都成日出嚟玩、食飯、睇戲同傾偈,佢啲生活習慣、飲食、思想模式都同我好似,好多嘢都係互相影響。」

簡慕華日前為鄭丹瑞的網上節目《健康‧旦》擔任嘉賓。(圖片來源:簡慕華IG)
簡慕華日前為鄭丹瑞的網上節目《健康‧旦》擔任嘉賓。(圖片來源:簡慕華IG)
旦哥指由2006年拍處境劇《高朋滿座》時,已開始認識簡慕華。(圖片來源:《健康‧旦》影片截圖)
旦哥指由2006年拍處境劇《高朋滿座》時,已開始認識簡慕華。(圖片來源:《健康‧旦》影片截圖)
旦哥直言好鍾意簡慕華永遠都咁開心。(圖片來源:《健康‧旦》影片截圖)
旦哥直言好鍾意簡慕華永遠都咁開心。(圖片來源:《健康‧旦》影片截圖)

陷入情緒低谷

簡慕華又透露曾因家人及感情方面的問題,而與黃德斌一樣陷入過情緒低谷,她直言:「我都好似德斌所形容咁,曾經試過嚴重到唔想出街、唔想見人,終日喺度喊,我係試過呢啲stage,連睇周星馳嘅戲或者卡通片都喊,我知道係要睇嘢去分散自己注意力,搵朋友做運動都試過,咩方法都試過晒,但都係升唔返起個情緒。」

簡慕華話試過睇周星馳嘅戲都喊。(圖片來源:《健康‧旦》影片截圖)
簡慕華話試過睇周星馳嘅戲都喊。(圖片來源:《健康‧旦》影片截圖)
簡慕華自言當時試過好多方法,但升唔返起自己個情緒。(圖片來源:《健康‧旦》影片截圖)
簡慕華自言當時試過好多方法,但升唔返起自己個情緒。(圖片來源:《健康‧旦》影片截圖)

十個病徵中晒

簡慕華憶述這個狀態持續至一次她照鏡見到自己,她說:「我同自己講你真係好唔掂,唔可以畀自己再沉淪落去。我就上網search十個抑鬱症嘅病徵,十個中晒,我就知道不得了啦,如果唔再醫自己、唔抽身嘅話,就係咁先㗎啦。」

簡慕華話十個抑鬱症嘅徵狀,佢十個都中晒。(圖片來源:《健康‧旦》影片截圖)
簡慕華話十個抑鬱症嘅徵狀,佢十個都中晒。(圖片來源:《健康‧旦》影片截圖)
簡慕華話佢本身嘅性格係好樂天、好開心嘅。(圖片來源:《健康‧旦》影片截圖)
簡慕華話佢本身嘅性格係好樂天、好開心嘅。(圖片來源:《健康‧旦》影片截圖)

唔使食藥正常返

於是簡慕華開始向朋友傾訴,又外出享受大自然,她表示自己主要的傾訴對象都是朋友而非家人:「因為工作性質關係,我見朋友多過屋企人;加上性格問題,唔想將唔開心嘅嘢話畀屋企人聽,又有一重壓力畀自己。好彩呢行都有好多好好嘅朋友陪住我成長,我諗半年左右,唔使食藥,我就正常返晒。」

簡慕華指大自然的鳥聲、流水聲、風聲和樹聲都令她惑覺好舒服:「一起身見到花草蟲魚我已經好開心,朝早嘅開心可以帶動全日嘅動力。」(圖片來源:《健康‧旦》影片截圖)
簡慕華指大自然的鳥聲、流水聲、風聲和樹聲都令她惑覺好舒服:「一起身見到花草蟲魚我已經好開心,朝早嘅開心可以帶動全日嘅動力。」(圖片來源:《健康‧旦》影片截圖)
簡慕華話好感謝圈中有好多好朋友陪住她成長。(圖片來源:《健康‧旦》影片截圖)
簡慕華話好感謝圈中有好多好朋友陪住她成長。(圖片來源:《健康‧旦》影片截圖)
簡慕華在圈中有不少好朋友。(圖片來源:簡慕華IG)
簡慕華在圈中有不少好朋友。(圖片來源:簡慕華IG)

簡慕華老公陪返港拍《大叔的愛》

簡慕華今年2月回港拍攝《大叔的愛》,接受完21日隔離後,出關即出席《大叔的愛》記者會,近月並為劇集出街做宣傳。簡慕華指好開心老公可以遙距工作,故今次陪她一起回港,簡慕華又指會完成所有《大叔的愛》宣傳才返加拿大,所以這段時候若然有其他工作都會接。

(圖片來源:《大叔的愛》劇照)
簡慕華劇中飾演黃德斌太太Francesca,搵飾演田田的Edan幫手查誰是小三﹗(圖片來源:《大叔的愛》劇照)
(圖片來源:《大叔的愛》劇照)
(圖片來源:《大叔的愛》劇照)

