《姊妹淘》主持大換血 27歲陳詩欣肯搏肯露有得留低

新假期 - 影視

Jul 23 2020

廣告

已有9年歷史嘅無綫J2台長壽節目《姊妹淘》，一度以為腰斬，原來今個月革新推出第四輯，更升呢強勢登陸翡翠台播出㖭！話明重新出發，連班主持都要換血，元老級人馬只有莊思敏有得留低，而將做第二任媽媽的吳若希因為要安胎冇得留低，而上一輯加入的新晉宅男女神陳詩欣（Eunice）就可繼續留任，呢啲咪叫同人唔同命囉！

原文刊於《東方新地》

陳詩欣肯搏肯露冧人有一手

憑節目《 3日2夜》上位，變成「是非精」主持《學是學非》同樣大受歡迎，近期除為娛樂新聞台擔任主持外，又要拍攝《姊妹淘》，27歲陳詩欣獲公司器重。學吳若希話齋：「點解嘅？點解嘅？」皆因陳詩欣年輕貌美，運用天賦本錢肯搏肯露，踏入盛夏即狂派冰淇淋消暑㖭！日前撞見陳詩欣趕住返電視城開工，平日儲埋唔少粉絲嘅 Eunice，每日返工放工，都被要求集郵成為常態，難得佢無論幾趕都好，對粉絲總冇托手踭，永遠笑臉迎人，冧人確有一手！

由《3日2夜》出浴賣大包、到《學是學非》嘅「是非精」及《愛·回家之開心速遞》嘅靚靚 Suki，原來陳詩欣真係儲埋儲埋好多粉絲。

每日都有唔少Fans到電視台門口等見偶像，陳詩欣都唔例外，每日返工放工都被圍求集郵。

平時IG愛上山下海騷身材，原來平日返工陳詩欣一樣著得好清涼。

全新一輯《姊妹淘》新加入了謝芷倫、曾淑雅，本來只是嘉賓主持的李君妍、蔡嘉欣、孫慧雪、傅嘉莉變正式主持。

有「一件頭女神」之稱的陳詩欣，po張長腿水著相提大家新一輯《姊妹淘》開播，逢周一至周五下午二時十分翡翠台播出。

模特兒出身、選過校花做過歌手，陳詩欣近年備受無綫力捧。

陳詩欣真正上位係《3日2夜》出浴一役，孖住拍檔鍾晴極速吸引宅男注視。

與好姊妹余香凝、鄧穎堯自稱三大金花，閨密慶生竟到酒店玩浸浴。

有好嘢唔怕晒，水著大放送狂騷事業線。

Eunice 私底下仲有鋪晒腿癮，就算著一件頭泳衣都好有睇頭！

隨著TVB限奶令解放，Eunice亦喺IG預告將會於《3日2夜》有水著出籠，各位粉絲唔好錯過呀。

甜美嬌滴滴嘅陳詩欣勁鍾意po靚相，亦不吝嗇露肉。

關鍵詞

姊妹淘陳詩欣娛樂熱話

資料或影片來源：原文刊於東方新地