杜琪峯
杜琪峯

杜琪峯鬧速遞員被cap圖放上網 網民反指「受害人」看圖作文

影視娛樂

廣告

現年67歲的大導演杜琪峯(杜Sir)盛傳在片場性格好火爆,經常會爆粗鬧人,近日就有網民在討論區爆料,指杜Sir在樓梯間鬧爆一名速遞員,仲cap埋圖畀放上網公開熱烈討論!不過網民反應兩極,有人力撐杜Sir,指他一向對基層都好客氣,亦有人力撐該名速遞員,指責杜Sir!

杜琪峯 被指爆粗鬧速遞員撞崩樓梯

近日有網民在社交網上一個觀塘群組討論區中,貼出了一張杜琪峯與一名速遞員在大廈樓梯間中的照片,稱拍照地點是在杜Sir位於觀塘鴻圖道的甲級寫字樓,並指當時杜Sir因不滿該名速遞員推車仔送貨上樓,指其車仔會「撞崩佢啲樓梯」,因而爆粗鬧人,網民對這個post反應兩極,更為各撐一方而掀起罵戰!

杜琪峯 杜Sir同速遞員在樓梯口﹗
杜Sir同速遞員在樓梯口﹗(圖片來源:FB@官塘老母群組截圖)

網民鬧杜Sir:樓梯豆腐做咩,咁易撞崩!

有網民留言指杜Sir出名經常在片場爆粗鬧人:「連劉華都被佢鬧過,我信佢會去虎個速遞員囉!」,亦有網民指杜Sir過份緊張:「豆腐做咩?咁都撞得崩!唔通將部車仔托上膊咩,阿導演」、「人哋派件已經好辛苦」、「呢位師兄真好EQ,硬食冇出聲」、「送貨車仔會包膠唔會撞崩佢嘅樓梯嘅!」、「以後叫佢自己落樓攞件啦!」等,同時有網民焦點落在杜Sir冇戴口罩上,留言:「戴番口罩先啦杜Sir!」、「楝嘢係佢嘅當喺屋企所以唔戴啩,吹咩」、「可以鬧番佢冇戴口罩罰佢五千!」等等。

杜琪峯 杜琪峯身兼導演及監製《七人樂隊》即將上映﹗
杜琪峯身兼導演及監製的電影《七人樂隊》即將上映,有網民問杜Sir鬧速遞員cap圖係咪為宣傳新戲?(圖片來源:相關機構)

網民撐杜琪峯:看圖作文﹗杜Sir對基層好客氣

同時有不少網民力撐杜琪峯指「似係看圖作文」、「張圖杜Sir笑笑口喎」等,樓主即回覆反駁「我先冇咁得閒作嘢,或者我忽然間幻聽囉」,其後有網民指速遞員唔啱規矩:「樓梯唔係畀車仔用㗎喎!」、「唔好同我講咩辛苦嗰啲呀!」、「我之前都係做呢間速遞公司,係唔可以推部車仔上落樓梯喎!」,有網民即反駁:「成棟樓係杜Sir,業主係佢,但佢又當劏房咁租咗出去,叫人點逐次拎上去呀?」。有網民就撐杜Sir一向好人,指佢雖然有脾氣,但對基層好客氣!亦有網民指信杜Sir唔係咁嘅人,但就指杜Sir個仔先鍾意鬧人,仲出埋片以作證,亦有網民指有其父必有其子!各有支持者!仲有幾日就係電影金像獎頒獎禮,有網民話可能係宣傳技俩喎,唔知杜Sir會唔會回應吓呢單嘢呢?

杜琪峯成焦點:成日都講Mirror多咗啲!

杜琪峯有江湖地位,行內人人尊重,出名有性格又敢言,之前出席MakerVille發佈會,被主持谷德昭問到熟唔熟悉ViuTV男團Mirror時,杜琪峯即表示:「又嚟?好似多咗啲,成日都提佢哋。閃嚟閃去通街都係,成日見都幾討厭㗎,個時代又要轉一轉喇。」其後講到現時電影圈問題時,杜琪峯還指現時戲院像「試映室」,返屋企睇仲好,錯口指「屋企食得煙」,谷德昭即幫手兜圓埸說「係錯嘅呢個行為」,即惹笑埸。

杜琪峯 MakerVille
(圖片來源:youtube@MakerVille)

杜Sir首拍廣告好好戲

杜Sir氣場勁,平時看來甚為嚴肅,之前孖欣宜、盧瀚霆拍銀行廣告,表情誇張又搞笑,令大家都好驚喜﹗

杜琪峯 杜Sir對欣宜所講銀行及信用卡優惠感興趣,表情趣怪﹗
杜Sir表情趣怪﹗(圖片來源:廣告截圖)
杜琪峯
(圖片來源:廣告截圖)

將來還有什麼演唱會值得留意?

有不少歌手宣布舉辦演唱會,小編為你整合了香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

香港18區都非常值得花時間好好探索,一家大細去暢玩的親子好去處、拍拖推介32大情侶好去處、落雨必去的室內好去處、慶生推薦20大生日好去處、新手必備19大靚景行山好去處、秋天戶外露營好去處…..

撰文:東方新地(部分內容轉載自NewMonday)圖片來源:FB@官塘老母群組截圖資料或影片來源:原文刊於NewMonday