大讚有足夠時間準備及休息

無綫近來大改革,並邀請舊將回巢,問到簡慕華有冇接到邀請?簡慕華直指沒有被邀,再被問到有否觀看無綫大改革後的綜藝節目,簡慕華直接話冇:「想睇啲自己想睇嘅嘢先囉﹗」簡慕華又指今次《大叔的愛》合作愉快,大讚幕前幕後都好好,指自己被照顧得好好:「有足夠時間準備同休息,令我可以喺每一場戲都有時間去諗點演﹗」

劇情講到簡慕華與黃德斌下屬 Louis私下約會,疑似搞瞹眜。(Stanley@Mirror飾)(圖片來源:《大叔的愛》截圖)
劇情講到簡慕華與黃德斌下屬Louis私下約會搞瞹眜,之後更向簡慕華求婚㖭。(Stanley@Mirror飾)(圖片來源:《大叔的愛》截圖)
簡慕華話同台前幕後合作相當愉快,在Anson Lo生日當天貼出合照賀壽﹗(圖片來源:簡慕華IG)
簡慕華話同台前幕後合作相當愉快,在Anson Lo生日當天貼出合照賀壽﹗(圖片來源:簡慕華IG)

延伸閱讀:

簡慕華結束與無綫17年賓主關係

簡慕華2000年選港姐,雖然三甲不入但簽約做無綫藝員,拍過好多劇集,雖然做閒角,但演出機會不斷,更加是金牌監製戚其義愛將,二人傳緋聞傳足多年,外間一直認定二人係一對。17年簡慕華拍完《超時空男臣》後結束同無綫的十七年賓主關係,離巢但未有跟任何電視台合作。

簡慕華離巢無綫後,與同事們保持聯絡﹗(圖片來源:簡慕華IG)
簡慕華離巢無綫後,與同事們保持聯絡﹗(圖片來源:簡慕華IG)

18年突然宣布已嫁人

簡慕華離巢大半年未有更新社交網,18年2月於微博及IG上載跟圈外老公的合照,並留言話:「We do. We did. Forever and always.」(無論過往及將來,我們一直相愛),見二人情深對望,勁SWEET!據知簡慕華早在17年離巢無綫後便秘嫁圈外老公,而老公係佢嘅中學同學,二人早年在敍會碰頭撻著!秘嫁近一年才公布喜訊,貫徹其低調作風﹗

簡慕華18年突然宣布已嫁人,老公是圈外人﹗(圖片來源:簡慕華IG)
簡慕華18年突然宣布已嫁人,老公是圈外人﹗(圖片來源:簡慕華IG)
(圖片來源:簡慕華微博)
(圖片來源:簡慕華微博)
簡慕華選港姐時,因樣子似王菲,有「翻版王菲」稱號,在無綫多年來,拍過不少劇集﹗(圖片來源:簡慕華微博)
簡慕華選港姐時,因樣子似王菲,有「翻版王菲」稱號,在無綫多年來,拍過不少劇集﹗(圖片來源:簡慕華微博)

簡慕華曾經係金牌監製戚其義愛將,二人也傳緋聞多年,本刊也多次拍得二人密會,但一直為當時人否認!

簡慕華和戚其義拍拖行孖咇,被本刊斷正﹗(圖片來源:東方新地)
簡慕華和戚其義拍拖行孖咇,被本刊斷正﹗(圖片來源:東方新地)
簡慕華否認戀情﹗並指二人係好朋友﹗(圖片來源:東方新地)
簡慕華否認戀情﹗並指二人係好朋友﹗(圖片來源:東方新地)

二人經常出雙入對,不過簡慕華話佢哋係Friend,對於緋聞會一笑置之,而且簡慕華嘅老公都認識戚其義!

睇相都知感情唔錯﹗(圖片來源:簡慕華IG)
睇相都知感情唔錯﹗(圖片來源:簡慕華IG)
簡慕華在無綫多做綠葉角色,在監製戚其義的劇集定必有發揮,是個被公認有演技的藝人﹗(圖片來源:東方新地)
簡慕華在無綫多做綠葉角色,在監製戚其義的劇集定必有發揮,是個被公認有演技的藝人﹗(圖片來源:東方新地)
劇外都是好朋友﹗(圖片來源:東方新地)
劇外都是好朋友﹗(圖片來源:東方新地)
《天與地》有定期聚會,幕前幕後感情要好﹗(圖片來源:簡慕華微博)
《天與地》有定期聚會,幕前幕後感情要好﹗(圖片來源:簡慕華微博)

簡慕華科大畢業 選港姐入行

在科技大學物理系畢業的簡慕華,當時投考空姐做咗一年地勤,於2000年參加港姐,但決賽止步,當年的冠軍是劉慧蘊、亞軍是簡佩堅、季軍是劉嘉慧,拍過好多劇集,多做閒角,直至演出《金枝慾孽貳》同《心戰》等劇做女配角,演技備受讚賞。而17年2月拍完無綫劇《超時空男臣》後決定離巢。

簡慕華2000年選港姐入行﹗(圖片來源:東方新地)
簡慕華2000年選港姐入行﹗(圖片來源:東方新地)

即睇簡慕華《健康旦》訪問:

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

資料或影片來源:原文刊於東方新地